1 SAMUEL 30:6 - Bibəl ta Sar̄

⁶ Loo təngā Dabid ngá̰ý tɔdɔ̄ de gə̄ ɔrə̄n̄ najə̄ tə́nīn kə mbalá yā tɔ̄lən: de gə̄ malang ní wurdə́ atə̄də́ ngá̰ý tām̄ yā ngáńdə́ kə́ dəngam gə̄ ō kə́ dəyá̰ gə̄ ō tə́. Banī Dabid tél əhɔ rɔ̄n tɔgə kə ta kūl̄ Kɔ́ɔ̄ɓē Nə́ɓā yānneé.

Bible sar

⁶ Loo təngā Dabid ngá̰ý tɔdɔ̄ de gə̄ ɔrə̄n̄ najə̄ tə́nīn kə mbalá yā tɔ̄lən: de gə̄ malang ní wurdə́ atə̄də́ ngá̰ý tām̄ yā ngáńdə́ kə́ dəngam gə̄ ō kə́ dəyá̰ gə̄ ō tə́. Banī Dabid tél əhɔ rɔ̄n tɔgə kə ta kūl̄ Kɔ́ɔ̄ɓē Nə́ɓā yānneé.

1 SAMUEL 30:6 Referans Kwoze

PĀ GƏ̄ 56:11

m̄-tɔ̄ȳ Nə́ɓā tām̄ najə̄ kɔrə̄n tə́. A̰á̰ā̰, m̄-tɔ̄ȳ Kɔ́ɔ̄ɓē tām̄ najə̄ ní tə́.

PĀ GƏ̄ 62:5

A̰á̰ā̰, nin̄ sāān̄ mbəre kənīn, i najə̄ loo kə́ bo ń ni-ndi tū tə́ ní tə́. Nel̄də́ sor̄ ngá̰ý, a tɔ́rə̄n̄ tadə́ dɔ de gə̄ tə́ i kə tadə́, banī kemdə́ a ndɔ̄ĺ de gə̄.

PĀ GƏ̄ 18:6

Loo kə́ ɓádá ɓírə̄m̄ ō, yo əyā gūmbə̄ noḿ tə́ ō.

PĀ GƏ̄ 25:17

Ɔ̄r̄ sōl̄ kə́ kemḿ tə́ kɔ̄ɔ́ ādə̄ néĺ tóom̄ sḛ́ý. Ɔ̄rə̄m̄ kɔ̄ɔ́ kum yá̰á̰ kə́ ngan̄g tə́.

HEBƏRO 13:6

Adə̄ j-asiī kənī kemjí mámák kədań najə̄ ń toō: Kɔ́ɔ̄ɓē i nge rāā seḿ, m-ā m̄-ɓōĺ yá̰á̰ kógə̄ḿ alé. Deē a rāā i rí seḿ?

Makətūbə̄ ń Pol ndang adə̄ Rom gə̄ ní 4:18

Abəraham taā kem Nə́ɓā ō, əndā kemən dɔ yá̰á̰ ń Nə́ɓā əda tə́ ní ō, tá i yá̰á̰ kə́ to kadə̄ deē a əndā kemən dɔ tə́ aĺ bátə́, ba ni-əndā kemən dɔ tə́ ō, taā kem ō, adə̄ i tām̄ ń noō tə́ n ni-téləń kaa nápar de kə́ ngá̰ý gə̄ tītə̄ ń Nə́ɓā ədanəń na: Ngán kaan gə̄ a télən̄ gíŕ nápar de kə́ ngá̰ý gə̄ ní.

PĀ GƏ̄ 116:10

Dan ń m-ə́dań na rɔ̄ḿ na tō ndoō ngá̰ý ní gə̄gē a m-ə̄ndā kemḿ dɔí tə́.

Makətūbə̄ ń Pol ndang adə̄ Rom gə̄ ní 8:31

J-a j-ədaī na i rí dɔ tə́ ɓáý? Ré Nə́ɓā i sejí anī, i náā n a mbātə́jí?

Teē Ngán Israel gə̄ 17:4

Moijə nōō kə̄ dɔ Kɔ́ɔ̄ɓē tə́ ədan na ké i rí n kə n-rāā tām̄ yā gír de gə̄ ń noō tə́ wa, na sḛ́ý to̰ a na a tə́nīnən̄ kə kūbə̄rū mbalá.

