1 SAMUEL 6:2 - Bibəl ta Sar̄

² Pilistin gə̄ dəjen̄ ngé tun̄ yá̰a̰ yādə́ gə̄ ō, kɔdə̄ sāā yādə́ gə̄ ō, na ké kə n-rāān̄ i ba̰ý kə sandúkə yā Kɔ́ɔ̄ɓēé wa. Kə ojən̄də́ loo tél kəlań gogə́ ɓēé.

Bible sar

² Pilistin gə̄ dəjen̄ *ngé tun̄ yá̰a̰ yādə́ gə̄ ō, kɔdə̄ sāā yādə́ gə̄ ō, na ké kə n-rāān̄ i ba̰ý kə sandúkə yā Kɔ́ɔ̄ɓēé wa. Kə ojən̄də́ loo tél kəlań gogə́ ɓēé.

1 SAMUEL 6:2 Referans Kwoze

Teē Ngán Israel gə̄ 7:11

Ɓáa Parao̰ ɓāŕ ngé kum kedə̄ gə̄ kə ngé bógə̄rō de gə̄ kə́ Ejiptə tə́ adə̄ reē rāān̄ tītə̄ ń noō ō, kə kəga yādə́ gēé.

TA KƏLA 41:8

Teē dəloí anī kem Parao̰ ndi kə gōó alé, adə̄ ɓāŕ mbōlí gə̄ ō, ngé ger̄ yá̰á̰ ngá̰ý kə́ Ejiptə tə́ gə̄ ō, malang ɔjədə́ gotə nī ní tā, ba deē kógə̄ḿ kə́ asə kɔjən kum gətóo.

DANIEL 5:7

Mban̄g un ndūn kə̄ dɔɔ́ ngá̰ý ədań kə tɔ́gɔ́ kadə̄ reēn̄ kə ngé kum kedə̄ gə̄ kə́ Babilon rɔ̄n tə́, adə̄ i ngé bógə̄rō de gə̄ ō, ngé ger̄ tə́yō̰ gə̄ ō, kɔdə̄ sāā gə̄ ō. Ni un najə̄ ɔr̄ sedə́, ədadə́ na: Deē ń a tə́dá yá̰á̰ ń ndangən̄ toó ō, a ɔjəm̄ kumən ō anī a o̰ō̰ kūbə̄ kə́ majə ngá̰ý ō, a o̰ō̰ məde lɔ́r kɔ́ɔn tə́ ō, a tél nge ko̰o̰ ɓē kə́ dan ngé ko̰o̰ ɓē kə́ bo gə̄ tə́ kem ɓē ko̰o̰ yāḿ tə́ ō.

DANIEL 2:2

Anī mban̄g əda kadə̄ ɓārə́n̄ mbōlí gə̄ ō, ngé tə̄ɓā ndíĺ kə́ majaĺ gə̄ ō, ngé kəga gə̄ ō, kɔsə̄ sāā gə̄ ō, kadə̄ reē ɔjənən̄ kum nī ń rāān ní. Nin̄ reēn̄ ran̄ non tə́,

MATIYE 2:4

Anī ni-ɔsə dɔ ngol gə̄ kə́ dɔ ngé tun̄ yá̰a̰ gə̄ tə́ malang naā tə́ ō, ɔsə dɔ ngé ndóō de gə̄ ndū najə̄ yā ngán Israel gə̄ naā tə́ ō, ba dəjedə́ na ké loo ń a ojən̄ Kərist tū tə́ ní ké i rá wa.

IJAI 2:6

Kɔ́ɔ̄ɓē, ḭ̄ ə́yá̰ gír deē yāí gə̄ ń i kojə yā Jakob ní kɔ̄ɔ́. I tām̄ yā yá̰á̰ ń toō tə́: Kɔdə̄ sāā gə̄ kə́ ḭḭn̄ gír ɓē tə́ taān̄ loo kem ɓē yān tə́. Kutə ngé ka̰a̰ yá̰á̰ kə́ dɔ rā̰ tə́ gə̄ i ngá̰ý tītə̄ yā ngé kə́ ɓē Pilistin gēé. Gír deē yāí gə̄ rāān̄ gātə̄ kə tə̄rā gēé.

1 SAMUEL 6:1

Sandúkə yā Kɔ́ɔ̄ɓē rāā nāā sīrí dɔ nang yā Pilistin gə̄ tə́.

1 SAMUEL 5:8

Əlan̄ gɔ̄ ngār gə̄ yā Pilistin gə̄ tə́ malang adə̄ reēn̄ ba dəjen̄də́ na ké kə n-rāān̄ i ba̰ý kə sandúkə yā Nə́ɓā yā ngán Israel gēé wa. Anī ngār gə̄ tél ədan̄də́ na kə aw̄n̄neé kem ɓē kə́ Gat tə́. Loo ń noō tə́ nin̄ ndɔ́tə̄n̄ kə sandúkə́ ní aw̄n̄neé Gat.