1 SAMUEL 31:7 - Bibəl ta Sar̄

⁷ Dan ń ngán Israel gə̄ ń ndin̄ gidə wól loo kə́ dām̄ kə́ nú tə́ ō ngé gə̄ ń ndin̄ gidə bā Jurdḛ kə́ dām̄ kə́ nú tə́ ō a̰a̰n̄ kadə̄ ngé rɔ̄ɔ̄ gə̄ yā Israel gə̄ a̰ȳn̄ naā kɔ̄ɔ́ ō Saul nin̄ kə ngánən kə́ dəngam gēé oyn̄ kɔ̄ɔ́ ō anī, əya̰n̄ ɓē yādə́ gə̄ kɔ̄ɔ́ ba a̰ȳn̄ naā, adə̄ Pilistin gə̄ reē ndin̄ gotədə́ tə́.

Bible sar

⁷ Dan ń ngán *Israel gə̄ ń ndin̄ gidə wól loo kə́ dām̄ kə́ nú tə́ ō ngé gə̄ ń ndin̄ gidə bā Jurdḛ kə́ dām̄ kə́ nú tə́ ō a̰a̰n̄ kadə̄ ngé rɔ̄ɔ̄ gə̄ yā Israel gə̄ a̰ȳn̄ naā kɔ̄ɔ́ ō Saul nin̄ kə ngánən kə́ dəngam gēé oyn̄ kɔ̄ɔ́ ō anī, əya̰n̄ ɓē yādə́ gə̄ kɔ̄ɔ́ ba a̰ȳn̄ naā, adə̄ Pilistin gə̄ reē ndin̄ gotədə́ tə́.

1 SAMUEL 31:7 Referans Kwoze

1 SAMUEL 13:6

Dan ń de kə́ Israel gə̄ a̰a̰n̄ kadə̄ yo otə́ bḭḭ tɔdɔ̄ Pilistin gə̄ ń gīrə̄n̄də́ ní reēn̄ ngɔr ngá̰ý anī ɓɔ̄ɔ̄n̄ rɔ̄də́ kə̄ kem bəlo gə̄ tə́ ō, kem bəlo mbal̄ gə̄ tə́ ō, dɔ mbal̄ gə̄ tə́ ō, kem loo kə́ rāā gíŕ nángāá gə̄ tə́ ō, kə̄ kem bəlo kə́ ndēr̄ yā taāń man̄ ndī gə̄ tə́ ō.

NGÉ SARYA 6:2

Madian gə̄ rāān̄ kum ngán Israel gə̄ ndoō tə́ ngá̰ý, adə̄ nin̄ rāān̄ loo ɓɔ̄ɔ̄ rɔ̄ yādə́ mbo̰ō̰ mbal̄ gə̄ tə́ ō, bəlo mbal̄ gə̄ tə́ ō, dɔ mbal̄ gə̄ kə́ loo kaw̄ kə̄ tū tə́ tōr̄ ngá̰ý tə́ ō.

NDŪ NAJƏ̄ 28:33

Gír de gə̄ kə́ ī-ger̄də́ aĺ gə̄ a əsan̄ kōō yāí, kə yá̰a̰ malang ń ī-rāā á teē ní. Ngáńdáńg de gə̄ a əsanī i mbée ō, a rāānī majaĺ ō.

LEBI GƏ̄ 26:36

Ngé kə́ dansí tə́ gə̄ ń a ndin̄ kə kumdə́ kem ɓē yā madə̄ ba̰ā̰sí gə̄ tə́ ní, m-ā m-ə́la ɓōĺ kemdə́ tə́ kadə̄ ré oōn̄ i kōō mbī kāgə̄ kə́ néĺ yéȳn gə̄gē anī, a a̰ȳn̄ i naā. Nin̄ a a̰ȳn̄ naā tītə̄ ń deē a a̰ȳń kɔ̄ɔ́ ta kaskar tə́ ní ō, a tə́sōn̄ kanjə̄ deē ngɔ̄də̄də́ ō.

LEBI GƏ̄ 26:32

M-ā m̄-nujə ɓē yāsí sák sák kadə̄ a ɔr kum madə̄ ba̰ā̰sí gə̄ ń a reēn̄ yā ndi kemeé ní.

1 SAMUEL 31:6

I beé n Saul ō ngánən kə́ dəngam kə́ mətá gə̄ ō nge kətō yá̰a̰ rɔ̄ɔ̄ yān ō deē yān gə̄ ō oyn̄neé malang ndɔ̄ ń noō tə́ ní.

1 SAMUEL 31:8

Teē kə ndɔ̄ kə́ noō anī Pilistin gə̄ ń reēn̄ ró̰ȳ yá̰á̰ kə́ rɔ̄ɔ̄ nīń gə̄ tə́ ní əngen̄ nīń Saul ō ngánən kə́ mətá gə̄ ō dɔ mbal̄ kə́ Gilboa tə́.

1 SAMUEL 13:7

Ngé kə́rēý gə̄ gāngə̄n̄ bā Jurdḛ yā kaw̄ dɔ nang kə́ Gad tə́ ō, Galaad tə́ ō. Dan ń noō tə́ ní Saul na̰y Gilgal ɓáý ō, de kə́ gōn tə́ gə̄ malang a ndewn̄ i mbée ō.