PĀ GƏ̄ 42:11

Ndū ń madə̄ ba̰ā̰ḿ gə̄ tájə̄mə̄n̄ ní tétə̄ kə̄ngāḿ rárák. Nin̄ ədamə̄n̄ kə dɔ ndɔ̄ gə̄ na ké Nə́ɓā yāḿ ngaá i rá wa.

PĀ GƏ̄ 27:14

Ī-ngóō ta Kɔ́ɔ̄ɓē. Ə́hɔ rɔ̄í tɔgə ō, ə́hɔ kemií ngan̄g ō! Ī-ngóō ta Kɔ́ɔ̄ɓē.

2 KORḚNTƏ 4:8

J-a̰a̰ tápə̄ ngá̰ý, banī yá̰a̰ gə̄ ń rāān̄jí adə̄ j-a̰a̰ tápə̄ ní, rējə̄n̄jí kɔ̄ɔ́ alé. Jə-ndi dan yá̰á̰ kə́ ngan̄g gə̄ tə́, kə́ ta róbə́ kə́ kadə̄ jə-teēń kum tə́ gətóo, banī j-aw̄ bátə́ anī jə-teē kum tə́.

1 SAMUEL 1:10

Wur Ana ɔlən ngá̰ý, adə̄ ni ndɔ̄ȳ Kɔ́ɔ̄ɓē i kə man̄ nōó kumən tə́.

JA̰A̰ 8:59

Loo ń noō tə́ nin̄-ɔyn̄ kūbə̄rū mbal̄ gə̄ yā tə́nīnneé. Banī Jeju ɓɔ̄ɔ̄ rɔ̄n ba teē kɔ̄ɔ́ kem kújə yā Kɔ́ɔ̄ɓē tə́.

TƏ́DA 14:10

Ngán Israel gə̄ malang ɔrə̄n̄ najə̄ tə́nīdə́ kə mbalá yā tɔ̄l̄də́ anī kɔsə gɔn yā Kɔ́ɔ̄ɓē teē ta kumdə́ tə́ malang dɔ kújə kənge naā tə́.

2 KORḚNTƏ 7:5

Tɔdɔ̄ dan ń j-ugə̄ dɔ nang kə́ Masedəwan tə́ ní, j-ɔr̄ koō aĺ bátə́. Wur kɔl əsō dɔjí tə́ kə ta róbə́ kə́ tayā tayā gēé: J-a jə-rɔ̄ɔ̄ kə de kə́ rang gēé ō, ɓōĺ i kemjí tə́ ō.

Gōsə̄ najə̄ gə̄ 18:10

Rī Kɔ́ɔ̄ɓē i kújə ngɔ̄m̄ ɓē kə́ ngan̄g, de kə́ súmūú a̰ȳ reē kemeé ō, ndi kanjə̄ sōl̄ yá̰á̰ kógə̄ḿ ō.

JEREMI 16:19

Kɔ́ɔ̄ɓē, ḭ̄ ń i tɔ́gə́ḿ ō, nge ngɔ̄mə̄ḿ ō, loo ɓɔ̄ɔ̄ rɔ̄ yāḿ ndɔ̄ wur kɔl tə́ ō ní, nápar de gə̄ a ḭḭn̄ ta ngóy dɔ nang tə́ yā reē rɔ̄í tə́ yā kəda na: Yá̰á̰ ń kaají gə̄ əngen̄ loo nə̄ɓō naā yá̰á̰ tə́ ní, i yá̰á̰ kə́ rɔ̄kum alé ō, i yá̰á̰ kə́ kanjə̄ kumən kə́ yá̰á̰ kə́ yā rāań gətóo ō.

Makətūbə̄ yā Job 13:15

Rɔ̄kum, Nə́ɓā a tɔ̄lə̄m̄. Yá̰á̰ kə́ kadə̄ m-ə̄ndā kemḿ dɔ tə́ gətóo. Ɓá tā ba, m-ā m̄-rā non tə́ yā nējəń najə̄ dɔ hálə́ḿ tə́.

2 KORḚNTƏ 1:6

Ré jḭḭ j-a̰a̰ tápə̄ anī, i tām̄ yā kadə̄ sḭḭ̄ ə́ngeīneé kem sɔl̄ ō, ájiīneé ō. Ré sɔlə̄n̄ kemjí anī, i yā kadə̄ sḭḭ̄ ə́ngeīneé kem sɔl̄ kə́ kadə̄ rāā sesí tá kadə̄ sḭḭ̄ ásiīneé tə́gā tasí dan yá̰á̰ kə́ tōr̄ gə̄ kə́ tītə̄ yājí tə́ ō.

