1 SAMUEL 30:16 - Bibəl ta Sar̄

¹⁶ Adə̄ deē ní ɔr no Dabid aw̄ seneé gō Amalek gə̄ tə́. Dan ń əngen̄də́ ní tḭ̄ḭ̄n̄ naā i kə̄ loo gə̄ tə́ n ndi a əsan̄neé yá̰a̰ ō a̰ȳn̄neé yá̰a̰ ō rāānneé rɔ̄nel̄ yá̰a̰ kənge kə́ ngá̰ý ń ɔyn̄ dɔ nang yā Pilistin gə̄ tə́ ō Juda gə̄ tə́ ō ní.

Bible sar

¹⁶ Adə̄ deē ní ɔr no Dabid aw̄ seneé gō Amalek gə̄ tə́. Dan ń əngen̄də́ ní tḭ̄ḭ̄n̄ naā i kə̄ loo gə̄ tə́ n ndi a əsan̄neé yá̰a̰ ō a̰ȳn̄neé yá̰a̰ ō rāānneé rɔ̄nel̄ yá̰a̰ kənge kə́ ngá̰ý ń ɔyn̄ dɔ nang yā Pilistin gə̄ tə́ ō *Juda gə̄ tə́ ō ní.

1 SAMUEL 30:16 Referans Kwoze

1 TESALONIK 5:3

Dan ń de gə̄ a ədan̄ na loo na to lɔm kɔ̄ɔ́ ō, yá̰á̰ kə́ yā rāā yá̰a̰ na gətóo ō anī, yá̰á̰ kə́ nujə sák sák a teē dɔdə́ tə́ gidə kógə̄ḿ, tītə̄ kem kə́ ɔsə kə dəyá̰ beē, adə̄ nin̄ a teēn̄ kum tə́ alé.

IJAI 22:13

Tá loo i rɔ̄nel̄ ō, i yá̰á̰ kə́ to rɔ̄nel̄ gə̄ ō: De gə̄ tɔ̄lə̄n̄ man̄g gə̄ ō, batə̄ gə̄ ō, əsan̄ dā̰ ō, a̰ȳn̄ kasə nduú ō. Sḭḭ̄ ə́daī na: Ādə̄ j-əsaī ō, j-a̰yī ō, tām̄ j-a j-oyiī bírí!

2 SAMUEL 13:28

Absalom əda ngé kəla yān gə̄ na: Ə̄ndāī kumsí gír Amnon tə́ majə. Ré á̰a̰ī kadə̄ kasə rāān adə̄ rɔ̄n nelə̄n ngá̰ý ō, m-ə́dásí na: Ə́ndaī Amnon ō anī, ī-tɔ̄līin̄, ba ī-lōōī ɓōĺ. I mā n m̄-mēr̄sí tɔ̄lən ní aĺ a? I beé ní, ə́hɔī rɔ̄sí tɔgə ba ɔ́jiī kadə̄ sḭḭ̄ i de kə́ dəngam gə̄.

1 SAMUEL 30:14

Kété ní j-aw̄ jə-ɓogə yá̰a̰ gō nang kə́ Negeb yā Kəretə gə̄ tə́ ō yā Juda gə̄ tə́ ō gō nang kə́ Negeb yā Kaleb tə́ ō. J-əla hor dɔ ɓē kə́ Sikəlag tə́ ō.

Teē Ngán Israel gə̄ 32:6

Teē bírí anī ngán Israel gə̄ ḭḭn̄ dɔɔ́ kə gír looí ɓatə, ndējə̄n̄ yá̰a̰ tun̄ gə̄ kə́ yā róō horoó ō, yá̰a̰ tun̄ gə̄ kə́ tām̄ yā kem kógə̄ḿ tə́ ō. Gō tə́ anī tél ndin̄ nang tə́ əsan̄ yá̰a̰ ō, a̰ȳn̄ ō, ḭḭn̄ dɔɔ́ kógə̄n̄ naā ō.

1 SAMUEL 30:15

Dabid dəjen na ké ndigə kɔrən ta róbə yā kaw̄ seneé gō ɓūtə̄ ngé ɓogə gə̄ ní tə́ wa. Anī deē ní tél ədan na: Ré ə̄nī míndí kə rī Nə́ɓāá ādə̄m̄ kadə̄ ā ī-tɔ̄lə̄m̄ aĺ ō ā ī-tél yā kəlam̄ jī kɔ́ɔ̄ḿ tə́ gogə́ to̰ aĺ ō anī, m-ā m-ɔ́riī ta róbə yā kaw̄ seí gōdə́ tə́.

PĀ GƏ̄ 119:162

m̄-rāā rɔ̄nel̄ yá̰a̰ gə̄ ń ɔ́sə kə de gēé ta rāā ní, tītə̄ de kə́ rāā rɔ̄nel̄ yá̰á̰ kə́ əhɔ ngá̰ý ta rɔ̄ɔ̄ tə́ beē.

IJAI 9:3

A̰á̰ā̰, ḭ̄ ɔ̄r̄ gír deē yāí gə̄ kɔ̄ɔ́ tū ko̰o̰ ɓē kə́ ɔȳdə́ tə́. Kāgə̄ ń adə̄ kār̄ bɔ̄gə̄də́ gə̄ do ní, ndéý ń əndanə̄ńdə́ ní, ḭ̄ ī-tétə̄ kɔ̄ɔ́, tītə̄ ń ī-rāań ndɔ̄ ń ī-tetəń Madian gə̄ rɔ̄ɔ̄ tə́ ní.

NGÉ SARYA 8:11

Jedeo̰ un róbə́ ń a ɓārə́n̄ na i róbə yā ngé ndi kem kújə tandā gə̄ tə́ ní. Ré deē ra Noba aláa Yogəboha anī róbə́ ní i kə̄ dām̄ kə́ gír ɓē tə́. Ni-aw̄ ənī ngé rɔ̄ɔ̄ gə̄ ń ɔjən̄ na n-ndin̄ na i loo kə́ yá̰a̰ na a rāādə́ tū tə́ aĺ tə́ ní rɔ̄ɔ̄ ba tetədə́ rɔ̄ɔ̄.

1 YÁ̰A̰ GƏ̄ 4:43

Nin̄ tɔ̄lə̄n̄ Amalek kə́ ngé teē ta yo tə́ gə̄ ń a̰ȳ aw̄ ndin̄ noó ní kɔ̄ɔ́ ba ndin̄ gotədə́ tə́. Ɓōólaā gə̄gē nin̄ ndin̄ noó ɓáý.