1 SAMUEL 4:5 - Bibəl ta Sar̄

⁵ Dan ń sandúkə madə̄ naā yā Kɔ́ɔ̄ɓē ugə̄ gérgereé anī, ngán Israel gə̄ malang túrə̄n̄ kɔĺ rɔ̄nel̄ kə́ ngá̰ý, adə̄ dɔ nang ndebə.

Bible sar

⁵ Dan ń *sandúkə madə̄ naā yā Kɔ́ɔ̄ɓē ugə̄ gérgereé anī, ngán *Israel gə̄ malang túrə̄n̄ kɔĺ rɔ̄nel̄ kə́ ngá̰ý, adə̄ dɔ nang ndebə.

1 SAMUEL 4:5 Referans Kwoze

JOJUE 6:5

Loo ń ré a kɔ̄rə́n̄ tōw̄ kə́ dan ngāl̄ adə̄ ōōī kōō anī, gír de gə̄ malang a əgan̄ kɔŕ əda ō, ndogə̄ mbal̄ ń gīr̄ gidə ɓē ní a tetə nang tə́ ō. Loo ń nuū tə́ ngán Israel gə̄ malang a udən̄ kem ɓēé, náā nəkɔ́ anī kumən i súmūú non tə́.

AMOS 6:3

Sḭḭ̄ ī-sāāī ndɔ́tə̄ kə ndɔ̄ yá̰á̰ kə́ to kum kaȳ aĺ kə̄ gogə́. Banī sḭḭ̄ ī-rāāī ādə̄ ndɔ̄ yá̰a̰ rāā kə́ kə dɔ́nɔ́ reē.

JEREMI 7:4

Ī-lōōī gól̄ rɔ̄sí kə najə̄ kə́ rɔ̄kum aĺ gēé ba kəda kə̄ nja naā tə́ na: Kújə yā Kɔ́ɔ̄ɓē! Kújə yā Kɔ́ɔ̄ɓē! Kújə yā Kɔ́ɔ̄ɓē, kújə ní i laā.

NGÉ SARYA 15:14

Dan ń Samso̰ reē ugə̄ ngɔr kə̄ kadə ɓē kə́ Lehi tə́ anī Pilistin gə̄ teē tə́nīn̄ tan kə kɔŕ tetə rɔ̄ɔ́. Banī Ndíĺ Kɔ́ɔ̄ɓē udə kem Samso̰ tə́, adə̄ kəla gə̄ ń tṵ́ṵ̄nəń jīn ní tél ton̄ i tītə̄ kəlā kūbə̄ lḛ́ḛ́ kə́ hor o̰o̰ beé adə̄ gángə̄n̄ i láẃ ngá̰ý.

JOJUE 6:20

Ngé tun̄ yá̰a̰ gə̄ kɔ̄rə́n̄ tōw̄. Dan ń de gə̄ oōn̄ kōō anī, túrə̄n̄ kɔĺ rɔ̄ɔ̄ kə́ to ɓōĺ ngá̰ý, anī ndogə̄ mbal̄ tetə. Kə̄ ta jī tə́ nuū ngán Israel gə̄ udən̄ kem ɓēé, náā nəkɔ́ a kumən i súmūú non tə́, adə̄ nin̄ taān̄ ɓē ní.

MISE 2:11

Tá de kə́rēý gə̄ ɔrə̄n̄ najə̄ kə́ sor̄ gə̄, ədan̄ na: Ā ā̰yī kasə nduú ō, kasə kə́ ngan̄g ō. Tá ngé kɔr̄ najə̄ wa gə̄ ngeé ń toō ədan̄ ɓáý to̰ na: Israel gə̄ ń teēn̄ ta yo tə́ ní, Nə́ɓā a ɔsə njadə́ kə̄ naā tə́.

1 SAMUEL 4:6

Pilistin gə̄ oōn̄ kōō kɔĺ rɔ̄nel̄ kə́ ngá̰ý ní anī ədan̄ na: Kɔĺ rɔ̄nel̄ ń ɓār̄ ngá̰ý kem gérger yā Hebəro gə̄ tə́ noō kumən na i rí? Gō tə́ ɓáa gerə̄n̄ kadə̄ i sandúkə yā Kɔ́ɔ̄ɓē n ugə̄ kem gérgereé.

2 SAMUEL 15:24

Sadok nge tun̄ yá̰a̰ ō, ngán Lebi gə̄ ń nin̄ malang i ngé kətō sandúkə madə̄ naā yā Nə́ɓā ní ō, nin̄ i sedə́. Nin̄ əndān̄ sandúkə madə̄ naā yā Nə́ɓā nang tə́ ba Abiatar al̄ dɔɔ́ bátə́ adə̄ de kə́ kem ɓēé gə̄ ń a teēn̄ ní mānə̄n̄neé malang.

1 MBAN̄G GƏ̄ 1:40

Gō tə́ anī de gə̄ malang njə̄rān̄ gō Salomo̰ tə́ tél aw̄n̄neé seneé gogə́ kem ɓēé. Nin̄ kɔ̄rə́n̄ yá̰a̰ gə̄ ō, rāān̄ rɔ̄nel̄ ngá̰ý ō. Nin̄ urən̄ kɔĺ ngá̰ý tītə̄ kə́ yā kadə̄ dɔ nang njar beé.