1 SAMUEL 6:14 - Bibəl ta Sar̄

¹⁴ Púsə aw̄ ugə̄ ndɔr̄ yā Jojue kə́ Bet Semes tə́ anī dəba kadə kūbə̄rū mbal̄ kógə̄ḿ kə́ bo tə́. Njárə̄n̄ kāgə̄ púsə́ ní ō, tɔ̄lə̄n̄ kó̰o̰ man̄g kə́ jōó gə̄ ō ní róōn̄ horoó kə taá malang adə̄n̄ Kɔ́ɔ̄ɓē.

Bible sar

¹⁴ Púsə aw̄ ugə̄ ndɔr̄ yā Jojue kə́ Bet Semes tə́ anī dəba kadə kūbə̄rū mbal̄ kógə̄ḿ kə́ bo tə́. Njárə̄n̄ kāgə̄ púsə́ ní ō, tɔ̄lə̄n̄ kó̰o̰ man̄g kə́ jōó gə̄ ō ní róōn̄ horoó kə taá malang adə̄n̄ Kɔ́ɔ̄ɓē.

1 SAMUEL 6:14 Referans Kwoze

2 SAMUEL 24:22

Anī Arona əda Dabid na: Kɔ́ɔ̄ ɓē gə̄, yá̰á̰ ń kemií gḛy ní ī-taā ī-ndējəń Nə́ɓā yá̰a̰ tun̄ kə́ róō horoó. Man̄g yāḿ gə̄ n toó kadə̄ ī-rāādə́ yá̰a̰ tun̄ kə́ yā róō horoó tə́ ō, púsə man̄g kə yá̰á̰ kə́ yā rákə̄ kɔ́ɔ man̄g tə́ gə̄ n toó kadə̄ ī-rāā kīr̄ tə́ ō.

NGÉ SARYA 21:4

Teē kə ndō kə́ noō anī ḭḭn̄ dɔɔ́ kə gír looi ɓatə rāān̄ loo tun̄ yá̰a̰ loo ní tə́, ba róōn̄ dā̰ horoó kə taá malang ō, tunə̄n̄ yá̰a̰ tām̄ yā kem kógə̄ḿ tə́ ō dɔ tə́.

1 MBAN̄G GƏ̄ 19:21

Elije tél aw̄ ta ndɔr̄ yān tə́ əhɔ man̄g yān kə́ jōó gə̄ tɔ̄l̄ ba tun̄ adə̄ Nə́ɓā. Ni-rāā hor kə júgə́ kə́ kɔ́ɔ man̄g gə̄ tə́ ō, kə kāgə̄ kɔsə ń do̰ō̰ gír man̄g gə̄ tə́ a ndɔrə̄ń ní ō, ndīrəń dā̰ man̄g gə̄ ní adə̄ deē yān gə̄ adə̄ əsan̄. Gō tə́ anī aw̄ gō Eli tə́ yā rāā kəla yān.

2 SAMUEL 24:25

Ni-rāā loo tun̄ yá̰a̰ loo ní tə́ ba ndējə̄ Kɔ́ɔ̄ɓē yá̰a̰ tun̄ kə́ róō horoó gə̄ ō, yá̰a̰ tun̄ kə́ tām̄ yā kem kógə̄ḿ tə́ gə̄ ō. Loo ń noō tə́ Kɔ́ɔ̄ɓē ɔjə kem majə yān kə́ tām̄ yā ɓē tə́ kə̄ ndágá, adə̄ gíŕ yá̰á̰ kə́ tōr̄ ń reē dɔ de gə̄ tə́ kem ɓē kə́ Israel tə́ ní gān̄g.

2 SAMUEL 24:18

Ndɔ̄ nəkɔ́ ń noō tə́ Gad aw̄ ənge Dabid ba ədan na kə aw̄ kə rāā loo tun̄ yá̰a̰ loo ń Arona a ənda kōō yān tū tə́ ní tə́, kə adə̄ Kɔ́ɔ̄ɓē.

