1 SAMUEL 5:4 - Bibəl ta Sar̄

⁴ Teē kə ndɔ̄ kə́ noō, dan ń Asdod gə̄ teē reēn̄ kem kújə yā Dagon tə́ kə gír looí ɓatə anī, Dagon i kə́ teē əsō ba sébə kumən nang tə́ no sandúkə yā Kɔ́ɔ̄ɓē tə́. Dɔn ō, jīn kə́ jōó gə̄ ō, i kə́ teē tə́sōn̄ ta róbə́ kújə́ tə́, ba na̰y i rɔ̄n ngóy.

Bible sar

⁴ Teē kə ndɔ̄ kə́ noō, dan ń Asdod gə̄ teē reēn̄ kem kújə yā Dagon tə́ kə gír looí ɓatə anī, Dagon i kə́ teē əsō ba sébə kumən nang tə́ no sandúkə yā Kɔ́ɔ̄ɓē tə́. Dɔn ō, jīn kə́ jōó gə̄ ō, i kə́ teē tə́sōn̄ ta róbə́ kújə́ tə́, ba na̰y i rɔ̄n ngóy.

1 SAMUEL 5:4 Referans Kwoze

MISE 1:7

Yá̰a̰ malang kə́ nō horoó rāā nə́ɓā yān kə́ rɔ̄kum aĺ gə̄ tə́ ní, a tétə̄n̄ rárák kɔ̄ɔ́ ō, yá̰a̰ malang ń ənge karī ní, a ɓōkə́n̄ kum hor tə́ kɔ̄ɔ́ ō. Yá̰a̰ gə̄ ń ni nōōdə́ horoó rāādə́ nə́ɓā yān gə̄ tə́ ní, m-ā m̄-tétə̄də́ kɔ̄ɔ́. Tɔdɔ̄ Samari rāādə́ i kə nar gíŕ dəyá̰ yān gə̄ kə́ ngé rāā ájə́ba gíŕ kújə ɓesēé. Ba gində̄ kə́ tɔ̄ɔ̄ kɔ̄ɔ́ gə̄ ń i gində̄ kə́ nō horoó rāā nə́ɓā kə́ rɔ̄kum aĺ gə̄ tə́ ní, i yā kɔy kadə̄ gíŕ ájə́ba kə́ rang gə̄ tə́.

JEREMI 50:2

Ədaī najə̄ ń toō dan nápar de gə̄ tə́ ādə̄ de gə̄ gerə̄n̄ gō. Ə̄nīī najə̄ ní mbīdə́ tə́ ādə̄ oōn̄. Ə́daī ādə̄ de gə̄ oōn̄, ba ī-lōōī ɓɔ̄ɔ̄ dɔ najə̄ ní. Ədaī na: Taān̄ ɓē kə́ Babilon kɔ̄ɔ́, ɓesə̄ Bel i kə rɔ̄sɔlɔ̄ɔ́, ɓesə̄ Marduk əsō tétə̄ rárák kɔ̄ɔ́. Nujən̄ ɓesə̄ yān gə̄ sák sák kɔ̄ɔ́.

JEREMI 10:11

Yá̰á̰ ń ā ə́daīdə́ ní n toó: Nə́ɓā gə̄ ń rāān̄ dɔ rā̰ aĺ ō, dɔ nang aĺ ō ní, a gətóon̄ kɔ̄ɔ́ dɔ nang tə́ ō, gír rā̰ tə́ ō.

DANIEL 11:8

Ni a ɔȳ yá̰a̰ kə́ tɔ́sə̄ kum gotə nə́ɓā gə̄ kə́ kem ɓēé ō, ngáń gájə́ yá̰a̰ rāā kəla yādə́ gə̄ kə́ rāān̄ kə lɔ́rɔ́ ō, kə gində̄ arjā̰a̰á̰ yā kaw̄ń Ejiptə. Gō tə́ anī asə ɓāl̄ kóndóńg wań ní ni a ndi i sa̰y rɔ̄ mban̄g kə́ dām̄ mbɔ́r ɓē kə́ ko̰ó̰ tə́.

IJAI 27:9

Loo kun ń a unən̄ yá̰a̰ rāā kə́ gōtə́ aĺ yā Jakob kɔ̄ɔ́ ní n toó, mā̰ȳ rɔ̄ kə́ dɔ yá̰a̰ rāān kə́ gōtə́ aĺ tə́ a ojə i yá̰á̰ ń toō: A tɔ̄ɔ̄n̄ mbal̄ gə̄ malang kə́ dɔ loo tun̄ yá̰a̰ gə̄ tə́ kɔ̄ɔ́, tītə̄ kə́ i yā rāā ndujə̄ tə́ beē. Kāgə̄ ɓesə̄ gə̄ kə́ yā ɓōĺ gidə gə̄ ō, loo róō ndujə̄ yá̰á̰ kə́ kotə majə gə̄ ō ní, a ran̄ dɔɔ́ to̰ alé.

1 SAMUEL 6:5

Ī-rāāī yá̰a̰ gə̄ kə́ ton̄ tītə̄ yá̰á̰ kə́ agə̄ de gə̄ ō, kə́ ton̄ tītə̄ yégə̄ gə̄ ń nujən̄ ɓē yāsí ní ō, ɔ́siīneé gɔn Nə́ɓā yā Israel gə̄. Majanī a rāā kadə̄ yá̰á̰ kə́ tōr̄ rāāsí ō, rāā nə́ɓā yāsí gə̄ ń i ɓesə̄ yāsí gə̄ ní ō, ɓē yāsí ō, tītə̄ kə́ kété to̰ alé.

IJAI 40:20

Deē ń ndoō ngá̰ý adə̄ ni asə kadə̄ yá̰a̰ ndējə̄ kə́ beé aĺ ní, ni gə̄rā i kāgə̄ kə́ a ur ruú alé. Gō tə́ anī ni sāā kɔdə̄ kə́ majə kə́ asə tɔ́sə̄ yá̰á̰ kógə̄ḿ kə́ ra dɔɔ́.

JEREMI 10:14

De gə̄ malang ndin̄ tadə́ mbóo kóńg. Rɔ̄ ngé nōō lɔ́r gə̄ malang sɔl̄də́ dɔ ɓesə̄ yādə́ gə̄ tə́. Yá̰a̰ yādə́ kə́ tɔ́sə̄ gə̄ i yá̰á̰ kə́ rɔ̄kum aĺ gə̄. Koō gətóo kemdə́ tə́.

JEREMI 10:15

I yá̰á̰ kə́ rāā kanjə̄ kumən gə̄ ō, kə́ to kəgō gə̄ ō. Ré ndɔ̄ kə́ yā kadə̄ ɔjəmə̄n̄neé kəla rāādə́ gə̄ asə anī, yādə́ i yo.