1 SAMUEL 30:23 - Bibəl ta Sar̄

²³ Banī Dabid əda na: Ngákó̰ó̰ḿ gə̄, ī-lōōī rāā yá̰á̰ kə́ tītə̄ ń noō kə yá̰á̰ ń Kɔ́ɔ̄ɓē adə̄jí ní. Ni-ngɔ̄m̄jí ō əla ɓūtə̄ ngé ɓogə gə̄ ń rɔ̄ɔ̄n̄jí ní kem jījí tə́ ō.

Bible sar

²³ Banī Dabid əda na: Ngákó̰ó̰ḿ gə̄, ī-lōōī rāā yá̰á̰ kə́ tītə̄ ń noō kə yá̰á̰ ń Kɔ́ɔ̄ɓē adə̄jí ní. Ni-ngɔ̄m̄jí ō əla ɓūtə̄ ngé ɓogə gə̄ ń rɔ̄ɔ̄n̄jí ní kem jījí tə́ ō.

1 SAMUEL 30:23 Referans Kwoze

NDŪ NAJƏ̄ 8:18

Ādə̄ əga kemsí na i Kɔ́ɔ̄ɓē Nə́ɓā yāsí n i nge kadə̄sí tɔ́gə kadə̄ ə́ngeīneé yá̰a̰ gə̄ ń noō ní. Rāā beé i yā kɔjəń na ɓōólaā gə̄gē ní ni-əhɔ ta madə̄ naā ń ni-əhɔ kə kaasí gēé ní ɓáý.

KƏLA RĀĀ 22:1

Ngákó̰ó̰ḿ gə̄ ō, bɔbə́ḿ gə̄ ō, ōōī yá̰á̰ ń ngɔlaā m-ā m-ə́dásí yā nējəń najə̄ dɔḿ tə́ kɔ̄ɔ́ ní.

KƏLA RĀĀ 7:2

Anī Etiyen əda na: Ngákó̰ó̰ḿ gə̄ ō, bɔbə́ḿ gə̄ ō, ōōī. Dan ń kaají Abəraham i dɔ nang kə́ Mesopotami tə́ ɓáý tá kadə̄ aw̄ ndi Haran ní, Nə́ɓā kə́ to kɔsə gɔn ndɔ̄bən noó ba ədan na:

1 SAMUEL 2:7

I Kɔ́ɔ̄ɓē n i nge rāā kadə̄ deē tél nge rɔ̄ tō ndoō ō, nge kənge yá̰a̰ ō ní. Ni i nge tél kə deé kə̄ nang tə́ ō, nge kɔsən kə̄ dɔɔ́ ō.

NGÉ SARYA 19:23

Kɔ́ɔ̄ kújə́ ní teē ndágá ba ədadə́ na: Madə́ḿ gə̄, m̄-rāāsí ɓɔ́, ī-lōōī rāā yá̰á̰ kə́ majaĺ. Dəngam ń toō əla dɔn gíŕ kújə yāḿ tə́ kɔ̄ɔ́ ɓá ní, ī-lōōī rāā yá̰á̰ kə́ ta rɔ̄sɔl̄ tītə̄ ń noō.

NDŪ NAJƏ̄ 8:10

Ā ə́saī yá̰a̰ tū tə́ kadə̄ ā ī-ndānī ō, ā ə́daī najə̄ kə́ majə dɔ Kɔ́ɔ̄ɓē Nə́ɓā yāsí ń adə̄sí dɔ nang kə́ majə ní tə́ ō.

TA KƏLA 19:7

ba ədadə́ na: Madə́ḿ gə̄, m̄-rāāsí ɓɔ́, ī-lōōī rāā yá̰á̰ kə́ to kum kaȳ aĺ.

HABAKUK 1:16

Nin̄-tunə̄n̄ yá̰a̰ adə̄n̄ réng yādə́ gə̄ ō, róōn̄ ndujə̄ yá̰á̰ kə́ kotə majə rɔȳn̄neédə́ ō. Tām̄ nin̄-əhɔn̄ kānjə̄ ngá̰ý ō, əsan̄ yá̰á̰ kə́ nel̄ tadə́ ō, i kə ta kūl̄də́.

1 SAMUEL 30:8

Dabid dəje Kɔ́ɔ̄ɓē na: Ré m̄-sōn̄g gō ngé ɓogə gə̄ ń noō anī m-ā m-ə́ngédə́ a? Anī Kɔ́ɔ̄ɓē ədan na: Ī-sōn̄g gōdə́ na ā ə́hɔ́də́ ō ā ī-gān̄g dɔ deē yāí gə̄ ō.

1 SAMUEL 30:22

Ba dan de gə̄ ń aw̄n̄ kə Dabidí tə́ ní, ngé kem ndul gə̄ ō ngé rāā hál gə̄ ō ədan̄ na: Nin̄ aw̄n̄ sejí aĺ ní j-a j-adīdə́ yá̰á̰ kógə̄ḿ dan yá̰a̰ gə̄ ń j-əhɔī ta rɔ̄ɔ̄ tə́ ní alé. Ba yá̰a̰ gə̄ ń j-a j-adidə́ ní i nə̄yá̰də́ gə̄ ō ngáńdə́ gə̄ ō ngóy. Ādə̄ ɔyn̄də́ ba aw̄n̄ loo yādə́.

1 SAMUEL 30:24

Yá̰á̰ ń ə́daī noó de kə́ yā ndigə gōsí tə́ gətóo. Tɔdɔ̄ nge kaw̄ ta rɔ̄ɔ̄ tə́ ō nge ndi ta yá̰a̰ mbā tə́ ō ní, yá̰a̰ nə̄ɓō yādə́ a asə i naā: A nəɓōn̄ naā yá̰a̰ dɔ dáńdə́ tə́.

NDŪ NAJƏ̄ 8:17

Ī-lōōī gír̄ kemsí tə́ kəda na ə́ngeī yá̰a̰ gə̄ ń noō na i kə ta kūl̄ tɔ́gə́sí sḭḭ̄ kɔ́ gə̄.