Makətūbə̄ ń Pol ndang adə̄ Rom gə̄ ní 4:20

Dan ń Nə́ɓā ənī míndən adə̄ Abəraham ní, kem Abəraham tɔ́sən dɔ míndə́ Nə́ɓā ń ənī adə̄n̄ tə́ ní alé. Taā kem yān adə̄n tɔ́gə, adə̄ ni-ɔsə gɔn Nə́ɓā.

MATIYE 27:22

Pilatə dəjedə́ na ké kə n-rāā i rí kə Jeju ń a ɓāŕnən̄ na i Kərist ní wa. Anī nin̄ malang tél ədanən̄ na: Ādə̄ ə́ndain̄ kə máyá̰ tū kāgə̄ kə́ dēsə́ tə́!

MATIYE 21:9

Kósə de gə̄ ń njə̄rān̄ kété no Jeju tə́ ní ō, ngé njə̄rā gogə́ gōn tə́ gə̄ ō, əgan̄ kɔŕ ədan̄ na: Kɔsə gɔn i yā Ngōn̄ kaa Dabid! Ādə̄ tɔ́r̄ ta i dɔ nge ń reē kə rī Kɔ́ɔ̄ɓēé ní tə́! Kɔsə gɔn i yā Nə́ɓā dɔ rā̰ tə́!

IJAI 25:4

Tām̄ ḭ̄ ī-rɔ̄ɔ̄ dɔ ngé tɔ́gə gətóo gə̄ tə́ kə ngangá, dan ń wur kɔl əsōń dɔ ngé ndoō gə̄ tə́ anī, ḭ̄ ī-ngɔ̄m̄də́. Ḭ̄ i loo kə́ yā kadə̄ deē ndi gírí najə̄ man̄ kə́ a edə tə́, ḭ̄ i ndíĺ kə́ deē ndi gírí najə̄ yā mban̄g tə́. A̰á̰ā̰, wōn̄g yā ngé rāā yá̰a̰ kə dɔ́nɔ́ gə̄ tə́ i tītə̄ man̄ kə́ edə dɔ ndogə̄ mbal̄ tə́ kə néĺ kə́ əla kə ngangá ngá̰ý beē.

PĀ GƏ̄ 62:1

Pā kə́ kem makətūbə̄ yā ngār yā gōsə̄ pā gə̄ tə́. I kə gō míndə Yedutun. I pā yā Dabid.

PĀ GƏ̄ 42:7

Nə́ɓā yāḿ, m̄-ndigə rāā rɔ̄ḿ ndoō alé, ba i kɔr̄ najə̄ seí loo ń toō tə́, ta kəɓa man̄ Jurdḛ tə́, kadə mbal̄ ń a ɓāŕnən̄ na i ngōn̄ mbal̄ ní tə́, dɔ mbal̄ Hermon gə̄ tə́.

NGÉ SARYA 18:25

Nin̄ tél ədanən̄ na: Ādə̄ deē oō kōōí to̰ alé. Na sōgə́ wōn̄g rāā de kə́rēý gə̄ anī a rɔ̄ɔ̄n̄sí. Loo ń noō tə́ ā ī-tḭ̄ḭ̄ ta rɔ̄í ō, ā ī-tḭ̄ḭ̄ ta de gə̄ kə́ kem kújə yāí tə́ gə̄ ō.

TA KƏLA 32:7

Ngé kaw̄ kəla gə̄ tél reē ədan̄ Jakob na: J-aw̄ j-ənge ngōkó̰ó̰í Esau, nəkɔ́ ɔy de gə̄ ɓú sɔ́ a tə́nīn taí.

PĀ GƏ̄ 42:5

Əga kemḿ dɔ yá̰a̰ gə̄ ń toō tə́ anī kemḿ əgam̄ biting. Kété m̄-njə̄rā no kósə de kə́ ngá̰ý gə̄ tə́, m-ɔ́r nodə́ bátə́ m-āw̄ sedə́ kújə yā Nə́ɓā tə́. I kósə́ ngé rāā nāā gə̄ kə́ a əgan̄ i kɔŕ rɔ̄nel̄ dɔ Nə́ɓā tə́ ō, a ɓōkə́n̄ i Nə́ɓā tɔ̄ȳ ō.

2 SAMUEL 17:8

Īkɔ́ ī-ger̄ bɔbí ō, deē yān gə̄ ō majə. Nin̄ i go̰ rɔ̄ɔ̄ gə̄ malang, tá wōn̄g rāādə́ tītə̄ dā̰ úrsə kə́ tḭ̄ḭ̄ ta ngōnən bembeé beé. Bɔbí i nge rɔ̄ɔ̄ adə̄ a to kə gotə de gēé alé.

