1 SAMUEL 6:17 - Bibəl ta Sar̄

¹⁷ Kutə yá̰a̰ gə̄ kə́ ton̄ tītə̄ yá̰á̰ kə́ agə̄ de gə̄ kə́ rāān̄də́ kə lɔ́rɔ́ gə̄ ń Pilistin gə̄ adə̄n̄ Kɔ́ɔ̄ɓē yā kəsōnneé naā ní n toó: Yā ɓē kə́ Asdod i kógə̄ḿ, yā ɓē kə́ Gaja i kógə̄ḿ, yā ɓē kə́ Askalon i kógə̄ḿ, yā ɓē kə́ Gat i kógə̄ḿ, yā ɓē kə́ Ekəron i kógə̄ḿ ō.

Bible sar

¹⁷ Kutə yá̰a̰ gə̄ kə́ ton̄ tītə̄ yá̰á̰ kə́ agə̄ de gə̄ kə́ rāān̄də́ kə lɔ́rɔ́ gə̄ ń Pilistin gə̄ adə̄n̄ Kɔ́ɔ̄ɓē yā kəsōnneé naā ní n toó: Yā ɓē kə́ Asdod i kógə̄ḿ, yā ɓē kə́ Gaja i kógə̄ḿ, yā ɓē kə́ Askalon i kógə̄ḿ, yā ɓē kə́ Gat i kógə̄ḿ, yā ɓē kə́ Ekəron i kógə̄ḿ ō.

1 SAMUEL 6:17 Referans Kwoze

2 SAMUEL 1:20

Ī-lōōī kəda najə̄n kem ɓē kə́ Gat tə́. ī-lōōī kəda gotə kum róbə gə̄ kə́ kem ɓē kə́ Askalon tə́, na sōgə́ adə̄ ngán Pilistin kə́ dəyá̰ gə̄ rɔ̄nel̄, na sōgə́ ngáń kə́ dəyá̰ gə̄ yā ngé kəja mɔtədə́ aĺ gə̄ ń noō rāān̄ walya.

AMOS 6:2

I beé ní, āwī Kalne á̰a̰ī! Gō tə́ anī ḭ́ḭī noó āwī bátə́ ūgī Hamat ń i ɓē kə́ bo ní tə́. Ī-raī dɔ tə́ noō ī-risə āwī Gat ɓē Pilistin gēé. Ɓē ko̰o̰ gə̄ ń noō ní, gātə̄sí tɔȳ yādə́ a? Ɓē yāsí bo tɔȳ yādə́ a?

JEREMI 25:20

de kə́ no ɓē tə́ gə̄ malang ō, mban̄g gə̄ malang kə́ kem ɓē kə́ Us tə́ ō, mban̄g gə̄ malang kə́ kem ɓē yā Pilistin gə̄ tə́, adə̄ i mban̄g kə́ Askalon tə́ ō, kə́ Gaja tə́ ō, kə́ Ekəron tə́ ō, gotə de gə̄ ń na̰yn̄ Asdod tə́ ní ō,

2 YÁ̰A̰ GƏ̄ 26:6

Ojias aw̄ rɔ̄ɔ̄ Pilistin gə̄. Ni tétə̄ ndogə̄ mbal̄ gə̄ kə́ gidə ɓē gə̄ kə́ Gat tə́ ō, Yabəne tə́ ō, Asdod tə́ ō, nang tə́ kɔ̄ɔ́ malang. Gō tə́ anī rāā ɓē gə̄ ń ndin̄ kə gō gidə ɓē kə́ Asdod ní ō, ɓē gə̄ kə́ dɔ nang yā Pilistin gə̄ tə́ ō.

2 MBAN̄G 1:2

Ndɔ̄ kə́rēý tə́ mban̄g Akajias ndi kem kújə yān kə́ dɔɔ́ kə́ Samari tə́ anī teē ko̰rō̰ kújə́ tə́ əsō adə̄ ənge do ngá̰ý. Ni-əla koō taá rɔ̄ Baal Jebul, nə́ɓā kə́ Ekəron tə́ yā gerə̄ń ké rɔ̄n a ngáā wa.

2 SAMUEL 21:22

Dabid nin̄ kə deē yān gēé tɔ̄lə̄n̄ Pilistin kə́ sɔ́ gə̄ ń nin̄ i de gə̄ kə́ gír kaa yā Harapa kə́ Gat tə́ ní.

