1 SAMUEL 5:3 - Bibəl ta Sar̄

³ Teē kə kōŕneé, dan ń Asdod gə̄ reēn̄ kem kújə yā Dagon tə́ kə gír looí ɓatə anī, Dagon i kə́ əsō sébə kumən nang tə́ no sandúkə yā Kɔ́ɔ̄ɓē tə́. Unən̄ Dagon dɔɔ́ ba əndānən̄ gotən tə́.

Bible sar

³ Teē kə kōŕneé, dan ń Asdod gə̄ reēn̄ kem kújə yā Dagon tə́ kə gír looí ɓatə anī, Dagon i kə́ əsō sébə kumən nang tə́ no sandúkə yā Kɔ́ɔ̄ɓē tə́. Unən̄ Dagon dɔɔ́ ba əndānən̄ gotən tə́.

1 SAMUEL 5:3 Referans Kwoze

IJAI 19:1

Najə̄ yā ɓē kə́ Ejiptə. Kɔ́ɔ̄ɓē n toó: Ni-reē dɔ nang kə́ Ejiptə tə́, al̄ i dɔ kil̄ man̄ kógə̄ḿ kə́ ngɔ̄də̄ ngá̰ý tə́. Nə́ɓā kə́ rɔ̄kum aĺ gə̄ kə́ dɔ nang kə́ Ejiptə tə́ ndewn̄ non tə́ ō, tɔ́gə de kə́ Ejiptə gə̄ ur̄ wak kɔ̄ɔ́ ō.

IJAI 46:7

Kutə̄ gō anī əndānən̄ dɔ bɔ̄gə̄də́ tə́, ətōnən̄ ō, aw̄ əndānən̄ loo kə́rēý tə́ ō. Nin̄ do̰ō̰n̄ yá̰á̰ kə́ tɔ́sə̄ ní adə̄ ra gotə kógə̄ḿ ō, ni yéȳ to̰ aĺ ō. Ré deē kógə̄ḿ əga kɔŕ kə̄ rɔ̄ nə́ɓā ní tə́ anī, ni dal alé. Ni ajə deē kógə̄ḿ dan wur kɔl tə́ alé.

SOPONI 2:11

Kɔ́ɔ̄ɓē a to ɓōĺ ngá̰ý tām̄ yādə́ tə́. Ni a nujə nə́ɓā gə̄ malang kə́ dɔ nang tə́ kɔ̄ɔ́. Loo ń noō tə́ nápar de gə̄ ń ndin̄ ta kaw̄ kə̄ sa̰y nó ní gə̄gē, a rɔȳnən̄. Nin̄ kógə̄ḿ kógə̄ḿ ní, a rɔȳnən̄ kə̄ dɔ nang yādə́ gə̄ tə́.

MARK 3:11

Dan ń ndíĺ kə́ yḛr gə̄ gə̄gē a̰ā̰n̄ Jeju anī, teē tə́sōn̄ nang tə́ non tə́, ba əgan̄ kɔŕ ədan̄ na ni na i Ngōn̄ Nə́ɓā.

JEREMI 10:8

I mbóo gə̄ malang ō, gerə̄n̄ najə̄ aĺ ō. Ɓesə̄ yādə́ gə̄ ń unən̄ gōdə́ ní, ndóōn̄də́ yá̰á̰ kə́ kanjə̄ kumən gə̄.

IJAI 41:7

Nge tɔ́sə̄ yá̰a̰ əla go̰ kem nge rāā kəla kə lɔ́rɔ́ tə́ ō, kə gində̄ arjā̰a̰á̰ tə́ ō. Nge kənda gində̄ kə mō̰ó̰ kadə̄ laa əla go̰ kem kɔdə̄ tə́. Ni-əda najə̄ kə́ dɔ kəla yān tə́ na: Majə. Gō tə́ anī tɔ̄lə̄n̄ ta yá̰á̰ kə́ tɔ́sə̄ kum gotə nə́ɓā kə́ rɔ̄kum aĺ kógə̄ḿ kə ta kūl̄ kəndan kə máyá̰ kadə̄ ra gotə kógə̄ḿ.

IJAI 40:20

Deē ń ndoō ngá̰ý adə̄ ni asə kadə̄ yá̰a̰ ndējə̄ kə́ beé aĺ ní, ni gə̄rā i kāgə̄ kə́ a ur ruú alé. Gō tə́ anī ni sāā kɔdə̄ kə́ majə kə́ asə tɔ́sə̄ yá̰á̰ kógə̄ḿ kə́ ra dɔɔ́.

PĀ GƏ̄ 97:7

Ngé rāā ɓesə̄ gə̄ malang ń i ngé kɔjə rɔ̄də́ kə yá̰á̰ kə́ kumən gətóo gə̄ ní, rɔ̄də́ sɔl̄də́. Sḭḭ̄ nə́ɓā kə́ rang gə̄ malang, ɔ́siī nosí nang tə́ no Kɔ́ɔ̄ɓē tə́!

Teē Ngán Israel gə̄ 12:12

Ndɔ̄ɔ́ ndɔ̄ ń noō tə́ m-ā m̄-mān̄ kem ɓē kə́ Ejiptə tə́. M-ā m̄-tɔ̄l̄ ngáń hágə́ kə́ kemeé gə̄ malang, hágə de gə̄ ō, hágə dā̰ gə̄ ō. Sarya ń m̄-gān̄g dɔ ɓesə̄ gə̄ malang kə́ Ejiptə tə́ ní n noó. Mā i Kɔ́ɔ̄ɓē.

1 SAMUEL 6:5

Ī-rāāī yá̰a̰ gə̄ kə́ ton̄ tītə̄ yá̰á̰ kə́ agə̄ de gə̄ ō, kə́ ton̄ tītə̄ yégə̄ gə̄ ń nujən̄ ɓē yāsí ní ō, ɔ́siīneé gɔn Nə́ɓā yā Israel gə̄. Majanī a rāā kadə̄ yá̰á̰ kə́ tōr̄ rāāsí ō, rāā nə́ɓā yāsí gə̄ ń i ɓesə̄ yāsí gə̄ ní ō, ɓē yāsí ō, tītə̄ kə́ kété to̰ alé.

1 SAMUEL 6:1

Sandúkə yā Kɔ́ɔ̄ɓē rāā nāā sīrí dɔ nang yā Pilistin gə̄ tə́.

1 MBAN̄G GƏ̄ 18:26

Nin̄ taān̄ man̄g kə́ bəra ń adə̄n̄də́ ní tɔ̄lə̄n̄ ba góriyōn̄ dā̰n ɓōkə́n̄ dɔ kīr̄ tə́ yā tun̄, ba ɓārə́n̄ Baal. Əlan̄ gír ɓārə́n dəloí bátə́ mbang ugə̄ dan ɓēé. Nin̄-ɓāŕnən̄ ədan̄ na: Baal, ī-ndigəjí! Banī deē oō ndū deē aĺ ō, deē ndigə ɓār̄ ní aĺ ō. Nin̄ ndāmə̄n̄ gīrə̄n̄neé gidə loo tun̄ yá̰á̰ ń rāān̄ ní.

PĀ GƏ̄ 115:7

jīdə́ to ba ɔdən̄ rɔ̄ yá̰a̰ alé, njadə́ to ba njə̄rān̄ alé. Nin̄ rāān̄ ndūdə́ adə̄ ɓār̄ kem kɔ́ɔ́də́ tə́ sḛ́ý aĺ bátə́.