1 SAMUEL 31:4 - Bibəl ta Sar̄

⁴ adə̄ ni-əda nge kətō yá̰a̰ rɔ̄ɔ̄ yān na kə ɔr̄ kaskar yān kə ɔsənneé na sōgə́ de kə́ ngé kəja mɔtədə́ aĺ gə̄ ń noō reē ɔsənən̄ ba mbóon̄neé seneé. Banī nge kətō yá̰a̰ rɔ̄ɔ̄ yān ɔdə alé, tɔdɔ̄ ɓōĺ asən nák. Anī Saul un kaskar yān nəkɔ́ ba əsō ta tə́.

Bible sar

⁴ adə̄ ni-əda nge kətō yá̰a̰ rɔ̄ɔ̄ yān na kə ɔr̄ kaskar yān kə ɔsənneé na sōgə́ de kə́ ngé *kəja mɔtədə́ aĺ gə̄ ń noō reē ɔsənən̄ ba mbóon̄neé seneé. Banī nge kətō yá̰a̰ rɔ̄ɔ̄ yān ɔdə alé, tɔdɔ̄ ɓōĺ asən nák. Anī Saul un kaskar yān nəkɔ́ ba əsō ta tə́.

1 SAMUEL 31:4 Referans Kwoze

2 SAMUEL 1:20

Ī-lōōī kəda najə̄n kem ɓē kə́ Gat tə́. ī-lōōī kəda gotə kum róbə gə̄ kə́ kem ɓē kə́ Askalon tə́, na sōgə́ adə̄ ngán Pilistin kə́ dəyá̰ gə̄ rɔ̄nel̄, na sōgə́ ngáń kə́ dəyá̰ gə̄ yā ngé kəja mɔtədə́ aĺ gə̄ ń noō rāān̄ walya.

2 SAMUEL 1:6

Anī balsáá ní əda na: m̄-ra i dɔ mbal̄ Gilboa tə́, anī m-á̰a̰ Saul udə nənga yān nang tə́ ba əhɔ rań, banī madə̄ ba̰ā̰ gə̄ kə́ ngé púsə rɔ̄ɔ̄ gə̄ ō, kə́ ngé kal̄ sə́nda gə̄ ō, ra gīr̄nən̄. Nin̄ i ngɔr rɔ̄n tə́.

NGÉ SARYA 9:54

Kə̄ ta jī tə́ noō Abimelek ɓāŕ balsáá kə́ nge kətō yá̰a̰ rɔ̄ yān ba ədan na: Ɔ̄r̄ kaskar yāí ī-tɔ̄l̄məń na sōgə́ ədan̄ na i de kə́ dəyá̰ na tɔ̄lə̄m̄ ní. Loo ń noō tə́ balsáá ní ɔsən kə kaskaraá adə̄ oy.

1 MBAN̄G GƏ̄ 16:27

Gotə yá̰á̰ kə́ rang gə̄ ń Omri rāā ní ō, kəla rāān kə́ to kɔsə gɔn gə̄ ō ní, ndangən̄ kem makətūbə̄ kəla rāā mban̄g gə̄ kə́ Israel tə́.

2 SAMUEL 17:23

Dan ń Ahitopel a̰a̰ kadə̄ de gə̄ tetən̄ rɔ̄də́ gō kɔjə̄ yān tə́ aĺ anī, əndā síŕdí gidə kərō yān tə́ ba ḭḭ dɔ tə́ aw̄ ɓēé. Ni ɔjə de kə́ ta kújə yān tə́ gə̄ yá̰a̰ gə̄ kə́ kadə̄ rāān̄ rāān̄, ba gō tə́ anī ənī kəlā oy kɔ̄ɔ́. Dubə̄nən̄ i kem bəlo ɓádə́ ń dubə̄n bɔbə̄n tū tə́ kété ní tə́.

2 SAMUEL 1:14

Dabid əda balsáá ní na: I ba̰ý á ī-ɓōĺ aĺ ba ī-tɔ̄l̄ mban̄g ń Kɔ́ɔ̄ɓē gə̄rān ní ní.

1 SAMUEL 17:36

Nge kəla yāí tɔ̄l̄ ɓɔl ō, tɔ̄l̄ dā̰ úrsə ō. Adə̄ yá̰á̰ ń m̄-rāā kə dā̰ gə̄ ń noō ní m-ā m̄-rāā kə Pilistin kə́ nge kəja mɔtən aĺ ń toō ō. Tɔdɔ̄ ni tɔ́sə̄ gātə̄ ngé rɔ̄ɔ̄ gə̄ yā Nə́ɓā ń ndi kə kumneé ní.

