1 SAMUEL 4:12 - Bibəl ta Sar̄

¹² De kógə̄ḿ kə́ gír ɓē yā Benjamḛ tə́ a̰ȳ ta rɔ̄ɔ̄ tə́ aw̄ ugə̄ Silo ndɔ̄ nəkɔ́ ń noō tə́. Kūbə̄ kə́ rɔ̄n tə́ i kə́ rə́yā̰ kɔ̄ɔ́ ō, dɔn i bumbə́rú malang ō.

Bible sar

¹² De kógə̄ḿ kə́ gír ɓē yā Benjamḛ tə́ a̰ȳ ta rɔ̄ɔ̄ tə́ aw̄ ugə̄ *Silo ndɔ̄ nəkɔ́ ń noō tə́. Kūbə̄ kə́ rɔ̄n tə́ i kə́ *rə́yā̰ kɔ̄ɔ́ ō, dɔn i bumbə́rú malang ō.

1 SAMUEL 4:12 Referans Kwoze

JOJUE 7:6

Jojue nin̄ kə kum kɔɔ̄ gə̄ yā ngán Israel gēé rə́yā̰n̄ kūbə̄ kə́ rɔ̄də́ gə̄ tə́ ō, ɔyn̄ bumbə́ru kə̄ dɔdə́ tə́ ō, əsōn̄ sébən̄ kumdə́ nang tə́ no sandúkə yā Kɔ́ɔ̄ɓē tə́. Nin̄ ton̄ tītə̄ ń nuū bátə́ loo tíbə dɔdə́ tə́.

Makətūbə̄ yā Job 2:12

Nin̄ unən̄ kumdə́ kə̄ dɔɔ́ a̰a̰nən̄ sa̰y anī, ger̄nən̄ alé. Anī unən̄ ndūdə́ kə̄ dɔɔ́ nōōnəń. Nin̄ kógə̄ḿ kógə̄ḿ kə dɔdə́ gēé ní rə́yā̰n̄ kūbə̄ kə́ dɔ madə̄ gə̄ tə́ kə́ rɔ̄də́ tə́ kɔ̄ɔ́, ba ɔyn̄ bumbə́ru ɓōkə́n̄ kə̄ dɔɔ́ adə̄ tél dəse pul pul dɔdə́ tə́.

NEHEMI 9:1

Kem nāā kə́ kógə̄ḿ beē nəkɔ́ ń noō tə́, kə ndɔ̄ kə́ nge ko̰ kutə jōó gidə i sɔ́ anī, ngán Israel gə̄ kánə̄n̄ naā yā ndi ɓō tām̄ yā Nə́ɓā tə́. Nin̄ o̰o̰n̄ kūbə̄ kəhɔ ndoō ō, ɔyn̄ nán̄g kə̄ dɔdə́ tə́ adə̄ rɔ̄də́ i nán̄g malang ō.

2 SAMUEL 15:32

Dan ń Dabid aw̄ ugə̄ dɔ mbal̄ tə́ dɔɔ́ loo ń a ɔsən̄ nodə́ nang tə́ tū tə́ ta kum Nə́ɓā tə́ ní anī, a̰a̰ Husai ń i Arki ní a tə́nī tan. Kūbə̄ ngāl̄ yān i kə́ rə̄yā̰ ō, bumbə́ru i dɔn tə́ ō,.

2 SAMUEL 1:2

Kə ndɔ̄ kə́ nge ko̰ mətá anī deē kógə̄ḿ ḭḭ gérger yā Saul tə́ reē ugə̄. Kūbə̄ kə́ rɔ̄n tə́ i kə́ rə̄yā̰ kɔ̄ɔ́ ō, nán̄g i dɔn tə́ ō. Dan ń deē ní reē ugə̄ ngɔr rɔ̄ Dabid tə́ anī əsō ɔsə non nang tə́.

2 SAMUEL 13:19

Tamar ɔy bū hor rāā dɔn tə́ ō, kūbə̄ yān kə́ majə ngá̰ý ń rɔ̄n tə́ ní, əhɔ rə̄yā̰ ō. Ni ɓōkə́ jīn dɔn tə́ ba ɔtə aw̄ kə nōō gēé.

JEREMI 26:6

yá̰á̰ ń m̄-rāā kə Silo ní, m-ā m̄-rāā kə kújə́ ń toō. M-ā m̄-rāā ɓē ń toō kadə̄ a téĺ yá̰á̰ kə́ nápar de gə̄ malang kə́ dɔ nang tə́ a ndɔ̄lə́n̄ naā kə rīneé.

EJEKIEL 24:26

Ndɔ̄ ngeé ń noō tə́ ní, deē kógə̄ḿ kə́ teē ta yo tə́ a reē yā kədaī kōō yá̰á̰ ń rāā yá̰á̰ ní.

EJEKIEL 27:30

Nin̄ a nōōn̄ rɔ̄də́ dɔí tə́, kə nōō kə́ kə wur katāá. Nin̄ a əgan̄ bumbə́ru kə̄ dɔdə́ tə́ ō, a wángə̄lān̄ kum bū tə́ ō, yā kɔjəń rɔ̄nelāĺ yādə́ kə̄ ndágá.