2 MBAN̄G 4:27

Ba dan ń ugə̄ rɔ̄ deē yā Nə́ɓā tə́ dɔ mbalá anī, əhɔ njan. Geaji reē rɔ̄ dəyá̰ ní tə́ yā kəhɔn kə̄ gogə́, anī deē yā Nə́ɓā ədan na: Əya̰n tɔdɔ̄ rɔ̄n atə̄n. Ba yá̰á̰ ń rāā yá̰á̰ á rɔ̄n atə̄nneé ní Kɔ́ɔ̄ɓē mundə̄m̄ dɔ adə̄ m̄-ger̄ alé.

1 SAMUEL 23:16

Ndɔ̄ kə́rēý tə́ anī Jonatan ngōn̄ Saul aw̄ rɔ̄ Dabid tə́ Horsa. Ni-aw̄ ɔr̄ najə̄ seneé kə rī Nə́ɓāá mbūsənneé.

PĀ GƏ̄ 18:2

Kɔ́ɔ̄ɓē, ḭ̄ i tɔ́gə yāḿ, o̰o̰m̄ tɔdɔ̄í ngá̰ý!

PĀ GƏ̄ 31:24

Sḭḭ̄ de gə̄ malang yā Kɔ́ɔ̄ɓē, ī-táriī Kɔ́ɔ̄ɓē. Tɔdɔ̄ Kɔ́ɔ̄ɓē ɔgə̄ kadə̄ yá̰a̰ rāā ngé taā kemən gə̄. Banī əgā ngé kɔjə rɔ̄də́ gə̄ kə̄rā kə́ nja ngáā tə́.

PĀ GƏ̄ 71:4

Nə́ɓā yāḿ, ī-taām̄ jī nge kem ndul tə́, ī-taām̄ jī ngé rāā yá̰a̰ gōtə́ aĺ ngá̰ý gə̄ tə́, jī ngé dɔ́nɔ gə̄ tə́.

PĀ GƏ̄ 71:5

Kɔ́ɔ̄ɓē Nə́ɓā, m-ə̄ndā kemḿ i dɔí ḭ̄ tə́. M-ə́lá gír kənī kemḿ kadī i kə ngōn̄ dūúḿ.

JONAS 2:2

Jonas to kem kānjə̄ tə́ ndɔ̄yń Kɔ́ɔ̄ɓē Nə́ɓā yān.

NGÉ SARYA 20:22

Ngán Israel gə̄ aw̄ nōōn̄ dɔ Kɔ́ɔ̄ɓē tə́ bátə́ loo tíbə dɔdə́ tə́. Aw̄ koō ta Kɔ́ɔ̄ɓēé yā gerə̄ń ké kə n-aw̄ kə n-rɔ̄ɔ̄n̄ ngán Benjamḛ gə̄ ń i ngákó̰ó̰də́ gə̄ ní ɓáý wa. Kɔ́ɔ̄ɓē tél ədadə́ na kə aw̄ kə rɔ̄ɔ̄n̄də́. Loo ń noō tə́ ngán Israel gə̄ tél əhɔn̄ rɔ̄də́ tɔgə ba aw̄ tə́nīn̄ rɔ̄də́ gotədə́ kə́ kété ń ran̄ tū tə́ rɔ̄ɔ̄nəń ní.

1 SAMUEL 28:15

Samuel dəje Saul na: Ī-njə́ɓām̄ i najə̄ rí tə́? Ī-ɓārə́m̄ i tām̄ rí tə́? Anī Saul ədan na: m̄-ndi i kə sōlōó kekəre. Pilistin gə̄ a sāān̄ i rɔ̄ɔ̄m̄ ō Nə́ɓā əya̰m̄ kɔ̄ɔ́ ō daləm̄ najə̄ to̰ aĺ ō. Ɔr̄ najə̄ seḿ kə ngé koō ta gēé aĺ ō kə nīí aĺ ō. Adə̄ m̄-ɓāríī i yā kadə̄ ī-reē ə́dam̄ yá̰á̰ ń sɔɔ̄ kadə̄ m̄-rāā ní.

PĀ GƏ̄ 138:3

Ndɔ̄ ń m̄-ɓāríī á ī-ndigə ní, ḭ̄ ə́la go̰ kemḿ tə́ ō, ādə̄m̄ tɔ́gə ō.