1 SAMUEL 17:26

Dabid dəje ngé rɔ̄ɔ̄ gə̄ ń ran̄ rɔ̄n tə́ ngɔr ní na: Deē ń tetə Pilistin ń toō rɔ̄ɔ̄ yā kɔrə̄ń rɔ̄sɔl̄ kɔ̄ɔ́ dɔ ngán Israel gə̄ tə́ ní a əndān̄ njan i kə rí? Pilistin kə́ kəja mɔtən aĺ nəkɔ́ ń toō i náā á a tɔ́sə̄ gātə̄ ngé rɔ̄ɔ̄ gə̄ yā Nə́ɓā kə́ kə kumneé beé?

1 SAMUEL 14:6

Jonatan əda nge kətō yá̰a̰ rɔ̄ɔ̄ yān na: Ī-reē ādə̄ j-aw̄ bátə́ loo ń ngé kəja mɔtədə́ aĺ gə̄ ń noō ndin̄ tū tə́ ní. Majanī Kɔ́ɔ̄ɓē a rāā yá̰a̰ tām̄ yājí tə́. Ká ré jḭḭ̄ i ngá̰ý aké i sḛ́ý beē gə̄gē anī yá̰á̰ kə́ a ɔgə̄ Kɔ́ɔ̄ɓē tetə rɔ̄ɔ̄ kadə̄jí gətóo.

NGÉ SARYA 14:3

Bɔbə̄n nin̄ kə kó̰o̰neé ədanən̄ na: Dəyá̰ kə́ yā kadə̄ ī-taā dan ngééí gə̄ tə́ aláa dan ngán Israel gə̄ tə́ gətóo i mbéé á kə āw̄ dan Pilistin gə̄ kə́ ngé kəja mɔtədə́ aĺ gə̄ tə́ tá kə ī-taā a? Banī Samso̰ əda bɔbə̄n na kə taā dəyá̰ ní kə adə̄n tɔdɔ̄ i ni n na nelə̄n seneé ní.

1 YÁ̰A̰ GƏ̄ 10:4

Ni-əda nge kətō yá̰a̰ rɔ̄ɔ̄ yān gə̄ na: Ɔ̄r̄ kaskar yāí ɔ́səm̄neé na sōgə́ ngé kəja mɔtədə́ aĺ gə̄ ń noō reē mbóoń seḿ. Banī nge kətō yá̰a̰ rɔ̄ɔ̄ gə̄ ɔdə alé tɔdɔ̄ ɓōĺ asən nák. Anī Saul nəkɔ́ un kaskar ba əsō ta tə́.

1 SAMUEL 31:5

Dan ń nge kətō yá̰a̰ rɔ̄ɔ̄ yā Saul a̰a̰ kadə̄ Saul oy kɔ̄ɔ́ anī, əsō ta kaskar yān tə́ ō ba oy seneé.

2 SAMUEL 21:12

Dabid aw̄ taā kə̄ngā Saul gə̄ ō, kə̄ngā Jonatan gə̄ ō, jī de kə́ kem ɓē kə́ Yabes kə́ Galaad tə́ gə̄ tə́. Tɔdɔ̄ i nin̄ n aw̄ ɓogən̄ nīń Saul nin̄ kə Jonatan ta ɓē kə́ Bet Sean tə́ ní. Tām̄ dan ń Pilistin gə̄ tetən̄ Saul rɔ̄ɔ̄ Gilboa ní do̰ō̰n̄ nīnə́n ō, nīń Jonatan ō i loo ní tə́.

1 MBAN̄G GƏ̄ 16:18

Dan ń Jimri a̰a̰ kadə̄ de gə̄ taān̄ ɓē kɔ̄ɔ́ anī, udə kem kújə́ kə́ dɔɔ́ yā mban̄g tə́, ba əla hor dɔ tə́ adə̄ hor o̰o̰n kem kújə́ ní tə́ o̰o̰ tɔ̄lən.

1 SAMUEL 26:10

Tītə̄ ń Kɔ́ɔ̄ɓē ndiń kə kumneé noō ní, m-ə́daī najə̄ kə́ rɔ̄kum, Kɔ́ɔ̄ɓē nəkɔ́ a tɔ̄lən. Majanī a oy i yo kə́ karī, aláa a oy i ta rɔ̄ɔ̄ tə́.

2 SAMUEL 1:1

Dan ń Dabid tetə Amalek gə̄ rɔ̄ɔ̄ á tél reē ndi kem ɓē kə Sikəlag tə́ ní, Saul i kə́ oy kɔ̄ɔ́. Dabid ndi Sikəlag rāā ndɔ̄ jōó.