1 SAMUEL 6:4

Ba Pilistin gə̄ tél dəjen̄də́ na ké kə n-əsōnən̄ naā i kə rí wa. Anī ngé tun̄ yá̰a̰ gə̄ kə kɔdə̄ sāā gə̄ tél ədan̄də́ na kə adə̄nən̄ yá̰a̰ gə̄ kə́ ton̄ tītə̄ yá̰á̰ kə́ agə̄ de kə́ rāā kə lɔ́rɔ́ gə̄ mí ō, yégə̄ gə̄ kə́ rāān̄də́ kə lɔ́rɔ́ gə̄ mí ō, kə gō kutə ngār gə̄ yā Pilistin gēé. Tɔdɔ̄ i yá̰á̰ kə́ tōr̄ kə́ kógə̄ḿ beē n rāāsí ō, rāā ngar yāsí gə̄ ō ní.

1 SAMUEL 5:10

Loo ń noō tə́ nin̄ əlan̄ kə sandúkə yā Nə́ɓāá Ekəron. Dan ń sandúkə yā Nə́ɓā reē ugə̄ kem ɓē kə́ Ekəron tə́ anī, de kə́ Ekəron gə̄ nōōn̄ ngá̰ý ədan̄ na reēn̄ kə sandúkə yā Nə́ɓā yā Israel gēé ɓēé loodə́ na i yā tɔ̄ləńdə́.

1 SAMUEL 5:8

Əlan̄ gɔ̄ ngār gə̄ yā Pilistin gə̄ tə́ malang adə̄ reēn̄ ba dəjen̄də́ na ké kə n-rāān̄ i ba̰ý kə sandúkə yā Nə́ɓā yā ngán Israel gēé wa. Anī ngār gə̄ tél ədan̄də́ na kə aw̄n̄neé kem ɓē kə́ Gat tə́. Loo ń noō tə́ nin̄ ndɔ́tə̄n̄ kə sandúkə́ ní aw̄n̄neé Gat.

1 SAMUEL 5:1

Dan ń Pilistin gə̄ unən̄ sandúkə yā Nə́ɓā ní, ḭḭn̄neé Eben Ejer aw̄n̄neé Asdod,

NGÉ SARYA 16:21

Pilistin gə̄ əhɔn̄ Samso̰ ba tɔ́sə̄n̄ kuməngə̄ tɔ̄ɔ̄n̄. Nin̄ aw̄n̄ seneé kem ɓē kə́ Gaja tə́, tṵ́ṵ̄nən̄ kə súl gində̄ nə̄ngá kasə kə́ kəga gidə naā tə́ jōó ba əndānən̄ ta kəla kusə ndujə̄ gémé tə́ kújə dəngáyá.

NGÉ SARYA 16:1

Ndɔ̄ kə́rēý tə́ Samso̰ aw̄ kem ɓē kə́ Gaja tə́, anī ənge dəyá̰ ájə́ba kógə̄ḿ. Ni-ɓīī kə dəyá̰ ní.

NGÉ SARYA 1:18

Juda gə̄ taān̄ ɓē kə́ Gaja ō, Askalon ō, Ekəron ō, naā tə́ kə loo gə̄ kə́ gō gīdə ɓē gə̄ ní tə́.

LEBI GƏ̄ 5:7

Ré deē kógə̄ḿ asə kənge batə̄ aké bə̄yā̰ yā tun̄ tām̄ majaĺ yān tə́ aĺ anī, ni a reē kə dér gutə gə̄ jōó, aláa dér dum gə̄ jōó yā kadə̄ Kɔ́ɔ̄ɓē. Kógə̄ḿ i yá̰a̰ tun̄ kə́ tām̄ yā majaĺ tə́ ō, kə́rēý i yā róō horoó kadə̄ Kɔ́ɔ̄ɓē ō.

NDŪ NAJƏ̄ 28:27

Kɔ́ɔ̄ɓē a rāā kadə̄ ngaw ń a əɓa de kə́ Ejiptə gə̄ ní əɓaī ō, a rāā kadə̄ yá̰a̰ agī ō, kadə̄ kur əsaī ō, kadə̄ rɔ̄ ndo̰ō̰ kə́ dan gān̄g aĺ əsō dɔí tə́ ō.

AMOS 1:6

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Pilistin gə̄ kə́ Gaja dɔ tə́ i ngá̰ý. ni kə́ majaĺ ngá̰ý tɔȳ madə̄ gə̄ i nge ń toō: Nin̄ ɔyn̄ de kə́ kem ɓēé gə̄ kə taá malang aw̄ əlan̄də́ jī Edom gə̄ tə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

NGÉ SARYA 14:19

Loo ń noō tə́ Ndíĺ Kɔ́ɔ̄ɓē udə kem Samso̰ tə́, adə̄ Samso̰ aw̄ Askalon tɔ̄l̄ de kə́ kemeé gə̄ kutə mətá, ba ró̰ȳ kūbə̄ kə́ rɔ̄də́ gə̄ reēń adə̄ de gə̄ ń ədanən̄ kum səngó ní. Gō tə́ anī télaw̄ gogə́ ɓē bɔbə̄neé kə wōngōó.