1 SAMUEL 30:8 - Bibəl ta Sar̄

⁸ Dabid dəje Kɔ́ɔ̄ɓē na: Ré m̄-sōn̄g gō ngé ɓogə gə̄ ń noō anī m-ā m-ə́ngédə́ a? Anī Kɔ́ɔ̄ɓē ədan na: Ī-sōn̄g gōdə́ na ā ə́hɔ́də́ ō ā ī-gān̄g dɔ deē yāí gə̄ ō.

Bible sar

⁸ Dabid dəje Kɔ́ɔ̄ɓē na: Ré m̄-sōn̄g gō ngé ɓogə gə̄ ń noō anī m-ā m-ə́ngédə́ a? Anī Kɔ́ɔ̄ɓē ədan na: Ī-sōn̄g gōdə́ na ā ə́hɔ́də́ ō ā ī-gān̄g dɔ deē yāí gə̄ ō.

1 SAMUEL 30:8 Referans Kwoze

1 SAMUEL 30:18

Dabid taā yá̰a̰ malang ń Amalek gə̄ ɔyn̄ ní. Ni-taā nə̄yá̰n kə́ jōó gə̄ ō.

1 SAMUEL 23:2

Anī Dabid dəje Kɔ́ɔ̄ɓē na ké kə n-aw̄ kə n-ənī Pilistin gə̄ ní rɔ̄ɔ̄ wa. Kɔ́ɔ̄ɓē ədan na kə aw̄ na a tetə Pilistin gə̄ rɔ̄ɔ̄ ō na a taā ɓē kə́ Keila jīdə́ tə́ yā kəya̰n dɔɔ́ ō.

2 SAMUEL 5:19

Anī Dabid aw̄ koō najə̄ kə́ ta Kɔ́ɔ̄ɓē tə́. Ni-dəje Kɔ́ɔ̄ɓē na ké kə n-aw̄ kə n-rɔ̄ɔ̄ Pilistin gə̄ wa. Ké Kɔ́ɔ̄ɓē a əladə́ kem jīn tə́ wa. Anī Kɔ́ɔ̄ɓē tél əda Dabid na kə aw̄ kə rɔ̄də́ na n-a n-əladə́ kem jīn tə́ kə́ rɔ̄kum tə́.

2 SAMUEL 5:23

Dabid tél aw̄ koō najə̄ kə́ ta Kɔ́ɔ̄ɓē tə́ ɓáý to̰. Anī Kɔ́ɔ̄ɓē ədan na: Ī-lōō kə tə́nī tadə́ yā rɔ̄ɔńdə́, ba ī-rə̄ngō rɔ̄í gidədə́ tə́, ī-teē dan ku kāgə̄ mikokuli gə̄ tə́ kum kə̄ rɔ̄də́ tə́.

1 SAMUEL 23:4

Dabid tél dəje Kɔ́ɔ̄ɓē najə̄ ɓáý to̰, anī Kɔ́ɔ̄ɓē ədan na kə ɔr̄ dɔɔ́ kə aw̄ Keila na n-a n-əla Pilistin gə̄ jīn tə́.

PĀ GƏ̄ 91:15

Ré ɓārə́m̄ anī m-ā m̄-ndigən, m-ā m̄-ndi seneé dan wur kɔl tə́. M-ā m̄-gān̄g dɔn ō, m-ā m-ɔ́sə gɔnən ō.

PĀ GƏ̄ 50:15

Gō tə́ ré wur kɔl əsō dɔí tə́ anī ī-ɓārə́m̄, anī m-ā m-ájiī kadə̄ ā ɔ́sə gɔnəḿ.

TƏ́DA 27:21

Jojue a aw̄ rɔ̄ Eleajar nge tun̄ yá̰á̰ tə́ kadə̄ túgə̄ wə̄lā urim tām̄ yān tə́ ta kum Kɔ́ɔ̄ɓē tə́. Ni ō, ngán Israel gə̄ malang ō ní a teēn̄ ō, tél a udən̄ gogə́ ō, i kə gō ndū ń wə̄lā a ɔjə ní.

1 SAMUEL 28:6

Saul dəje Kɔ́ɔ̄ɓē najə̄, banī Kɔ́ɔ̄ɓē dalən alé. Kɔ́ɔ̄ɓē ɔr̄ najə̄ seneé kə nīí aĺ ō kə wə̄lā kə́ táĺ gə̄ yā nge tun̄ yá̰a̰ yā Nə́ɓāá aĺ ō kə nge koō ta kógə̄ḿ aĺ ō.

NGÉ SARYA 20:18

Nin̄ aw̄n̄ Betel koō ta Nə́ɓāá yā gerə̄ń ké a ɔjə i dɔ náā dandə́ tə́ kadə̄ aw̄ kété kənī ngán Benjamḛ gə̄ rɔ̄ɔ̄ tə́ wa? Anī Kɔ́ɔ̄ɓē əda na: I Juda gə̄ n a aw̄n̄ kété ní.

1 SAMUEL 14:37

Tā anī Saul dəje Nə́ɓā na ké kə n-aw̄ ngɔ̄də̄ Pilistin gə̄ tə́ wa. Ké Nə́ɓā a əla Pilistin gə̄ kem jī ngán Israel gə̄ tə́ wa. Banī Nə́ɓā ədan najə̄ ndɔ̄ ń noō tə́ alé.

TA KƏLA 14:16

Ni-taā yá̰a̰ kənge gə̄ ń ɔyn̄ ní malang, téləń. Ni-tél kə Lot ń i ngōn̄ ngōkó̰o̰n ní kə yá̰a̰ kəngen gēé ō, kə dəyá̰ gēé ō, kə kósə de gēé ō.

Teē Ngán Israel gə̄ 15:9

Madə̄ ba̰ā̰jí gə̄ ədan̄ na n-a n-ngɔ̄də̄n̄jí yā kəhɔjí, na n-a n-kēgə̄n̄ naā yá̰a̰ kənge yājí gə̄, na n-a n-ɔyn̄ kadə̄ mān̄ dɔ ɓōn kə́ kemdə́ tə́, na n-a n-ró̰ȳn̄ kaskar yādə́ gə̄ kem hɔ̄pə̄n tə́, na n-a n-tetən̄ jīdə́ dɔjí tə́.

1 SAMUEL 30:19

Dan ngáń kə́ dūú gə̄ tə́ ō de kə́ tɔgə gə̄ tə́ ō ngáń kə́ dəngam gə̄ tə́ ō kə́ dəyá̰ gə̄ tə́ ō ní, ta deē kógə̄ḿ tḭ̄ḭ̄ alé. Yá̰a̰ malang ń ɔy aw̄n̄neé ní Dabid taā reēń gogə́ malang.

NGÉ SARYA 8:4

Jedeo̰ nin̄ kə de kə́ ɓú mətá gə̄ ń seneé ní aw̄ teēn̄ bā Jurdḛ. Tɔ́gə́də́ təgā kɔ̄ɔ́, banī na̰yn̄ kə̄ loo ngɔ̄də̄ madə̄ ba̰ā̰də́ gə̄ tə́.

1 SAMUEL 10:22

Tél dəjen̄ Kɔ́ɔ̄ɓē ɓáý to̰ na ké de kə́ rang reē laā wa. Anī Kɔ́ɔ̄ɓē əda na: I ni n ɓɔ̄ɔ̄ rɔ̄n dan yá̰a̰ mbā gə̄ tə́ toō.