1 SAMUEL 6:19 - Bibəl ta Sar̄

¹⁹ Kɔ́ɔ̄ɓē rāā adə̄ yá̰á̰ kə́ tōr̄ rāā de kə́ Bet Semes gə̄ tɔdɔ̄ kumdə́ a̰a̰ sandúkə yān. Ni-rāā adə̄ de kə́ dəngam gə̄ oyn̄ kutə sīrí dɔ dáńdə́ tə́. Loo ń noō tə́ gotə de gə̄ ń na̰yn̄ ní əhɔn̄ ndoō tām̄ yā yá̰á̰ kə́ tōr̄ ngá̰ý ń Kɔ́ɔ̄ɓē rāā sedə́ tə́ ní.

Bible sar

¹⁹ Kɔ́ɔ̄ɓē rāā adə̄ yá̰á̰ kə́ tōr̄ rāā de kə́ Bet Semes gə̄ tɔdɔ̄ kumdə́ a̰a̰ sandúkə yān. Ni-rāā adə̄ de kə́ dəngam gə̄ oyn̄ kutə sīrí dɔ dáńdə́ tə́. Loo ń noō tə́ gotə de gə̄ ń na̰yn̄ ní əhɔn̄ ndoō tām̄ yā yá̰á̰ kə́ tōr̄ ngá̰ý ń Kɔ́ɔ̄ɓē rāā sedə́ tə́ ní.

1 SAMUEL 6:19 Referans Kwoze

TƏ́DA 4:20

A udən̄ kem loo kə́ táĺ tə́ dan ń a ɓír̄nəń gidə yá̰á̰ kə́ táĺ gə̄ ní alé, na ré kumdə́ əsō dɔ tə́ anī a oyn̄.

Teē Ngán Israel gə̄ 19:21

Kɔ́ɔ̄ɓē əda Moijə na kə tél kə aw̄ kə tāā de gə̄ kadə̄ bə̄gān̄ naā reēn̄ ka̰a̰n tə́ alé, na sōgə́ de gə̄ oyn̄ ngá̰ý dɔ dáńdə́ tə́.

2 SAMUEL 6:7

Anī wōn̄g rāā Kɔ́ɔ̄ɓē seneé adə̄ Kɔ́ɔ̄ɓē əndan tām̄ yā yá̰á̰ kə́ gōtə́ aĺ ń ni-rāā tə́ ní. Uja oy kə̄ loo nəkɔ́ ń noō tə́ kadə sandúkə yā Nə́ɓā tə́.

TƏ́DA 4:15

Dan ń ngán Israel gə̄ a ndɔ́tə̄n̄ ɓē anī, Aaro̰ nin̄ kə ngánən gēé a tɔ̄lə̄n̄ ta ɓír̄ gidə yá̰á̰ kə́ táĺ gə̄ ō, yá̰a̰ rāā kəla gə̄ kə́ kem loo kə́ táĺ tə́ ō, pá tá ngán Kehat gə̄ a reēn̄ yā kɔy kətō ɓáý. Ngán Kehat gə̄ a ɔdən̄ rɔ̄ɔ̄ yá̰á̰ kə́ táĺ gə̄ alé na sōgə́ oyn̄. Kəla kətō yá̰á̰ kə́ kem kújə kənge naā tə́ ń əndān̄ dɔ ngán Kehat gə̄ tə́ kadə̄ rāān̄ ni n noó.

KOLOSƏ 2:18

De gə̄ ń nel̄də́ tél kə rɔ̄də́ kə̄ nang tə́ ō, rāā kəla kadə̄ de kə́ dɔ rā̰ tə́ gə̄ ō, əhɔn̄ gō yá̰a̰ gə̄ ń nin̄ kɔ́ gə̄ a̰ā̰n̄ ō ní, ī-lōōī kadə̄ gólə̄n̄sí. De kə́ beé gə̄ ní, gír̄ najə̄ yādə́ kə́ gō yā deē ndul tə́ rāā adə̄ nin̄-ɔjən̄ rɔ̄də́ kanjə̄ kumən.

1 PIYER 4:17

Tām̄ kum mbang gān̄g sarya ugə̄ kɔ̄ɔ́, ba i de gə̄ yā Nə́ɓā n a əlan̄ gír dɔdə́ tə́ ní. Ba ré sarya a əla gír i dɔjí jḭḭ̄ tə́ anī, ngé gə̄ ń mbātə́n̄ taā kem Najə̄ kə́ Majə yā Nə́ɓā ní, ta tɔ̄l̄ tadə́ a to i ba̰ý?

Teē Ngán Israel gə̄ 33:4

Dan ń ngán Israel gə̄ oōn̄ najə̄ kə́ majaĺ ń noō anī, əhɔn̄ ndoō. Deē tə́lá yá̰á̰ súū rɔ̄ gə̄ rɔ̄n tə́ alé.

TƏ́DA 1:51

Ta ndɔ́tə̄ kə kújə yā Nə́ɓāá anī i ngán Lebi gə̄ n a tútən̄ ní ō, ta dəba anī i nin̄ n a udən̄ ní ō. De kə́ karī ń a aw̄ rɔ̄ɔ̄ tə́ ní a tɔ̄l̄nən̄ kɔ̄ɔ́.

TƏ́DA 4:18

Ī-lōōī rāā kadə̄ gír kaa gə̄ yā Kehat gə̄ gətóon̄ kɔ̄ɔ́ dan ngán Lebi gə̄ tə́.

2 YÁ̰A̰ GƏ̄ 25:21

Loo ń noō tə́ Joas mban̄g kə́ Israel aw̄ rɔ̄ɔ́. Ngé rɔ̄ɔ̄ yān gə̄ ō, ngé rɔ̄ɔ̄ yā Amasia gə̄ ō, dəban̄ naā tə́ Bet Semes, dɔ nang kə́ Juda tə́.