1 SAMUEL 31:1 - Bibəl ta Sar̄

¹ Pilistin gə̄ rɔ̄ɔ̄n̄ Israel gə̄, ba Israel gə̄ a̰ȳn̄ naā nodə́ tə́. Ngá̰ý gə̄ oyn̄ adə̄ nīńdə́ to mbal̄ kə́ Gilboa tə́.

Bible sar

¹ Pilistin gə̄ rɔ̄ɔ̄n̄ *Israel gə̄, ba Israel gə̄ a̰ȳn̄ naā nodə́ tə́. Ngá̰ý gə̄ oyn̄ adə̄ nīńdə́ to mbal̄ kə́ Gilboa tə́.

1 SAMUEL 31:1 Referans Kwoze

1 SAMUEL 28:4

Ndɔ̄ kə́rēý tə́ anī Pilistin gə̄ kánə̄n̄ ɓūtə̄ ngé rɔ̄ɔ̄ yādə́ gə̄ naā tə́ malang loo kógə̄ḿ, ba aw̄ ndin̄ sedə́ kadə ɓē kə́ Sunem tə́ ō. Saul kán̄ ngé rɔ̄ɔ̄ gə̄ yā ngán Israel gə̄ malang ba aw̄ ndin̄ kadə mbal̄ kə́ Gilboa tə́ ō.

2 SAMUEL 1:21

Mbal̄ gə̄ kə́ Gilboa, ādə̄ tal əhɔ dɔsí tə́ aĺ ō, man̄ edə dɔsí tə́ aĺ ō, ādə̄ ndɔr̄ gə̄ kə́ dɔsí tə́ teēn̄ kōō aĺ ō. Tɔdɔ̄ əlan̄ rɔ̄sɔl̄ dɔ der yā go̰ rɔ̄ɔ̄ gə̄ tə́ i loo ń noō tə́, dɔ der yā Saul ń a ndumənən̄

1 SAMUEL 29:1

Pilistin gə̄ kánə̄n̄ ɓūtə̄ ngé rɔ̄ɔ̄ yādə́ gə̄ malang Apek, ba ngán Israel gə̄ ndin̄ i ta kəɓa man̄ ń ra ngɔr kə̄ Jisreel tə́ ní.

1 SAMUEL 28:15

Samuel dəje Saul na: Ī-njə́ɓām̄ i najə̄ rí tə́? Ī-ɓārə́m̄ i tām̄ rí tə́? Anī Saul ədan na: m̄-ndi i kə sōlōó kekəre. Pilistin gə̄ a sāān̄ i rɔ̄ɔ̄m̄ ō Nə́ɓā əya̰m̄ kɔ̄ɔ́ ō daləm̄ najə̄ to̰ aĺ ō. Ɔr̄ najə̄ seḿ kə ngé koō ta gēé aĺ ō kə nīí aĺ ō. Adə̄ m̄-ɓāríī i yā kadə̄ ī-reē ə́dam̄ yá̰á̰ ń sɔɔ̄ kadə̄ m̄-rāā ní.

1 SAMUEL 28:1

Dan ngeé ń noō tə́ ní Pilistin gə̄ kánə̄n̄ ngé rɔ̄ɔ̄ yādə́ gə̄ kə̄ naā tə́ yā kaw̄ń rɔ̄ɔ̄ ngán Israel gə̄ tə́. Anī Akis əda Dabid na: Majə na ī-ger̄ kadə̄ ḭ̄ ní ā āw̄ seḿ ta rɔ̄ɔ̄ tə́ kə deē yāí gēé.

1 SAMUEL 12:25

Ba ré ī-rāāī yá̰á̰ kə́ majanī sḭḭ̄ gə̄gē, mban̄g yāsí gə̄gē, a nujən̄sí sák sák kɔ̄ɔ́.

2 SAMUEL 1:6

Anī balsáá ní əda na: m̄-ra i dɔ mbal̄ Gilboa tə́, anī m-á̰a̰ Saul udə nənga yān nang tə́ ba əhɔ rań, banī madə̄ ba̰ā̰ gə̄ kə́ ngé púsə rɔ̄ɔ̄ gə̄ ō, kə́ ngé kal̄ sə́nda gə̄ ō, ra gīr̄nən̄. Nin̄ i ngɔr rɔ̄n tə́.

2 SAMUEL 4:4

Jonatan ngōn̄ Saul aw̄ kə ngōnən kə́ dəngam kógə̄ḿ kə́ njan lígə̄rī dām̄ jōó mbak. Rī ngōnən ní na i Mepiboset. Dan ń najə̄ yo Saul ḭḭ Jisreel reē ugə̄ ní, ɓāl̄ Mepiboset i mí. Kókətōn unən yā ka̰ȳ seneé, banī tebəle asən nák adə̄ ngōn̄ ní teē jīn tə́ əsō. I yá̰á̰ ń noō n nja ngōn̄ nujəń kɔ̄ɔ́ kə́ njɔ́ḿ gə̄ tə́ ní.

1 SAMUEL 28:19

Adə̄ ḭ̄ ō ngán Israel gə̄ ō ní, Kɔ́ɔ̄ɓē a əlasí jī Pilistin gə̄ tə́. Bírí ní ḭ̄ ō ngání kə́ dəngam gə̄ ō ā ī-reēī gōḿ tə́ ɓádá. Ba ngé rɔ̄ɔ̄ gə̄ yā ngán Israel gə̄ ní, Kɔ́ɔ̄ɓē a əladə́ jī Pilistin gə̄ tə́.