1 SAMUEL 4:3 - Bibəl ta Sar̄

³ Ngán Israel gə̄ tél aw̄n̄ gogə́ gérger yādə́ tə́. Anī kum kɔɔ̄ kə́ Israel tə́ gə̄ ədan̄ na: Kɔ́ɔ̄ɓē əya̰ Pilistin gə̄ adə̄ tetən̄jí rɔ̄ɔ̄ ɓōólaā i tām̄ yā rí tə́? J-awī gō sandúkə madə̄ naā yā Kɔ́ɔ̄ɓē tə́ Silo, ādə̄ reē ajəjí jī ngé ba̰ā̰jí gə̄ tə́.

Bible sar

³ Ngán Israel gə̄ tél aw̄n̄ gogə́ gérger yādə́ tə́. Anī *kum kɔɔ̄ kə́ Israel tə́ gə̄ ədan̄ na: Kɔ́ɔ̄ɓē əya̰ Pilistin gə̄ adə̄ tetən̄jí rɔ̄ɔ̄ ɓōólaā i tām̄ yā rí tə́? J-awī gō *sandúkə madə̄ naā yā Kɔ́ɔ̄ɓē tə́ *Silo, ādə̄ reē ajəjí jī ngé ba̰ā̰jí gə̄ tə́.

1 SAMUEL 4:3 Referans Kwoze

Makətūbə̄ ń Jud ndang ní 1:5

Ká ré sḭḭ̄ ī-gerī yá̰á̰ ń toō kɔ̄ɔ́ majə ngá̰ý gə̄gē anī, m̄-sāā ter̄ kemsí dɔ tə́ ɓáý. Tām̄ dan ń Kɔ́ɔ̄ɓē ajə gír deē yān gə̄ kem ɓē kə́ Ejiptə tə́ ní, gō tə́ anī ni-rāā adə̄ ngé gə̄ ń taān̄ kemən aĺ ní oyn̄ kɔ̄ɔ́.

1 PIYER 3:21

Man̄ ngeé ń toō i yá̰á̰ kə́ ɔjə kum gotə batém ń ngɔlaā ajəsí ní: Batém ngeé ń toō i batém tə́gó yá̰á̰ kə́ yḛr gə̄ kə́ rɔ̄ deē tə́ kɔ̄ɔ́ alé, banī i de kə́ ənī míndən adə̄ Nə́ɓā kanjə̄ kadə̄ kemən ɔjən yá̰á̰ kə́ majaĺ. Batém ní ajəsí i kə ta kūl̄ koy ń Jeju oy ta ndól̄ ní.

HEBƏRO 9:4

Loo tun̄ yá̰á̰ kə́ rāā kə lɔ́rɔ́ ń a róōń ndujə̄ yá̰á̰ kə́ kotə majə dɔ tə́ ní, i tū tə́ ō, sandúkə madə̄ naā ń tə́ya̰n̄ lɔ́r gidə tə́ malang ní, i tū tə́ ō. Kem sandúkə́ ní yá̰a̰ gə̄ ń noō i kemeé, jóó lɔ́ŕ ń mána i kemeé ní ō, kāgə̄ yā Aaro̰ ń hútə̄ ní ō, ngán bar mbal̄ gə̄ ń ndangən̄ najə̄ gə̄ kə́ dɔ madə̄ naā tə́ tū tə́ ní ō.

2 TIMOTE 3:5

Yá̰a̰ rāādə́ kə́ ndágá ɔjə kadə̄ nin̄ i ngé rāā yá̰a̰ kə gō ń Nə́ɓā ndigə ní, banī nin̄-nējə̄n̄ tɔ́gə́ kə́ tū tə́ kɔ̄ɔ́. Adə̄ ī-tūr̄ gidií kɔ̄ɔ́ ta de gə̄ ń noō tə́.

JEREMI 7:4

Ī-lōōī gól̄ rɔ̄sí kə najə̄ kə́ rɔ̄kum aĺ gēé ba kəda kə̄ nja naā tə́ na: Kújə yā Kɔ́ɔ̄ɓē! Kújə yā Kɔ́ɔ̄ɓē! Kújə yā Kɔ́ɔ̄ɓē, kújə ní i laā.

JEREMI 3:16

Kem ndɔ̄ ń noō tə́ ní, dan ń sḭḭ̄ ā ī-bəlaī ngá̰ý kem ɓēé anī, de gə̄ a ədan̄ na: I sandúkə madə̄ naā yā Kɔ́ɔ̄ɓē to̰ alé, najə̄ ń Kɔ́ɔ̄ɓē əda ní n noó. De kə́ yā gír̄ dɔ tə́ a gətóo: Deē a ɔr̄ najə̄n to̰ aĺ bátə́ ō, a gerə̄n̄ gō kadə̄ ni gətóo aĺ ō, a télən̄ yā rāān rang aĺ ō.

