1 SAMUEL 4:21 - Bibəl ta Sar̄

²¹ Ni-əndā rī ngōn̄ ní na i Ikabod. Kumən na Kɔsə gɔn gətóo kɔ̄ɔ́. Tɔdɔ̄ dəyá̰ ní əda na: Unən̄ kɔsə gɔn dɔ nang kə́ Israel tə́ aw̄n̄neé kɔ̄ɔ́. Ni-əda najə̄ ní sɔɔ̄ń i sandúkə yā Nə́ɓā ń i kə́ kun kɔ̄ɔ́ ní ō, sɔɔ̄ń i umən ō, ngaan ō.

Bible sar

²¹ Ni-əndā rī ngōn̄ ní na i Ikabod. Kumən na *Kɔsə gɔn gətóo kɔ̄ɔ́. Tɔdɔ̄ dəyá̰ ní əda na: Unən̄ kɔsə gɔn dɔ nang kə́ Israel tə́ aw̄n̄neé kɔ̄ɔ́. Ni-əda najə̄ ní sɔɔ̄ń i sandúkə yā Nə́ɓā ń i kə́ kun kɔ̄ɔ́ ní ō, sɔɔ̄ń i umən ō, ngaan ō.

1 SAMUEL 4:21 Referans Kwoze

PĀ GƏ̄ 26:8

Kɔ́ɔ̄ɓē, kújə́ ń ī-ndi kemeé ní nelə̄m̄ ō, loo ń kɔsə gɔn yāí i tū tə́ ní nelə̄m̄ ō.

PĀ GƏ̄ 78:61

Ni əya̰ sandúkə́ kə́ táĺ ń i yá̰á̰ kə́ ɔjə kadə̄ ni i de kə́ ngan̄g ō, kə́ kɔsə gɔn yān i ngá̰ý ō ní, adə̄ madə̄ ba̰ā̰n gə̄ taā aw̄n̄neé.

JEREMI 2:11

Napár de gə̄ kə́ mbélə̄n̄ gíŕ nə́ɓā gə̄ ndin̄ noó a? Tá nin̄ i nə́ɓā gə̄ aĺ gə̄gē ɓáý. Banī gír deē yāḿ gə̄ ní, nin̄ a̰a̰n̄ kɔsə gɔn yāḿ gerə̄n̄ majə, ɓá tā ba nin̄-mbélə̄n̄ gírə́ḿ kə nə́ɓā kə́ rang gə̄ kə́ asən̄ rāā yá̰a̰ tām̄ yādə́ tə́ alé.

PĀ GƏ̄ 78:64

Ngé tun̄ yá̰a̰ gə̄ oyn̄ yo kaskar, banī dəyá̰ kə́ ngaa koy gə̄ nōōn̄ alé.

OJEE 9:12

Ká ré nin̄ a ngɔ̄mə̄n̄ ngán gə̄ gə̄gē anī, m-ā m̄-taādə́ jīdə́ tə́ kɔ̄ɔ́ yā kadə̄ deē kógə̄ḿ na̰yń alé. A̰á̰ā̰, kə́ rɔ̄kum tə́ ní, i yá̰á̰ kə́ to kum kaȳ aĺ kə́ ba̰ý beē tām̄ yā Epəraim gə̄ tə́ dan ń m-ā-ə́yá̰də́ ba m-ā m-āw̄ sa̰y kɔ̄ɔ́ ní!

1 SAMUEL 4:11

Sandúkə yā Nə́ɓā i kə́ kun kɔ̄ɔ́ ō, ngán Eli kə́ dəngam kə́ jōó gə̄ ń i Hopəni nin̄ kə Pinas ní oyn̄ ō.

PĀ GƏ̄ 106:20

Nə́ɓā ń i kɔsə gɔn yādə́ ní nin̄ mbélə̄n̄ gírən kə yá̰á̰ kə́ rāā kadə̄ to tītə̄ man̄g ń i dā̰ kə́ a əsa mu ní!

1 SAMUEL 4:22

Ni-əda na: Kɔsə gɔn gətóo kɔ̄ɔ́ dɔ nang kə́ Israel tə́ i tām̄ sandúkə yā Nə́ɓā ń madə̄ ba̰ā̰ gə̄ un aw̄n̄neé kɔ̄ɔ́ ní tə́.

1 SAMUEL 14:3

Deē ń epod i jīn tə́ ní i Ahia ngōn̄ Ahitub. Ahitub i ngōkó̰o̰ Ikabod kə́ ngōn̄ Pinas. Pinas i ngōn̄ Eli ń kété i nge tun̄ yá̰a̰ yā Kɔ́ɔ̄ɓē kem ɓē kə́ Silo tə́ ní. Jonatan ń aw̄ ní de gə̄ gerə̄n̄ gōn alé.

1 SAMUEL 2:34

Yá̰á̰ ń ā ī-gerə̄ń kadə̄ najə̄ ń m-ə́da toó i najə̄ kə́ rɔ̄kum ní, i yá̰á̰ ń a rāā yā reē kə̄ dɔ ngání kə́ dəngam kə́ jōó gə̄ ń i Hopəni nin̄ kə Pinas ní tə́: Nin̄ jōó mbak a oyn̄ ndɔ̄ kógə̄ḿ beē.

1 SAMUEL 3:12

Ndɔ̄ ń noō tə́ ní yá̰a̰ malang ń m-ə́da dɔ Eli tə́ ō, dɔ gír kojə yān tə́ ō ní m-ā m̄-rāā. M-ā m-ə́lá gír i ta kəla gíŕ tə́ bátə́ ta tɔ̄l̄ ta tə́ kanjə̄ kəya̰ yá̰á̰ kógə̄ḿ kɔ̄ɔ́.

NŌŌ RƆ̄ 2:1

I ba̰ý á Kɔ́ɔ̄ɓē utə̄ dɔ ngōmandə kə́ Siyo̰ kə kil̄ man̄ gēé kem wōn̄g yān tə́ beé. Ni-rāā adə̄ rī ɓār̄ yā Israel ḭḭ dɔɔ́ əsō nang tə́ Ndɔ̄ ń wōn̄g rāānneé tə́ ní, əga kemən dɔ yá̰a̰ kəndā nja yān tə́ alé.