1 SAMUEL 5:7 - Bibəl ta Sar̄

⁷ Dan ń de kə́ Asdod gə̄ a̰a̰n̄ yá̰á̰ ń rāā yá̰á̰ ní anī ədan̄ na: Ādī sandúkə yā Nə́ɓā yā ngán Israel gə̄ ndi loojí laā alé. Tɔdɔ̄ rāā adə̄ yá̰á̰ kə́ tōr̄ rāājí ō, rāā Dagon nə́ɓā yājí ō.

Bible sar

⁷ Dan ń de kə́ Asdod gə̄ a̰a̰n̄ yá̰á̰ ń rāā yá̰á̰ ní anī ədan̄ na: Ādī sandúkə yā Nə́ɓā yā ngán *Israel gə̄ ndi loojí laā alé. Tɔdɔ̄ rāā adə̄ yá̰á̰ kə́ tōr̄ rāājí ō, rāā Dagon nə́ɓā yājí ō.

1 SAMUEL 5:7 Referans Kwoze

Teē Ngán Israel gə̄ 12:33

De kə́ kem ɓē kə́ Ejiptə tə́ gə̄ gírə̄n̄ kadə̄ n-a n-oyn̄ malang, adə̄ ran̄ kə ngán Israel gēé jalala ta teē kem ɓē yādə́ tə́ kɔ̄ɔ́.

JEREMI 48:7

Moab, ḭ̄ ə̄ndā kemií i dɔ kəhɔ rɔ̄ tɔgə yāí tə́ ō, dɔ yá̰a̰ kənge yāí kə́ to loo ɓɔ̄ɔ̄ tə́ tə́ ō. Banī taāīn̄ gidə yādə́ tə́ kɔ̄ɔ́. Unən̄ nə́ɓā Kemos yāí dɔ gúú tə́ aw̄n̄ seneé dɔ ɓē kə́ rang tə́, naā tə́ kə ngé tun̄ yá̰a̰ yāí gə̄ ō, ngār yāí gə̄ ō.

JEREMI 46:25

Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda na: M-ā m̄-rāā yá̰á̰ kə́ tōr̄ kə Amon kə́ Tebə tə́ ō, Parao̰ ō, ɓē kə́ Ejiptə ō, nə́ɓā kə́ kemeé gə̄ ō, mban̄g gə̄ ō. M-ā m-ə́nda Parao̰ ō, de gə̄ malang ń ənīn̄ kemdə́ adə̄nən̄ ní ō.

1 YÁ̰A̰ GƏ̄ 15:13

Tām̄ dan ń sḭḭ̄ ī-gətóoī ní, Kɔ́ɔ̄ɓē Nə́ɓā əndají tɔdɔ̄ jə-rāā yá̰a̰ i kə gō ń ni ndigə ní alé.

2 SAMUEL 6:9

Ndɔ̄ ń noō tə́ Dabid ɓōĺ Kɔ́ɔ̄ɓē adə̄ əda na: Loo kadə̄ sandúkə yā Kɔ́ɔ̄ɓē reē ɓēé looḿ i ba̰ý?

1 SAMUEL 6:20

Gō tə́ anī ədan̄ na: Kɔ́ɔ̄ɓē Nə́ɓā kə́ táĺ ń toō ké i náā n asə ra ta kumən tə́ wa. Ré ḭḭ loodə́ anī ké a aw̄ i ɓē náāá wa.

1 SAMUEL 4:8

Yá̰á̰ kə́ to kum kaȳ aĺ əsō dɔjí tə́. I náā n a ɔr̄jí jī nə́ɓā kə́ nge tɔ́gə́ ń toō tə́ ní? I nə́ɓā ń tə̄ndā de kə́ Ejiptə gə̄ kem dəla loo tə́ kə ndéý kə́ tayā tayā gə̄ ní.

Teē Ngán Israel gə̄ 10:7

Ngé kəla yā Parao̰ gə̄ ədanən̄ na ké deē ń noō a rāā kadə̄ yá̰á̰ kə́ tōr̄ gə̄ a rāān̄də́ beé ké i ta kaw̄ rə́ngáý tə́ wa. Kə əya̰ dəngam kə́ Israel tə́ gə̄ kadə̄ aw̄ rāān̄ kəla adə̄n̄ Kɔ́ɔ̄ɓē Nə́ɓā yādə́, na ɓē kə́ Ejiptə a gətóo na i mbéé ní ké ger̄ aĺ ɓáý wa.

Teē Ngán Israel gə̄ 9:28

Ī-ndɔ̄yī Kɔ́ɔ̄ɓē tām̄ yāḿ tə́ ādə̄ man̄ ndang to̰ aĺ ō, kɔ̄sə̄ tə́sō to̰ aĺ ō, ɓáa m-ā m-ə́yá̰sí kadə̄ āwī ba m-ā m-ɔ̄gə̄sí kaw̄ to̰ alé.

Teē Ngán Israel gə̄ 8:28

Banī Parao̰ rāā dɔ ngan̄g ɓáý, ɔdə kəya̰ ngán Israel gə̄ kadə̄ aw̄n̄ alé.

Teē Ngán Israel gə̄ 8:8

Moijə nin̄ kə Aaro̰ əya̰n̄ Parao̰ ba teēn̄. Moijə nōō kə̄ dɔ Kɔ́ɔ̄ɓē tə́ tām̄ yā ka̰rā̰ gə̄ ń bə̄gādə́ dɔ Parao̰ tə́ ní.

1 SAMUEL 5:6

Kɔ́ɔ̄ɓē rāā adə̄ yá̰á̰ kə́ tōr̄ rāā de kə́ Asdod gə̄. Ni- rāā adə̄ yá̰a̰ gə̄ nujən̄ ngá̰ý kem ɓē yādə́ tə́ ō, adə̄ yá̰a̰ agə̄də́ ō, agə̄ de kə́ gō nang kə́ Asdod tə́ gə̄ malang ō.

1 SAMUEL 5:8

Əlan̄ gɔ̄ ngār gə̄ yā Pilistin gə̄ tə́ malang adə̄ reēn̄ ba dəjen̄də́ na ké kə n-rāān̄ i ba̰ý kə sandúkə yā Nə́ɓā yā ngán Israel gēé wa. Anī ngār gə̄ tél ədan̄də́ na kə aw̄n̄neé kem ɓē kə́ Gat tə́. Loo ń noō tə́ nin̄ ndɔ́tə̄n̄ kə sandúkə́ ní aw̄n̄neé Gat.