IJAI 58:3

Tá nin̄ ədamə̄n̄ na: Ré á̰a̰n aĺ anī ī-*ndi ɓō tām̄ yā Nə́ɓā tə́ i najə̄ rí tə́? Ré j-ə̄ndā ma̰ȳn á̰a̰n ī-gerə̄n aĺ anī, jə-téliī kə rɔ̄jí kə̄ nang tə́ adə̄ jə-dúūī i tām̄ rí tə́? Anī m̄-tūr̄ m-ə́da na: Ndɔ̄ ń sḭḭ̄ ī-*ndiīń ɓō tə́ ní, sḭḭ̄ á̰a̰ī gō kəla yāsí gə̄ ō, ī-rāāī ngé kəla yāsí gə̄ majaĺ ō.

IJAI 50:1

Yá̰á̰ ń Kɔ́ɔ̄ɓē əda ní n toó: Sḭḭ̄ ə́daī na mā na m̄-tə̄ɓā kó̰ó̰sí Jerusalem kɔ̄ɔ́ rɔ̄kum. Ní, ɔ́jəmī makətūbə̄ ń m̄-ndang m̄-tə̄ɓānəń kɔ̄ɔ́ ní! Ə́daī na mā na m-ígə sesí kadə̄ āwī ɓəloó, na i yā kəgāń kə̄rā gə̄ kə́ dɔḿ tə́ rɔ̄kum. Ní, ə́damī dɔ deē ń m-ígə sesí jīn tə́ ní! Ré igən̄ sesí anī, i najə̄ yá̰a̰ rāāsí kə́ gōtə́ aĺ gə̄ tə́. Ré tə̄ɓān̄ kó̰ó̰sí anī, i najə̄ majaĺ yāsí gə̄ tə́.

PĀ GƏ̄ 74:11

Ī-tél kə jīí kə̄ rɔ̄í tə́ kɔ̄ɔ́ i tām̄ rí tə́? Ī-tél kə jī ko̰í ə́hɔ kadií tə́ i tām̄ rí tə́?

PĀ GƏ̄ 74:1

Pā kə́ kəda, i pā yā Asap. Nə́ɓā, ī-mbātə́jí njɔ́ḿ i tām̄ rí tə́? Jḭḭ ń i ɓūtə̄ yá̰a̰ kul̄ gə̄ kə́ i ḭ̄ n i nge kul̄jí ní, wōn̄g rāāī sejí ngá̰ý i tām̄ rí tə́?

1 YÁ̰A̰ GƏ̄ 17:1

Dabid ndi kem kújə mban̄g yān tə́, anī ndɔ̄ kógə̄ḿ tə́ əda Natan nge koō ta yā Nə́ɓā na n-ndi na i kem kújə́ kə́ rāā kə kāgə̄ sédəreé tə́, ba sandúkə madə̄ naā yā Kɔ́ɔ̄ɓē na ndi na i gír kújə tandāá ní ké i ba̰ý wa.

2 SAMUEL 15:25

Tā anī mban̄g əda Sadok na: Ī-tél kə sandúkə yā Nə́ɓāá āwń gogə́ kem ɓēé. Ré Kɔ́ɔ̄ɓē ndigə rāā majə seḿ anī a tél yā reē seḿ gogə́ kadə̄ m-á̰a̰ sandúkə yān ɓáý ō, kadə̄ m-á̰a̰ loo ndi yān ɓáý ō.

1 SAMUEL 14:18

Ndɔ̄ ngeé ń noō tə́ ní sandúkə yā Nə́ɓā i dan ngán Israel gə̄ tə́, adə̄ Saul əda Ahia na: Ādə̄ reēn̄ kə sandúkə yā Nə́ɓāá.

JOJUE 7:7

Jojue əda na: Kɔ́ɔ̄ɓē Nə́ɓā, ādə̄ de gə̄ ń toō teēn̄ bā Jurdḛ i tām̄ rí tə́? I kadə̄ ə́lájí jī Amor gə̄ tə́ kadə̄ tɔ̄lə̄n̄jí a? Jə-ndi i gidə bā Jurdḛ kə́ dām̄ kə́ nu tə́ anī i só tə́ gə̄gē.

JOJUE 4:7

ī-tél ə́daīdə́ na: Dan ń sandúkə madə̄ naā yā Kɔ́ɔ̄ɓē a mān̄ kum bā Jurdḛ tə́ ní, man̄ bā Jurdḛ ń a nūgə́ ní dəba. Bā Jurdḛ gān̄g naā tə́ jōó, adə̄ mbal̄ gə̄ ń toō rɔ̄də́ i yá̰a̰ i yá̰a̰ kəga kem dɔ yá̰á̰ kə́ rāā yá̰á̰ tə́ yā ngán Israel gə̄, kadə̄ əgań kemdə́ dɔ yá̰á̰ kə́ kɔr kum ń rāā yá̰á̰ tə́ ní ngándáńg.

