1 SAMUEL 4:17 - Bibəl ta Sar̄

¹⁷ Ni-tél ədan na: Ngán Israel gə̄ a̰ȳn̄ naā no Pilistin gə̄ tə́. Rɔ̄ɔ̄ rāādə́ rāā kə́ majaĺ ngá̰ý. Tá ngání kə́ jōó gə̄ ń i Hopəni nin̄ kə Pinas ní oyn̄ ō. Sandúkə yā Nə́ɓā ní unən̄ kɔ̄ɔ́ ō.

Bible sar

¹⁷ Ni-tél ədan na: Ngán *Israel gə̄ a̰ȳn̄ naā no Pilistin gə̄ tə́. Rɔ̄ɔ̄ rāādə́ rāā kə́ majaĺ ngá̰ý. Tá ngání kə́ jōó gə̄ ń i Hopəni nin̄ kə Pinas ní oyn̄ ō. Sandúkə yā Nə́ɓā ní unən̄ kɔ̄ɔ́ ō.

1 SAMUEL 4:17 Referans Kwoze

1 SAMUEL 3:11

Kɔ́ɔ̄ɓē əda Samuel na: M-ā m̄-rāā yá̰á̰ kógə̄ḿ dan Israel gə̄ tə́ kə́ kadə̄ náā nəkɔ́ ń a oō anī ndílən a a̰ȳ.

1 SAMUEL 2:34

Yá̰á̰ ń ā ī-gerə̄ń kadə̄ najə̄ ń m-ə́da toó i najə̄ kə́ rɔ̄kum ní, i yá̰á̰ ń a rāā yā reē kə̄ dɔ ngání kə́ dəngam kə́ jōó gə̄ ń i Hopəni nin̄ kə Pinas ní tə́: Nin̄ jōó mbak a oyn̄ ndɔ̄ kógə̄ḿ beē.

1 SAMUEL 4:16

Deē ní əda Eli na: I mā n m-ḭ́ḭ ta rɔ̄ɔ̄ tə́ ní. M-ā̰ȳ ta rɔ̄ɔ̄ tə́ i ɓōólaā nəkɔ́ ń toō. Eli dəjen na: Ngōnə̄ḿ, i rí n rāā yá̰a̰?

1 SAMUEL 4:18

Dan nəkɔ́ ń əda rī sandúkə yā Nə́ɓā anī, Eli ḭḭ dɔ kāgə̄ ndi yān tə́ əsō kə gōneé ta róbə́ kújə́ tə́, gár gōn tɔ̄ɔ̄ yɔ́k yɔ́k adə̄ oy. Tɔdɔ̄ ni i de kə́ tɔgə ō, ɔȳ ngá̰ý ō. Ni-ndi ngār sarya dɔ ngán Israel gə̄ tə́ i ɓāl̄ kutə sɔ́.

PĀ GƏ̄ 78:61

Ni əya̰ sandúkə́ kə́ táĺ ń i yá̰á̰ kə́ ɔjə kadə̄ ni i de kə́ ngan̄g ō, kə́ kɔsə gɔn yān i ngá̰ý ō ní, adə̄ madə̄ ba̰ā̰n gə̄ taā aw̄n̄neé.

PĀ GƏ̄ 78:64

Ngé tun̄ yá̰a̰ gə̄ oyn̄ yo kaskar, banī dəyá̰ kə́ ngaa koy gə̄ nōōn̄ alé.

1 SAMUEL 3:12

Ndɔ̄ ń noō tə́ ní yá̰a̰ malang ń m-ə́da dɔ Eli tə́ ō, dɔ gír kojə yān tə́ ō ní m-ā m̄-rāā. M-ā m-ə́lá gír i ta kəla gíŕ tə́ bátə́ ta tɔ̄l̄ ta tə́ kanjə̄ kəya̰ yá̰á̰ kógə̄ḿ kɔ̄ɔ́.