1 SAMUEL 20:29

Ni-rāām̄ ɓɔ́ ba ədam̄ na kə m-ə́ya̰n kadə̄ n-aw̄, na yá̰a̰ tun̄ kə́ tām̄ yā gír kojə yādə́ tə́ na to kem ɓē kə́ Betlehem tə́ noō, adə̄ ngōkó̰o̰n kə́ dəngam ədan na kə n-aw̄ kum tə́. Ré na m̄-gḛy najə̄ yān rɔ̄kum anī kə m-ə́ya̰n kadə̄ n-aw̄ n-a̰a̰ ngéén gə̄. I tām̄ najə̄ ń noō tə́ n ni gətóoń loo kəsa yá̰a̰ yāí tə́ ní.

1 SAMUEL 11:5

Kum mbang ngeé ń noō tə́ ní Saul tél bembeé kə man̄g yān gēé. Ni-dəje de gə̄ na ké i rí n rāā yá̰á̰ á de gə̄ a nōōn̄ naā beé wa. Anī ɔjənən̄ najə̄ ń de kə́ Yabes gə̄ ədan̄ ní.

NGÉ SARYA 6:26

Kə rāā loo kə́ yā tunə̄ń yá̰a̰ kadə̄ Kɔ́ɔ̄ɓē Nə́ɓā yān kə gōó kadə̄ majə ta tél mbal̄ tə́ dɔɔ́ ō, kə əhɔ man̄g kə́ bəra ní kə tɔ̄l̄ ba kə róō horoó adə̄ Nə́ɓā kə kāgə̄ ɓesə̄ kə́ yā ɓōĺ gidə ń ni tə́gā ní ō.

Teē Ngán Israel gə̄ 20:24

Ā ī-rāāī loo tun̄ yá̰a̰ kə nángāá yā kadə̄m̄. A ī-ndējə̄mī yá̰a̰ tun̄ kə́ róō horoó gə̄ ō, yá̰a̰ tun̄ gə̄ kə́ tām̄ yā kem kógə̄ḿ tə́ ō, i dɔ loo tun̄ yá̰á̰ ní tə́. I batə̄ yāsí gə̄ ō, bə̄yā̰ yāsí gə̄ ō, man̄g yāsí gə̄ ō n ā ī-tɔ̄lī yā tun̄ dɔ tə́ kadə̄m̄ ní. Loo gə̄ ń m-ā m̄-rāā kadə̄ əga kemsí dɔḿ tə́ tū tə́ ní, m-ā m-āw̄ rɔ̄sí tə́ yā rāā majə sesí tū tə́.

1 SAMUEL 6:13

De kə́ kem ɓē kə́ Bet Semes tə́ gə̄ ran̄ kum wóĺ tə́ a əjan̄ gémē. Dan ń ɔrə̄n̄ dɔdə́ dɔɔ́ á a̰a̰n̄ i sandúkə yā Kɔ́ɔ̄ɓē ní anī, rɔ̄də́ nel̄də́ ngá̰ý.

1 SAMUEL 6:18

Ba kutə yégə̄ lɔ́r gə̄ ń adə̄n̄ Kɔ́ɔ̄ɓē ní i kə gō kutə ɓē bo gə̄ kə́ ndogə̄ mbal̄ gə̄ i gidə tə́ gə̄ ō, ngán ɓē kə́ ndágá gə̄ kə́ kanjə̄ ndogə̄ mbal̄ gidə tə́ gə̄ ō ń ngār kə́ mí gə̄ yā Pilistin gə̄ o̰o̰n̄ ɓē dɔ tə́ ní. Ɓōólaā gə̄gē kūbə̄rū mbal̄ kə́ bo ń əndān̄ sandúkə yā Kɔ́ɔ̄ɓē dɔ tə́ ní to kem ndɔr̄ yā Jojue kə́ Bet Semes tə́ noō ɓáý.