NDŪ NAJƏ̄ 31:26

Ī-taāī makətūbə̄ ndū najə̄ yā Nə́ɓā ń toō ə̄nīī kadə sandúkə madə̄ naā yā Kɔ́ɔ̄ɓē Nə́ɓā yāsí tə́. A to i loo ń noō tə́ kadə̄ rāā rɔ̄n i yá̰á̰ kə́ kum tə́ kə̄ no ngán Israel gə̄ tə́.

NDŪ NAJƏ̄ 29:24

Anī a tél a ədan̄də́ na: I tām̄ nin̄ gāngə̄n̄ madə̄ naā ń Kɔ́ɔ̄ɓē Nə́ɓā yā kaadə́ gə̄ rāā sedə́ a teēń sedə́ kɔ̄ɔ́ dɔ nang kə́ Ejiptə tə́ ní.

TƏ́DA 31:6

Moijə əladə́ ta rɔ̄ɔ̄ tə́ ba adə̄ Pinas kə́ ngōn̄ Eleajar ń i nge tun̄ yá̰á̰ ní dān̄də́. Pinas ɔy yá̰á̰ kə́ táĺ gə̄ ō, bərúnjə kə́ yā kɔ̄ŕ gə̄ ō jīn tə́.

TƏ́DA 10:35

Ré sandúkə madə̄ naā a ɔr̄ dɔɔ́ anī Moijə əda na: Kɔ́ɔ̄ɓē, ḭ́ḭ dɔɔ́ ādə̄ madə̄ ba̰ā̰í gə̄ tə̄ndān̄ naā tḭ̄ḭ̄n̄ kɔ̄ɔ́ ō, ādə̄ ngé rɔ̄ɔ̄í gə̄ a̰ȳn̄ naā kɔ̄ɔ́ noí tə́ ō.

TƏ́DA 10:33

Ngán Israel gə̄ ḭḭn̄ mbal̄ yā Kɔ́ɔ̄ɓē tə́, njə̄rān̄ ndɔ̄də́ mətá. Sandúkə madə̄ naā yā Kɔ́ɔ̄ɓē i kété nodə́ tə́ yā sāā loo kɔr̄ koō tām̄ yādə́ tə́.

JOJUE 6:6

Jojue ngōn̄ Nun ɓāŕ ngé tun̄ yá̰a̰ gə̄ ba ədadə́ na: Úniī sandúkə madə̄ naā yā Kɔ́ɔ̄ɓē əndāī dɔ bɔ̄gə̄sí tə́, ba ādī de gə̄ sīrí dansí tə́ njə̄rān̄ kété no tə́ kə tōw̄ gajə batə̄ gēé.

JOJUE 7:8

Ngán Israel gə̄ aȳn̄ naā kɔ̄ɔ́ no madə̄ ba̰ā̰də́ gə̄ tə́ toō kə m-ə́da na i rí tā Kɔ́ɔ̄ɓē?

1 SAMUEL 1:24

Dan ń ɔrə̄n ta mba tə́ kɔ̄ɔ́ anī aw̄ seneé kem kújə yā Kɔ́ɔ̄ɓē tə́. Nin̄ kə ngaaneé əhɔn̄ man̄g kə́ bəra kə́ ɓālə̄n i mətá jīdə́ tə́ ō. Unən̄ ndujə̄ kem káĺ kə́ bo kógə̄ḿ tə́ ō, kasə nduú jīdə́ tə́ kem sɔlɔɔ́ ō. Adə̄ Samuel tél nge rāā kəla yā Kɔ́ɔ̄ɓē.

1 SAMUEL 4:2

Pilistin gə̄ reē ran̄ kə ta naá no ngán Israel gə̄ tə́ yā rɔ̄ɔ̄də́. Rɔ̄ɔ̄ ní reē təngā ngá̰ý. Pilistin gə̄ tetən̄ ngán Israel gə̄ rɔ̄ɔ̄. Nin̄ tɔ̄lə̄n̄də́ asə dūbú sɔ́ loo rɔ̄ɔ̄ ní tə́ bembeé.

IJAI 59:1

Kɔ́ɔ̄ɓē ní tɔ́gə jīn gətóó ngá̰ý al̄ naā á ni asə kajəsí aĺ alé, nge ń noō ní to i kə̄ dɔ ndágá kadə̄ i rɔ̄kum. Mbīn mbóó ngá̰ý á asə koō najə̄ yāsí aĺ alé.

IJAI 59:2

Banī i yá̰a̰ rāāsí kə́ gōtə́ aĺ gə̄ n dēsə́n̄ yá̰a̰ dɔ dáńsí tə́ kə Nə́ɓā yāsí ɔgə̄n̄neésí mān̄ ní. Ré ni tūr̄ gidən tasí tə́ yā ka̰a̰ńsí to̰ aĺ ō, yā koōń najə̄ yāsí to̰ aĺ ō anī, i tām̄ majaĺ yāsí gə̄ tə́.