1 SAMUEL 30:14 - Bibəl ta Sar̄

¹⁴ Kété ní j-aw̄ jə-ɓogə yá̰a̰ gō nang kə́ Negeb yā Kəretə gə̄ tə́ ō yā Juda gə̄ tə́ ō gō nang kə́ Negeb yā Kaleb tə́ ō. J-əla hor dɔ ɓē kə́ Sikəlag tə́ ō.

Bible sar

¹⁴ Kété ní j-aw̄ jə-ɓogə yá̰a̰ gō nang kə́ Negeb yā Kəretə gə̄ tə́ ō yā *Juda gə̄ tə́ ō gō nang kə́ Negeb yā Kaleb tə́ ō. J-əla hor dɔ ɓē kə́ Sikəlag tə́ ō.

1 SAMUEL 30:14 Referans Kwoze

SOPONI 2:5

I yá̰á̰ kə́ to kum kaȳ aĺ kə́ ba̰ý beē tām̄ yāsí sḭḭ̄ de kə́ Kapətor gə̄ ń ī-ndiī kadə̄ bā bo tə́ ní! Sarya ń Kɔ́ɔ̄ɓē gān̄g dɔsí tə́ ní n toó: Ḭ̄ Kanaan, dɔ nang yā Pilistin gə̄, m-ā m̄-nujiī kɔ̄ɔ́, m-ā m̄-taā deē yāí gə̄ jīí tə́ kɔ̄ɔ́.

EJEKIEL 25:16

Tām̄ najə̄ ń noō tə́ ní, yá̰á̰ mā Kɔ́ɔ̄ɓē Nə́ɓā m-ə́dá ní n toó: M-ā m̄-rāā kadə̄ nin̄ a gerə̄n̄ gō tɔ́gə́ḿ. M-ā m̄-tɔ̄l̄ Pilistin gə̄ ń i de kə́ Kapətor gə̄ kə́ ndin̄ ɓē i kə gō kadə bā boó ní.

1 MBAN̄G GƏ̄ 1:44

Mban̄g mēr̄ Sadok nge tun̄ yá̰a̰ ō, Natan kə́ nge koō ta ō, Benaya kə́ ngōn̄ Yoyada ō, Kereti gə̄ ō, Peleti gə̄ ō, dān̄ Salomo̰. Nin̄ əndānən̄ dɔ kərō rapáy yā mban̄g tə́.

1 MBAN̄G GƏ̄ 1:38

Anī Sadok kə́ nge tun̄ yá̰a̰ ō, Natan kə́ nge koō ta ō, Benaya kə́ ngōn̄ Yoyada ō, naā tə́ kə Kereti gə̄ kə Peleti gə̄ ń i ngé ngɔ̄m̄ dɔ mban̄g gə̄ ní ō, aw̄n̄ rɔ̄ Salomo̰ tə́. Nin̄ əndān̄ Salomo̰ dɔ kərō rapáy yā mban̄g Dabid tə́, ba aw̄n̄ seneé ta kəɓa man̄ kə́ Gihon tə́.

2 SAMUEL 8:18

Ngol ngé ngɔ̄m̄ dɔ ngār gə̄ ń i Kereti gə̄ kə Peleti gə̄ ní i Benaya ngōn̄ Yoyada. Ngán Dabid gə̄ nin̄ i ngé tun̄ yá̰a̰ gə̄ ō.

1 SAMUEL 30:16

Adə̄ deē ní ɔr no Dabid aw̄ seneé gō Amalek gə̄ tə́. Dan ń əngen̄də́ ní tḭ̄ḭ̄n̄ naā i kə̄ loo gə̄ tə́ n ndi a əsan̄neé yá̰a̰ ō a̰ȳn̄neé yá̰a̰ ō rāānneé rɔ̄nel̄ yá̰a̰ kənge kə́ ngá̰ý ń ɔyn̄ dɔ nang yā Pilistin gə̄ tə́ ō Juda gə̄ tə́ ō ní.

1 SAMUEL 30:1

Dabid nin̄ kə deē yān gēé ugə̄n̄ kem ɓē kə́ Sikəlag tə́ i kə ndɔ̄ kə́ nge ko̰ mətá. Ba kété pá tá kadə̄ nin̄ ugə̄n̄ ní, Amalek gə̄ aw̄ ɓogən̄ de gə̄ kə́ dɔ nang kə́ Negeb tə́ ō de gə̄ kə́ kem ɓē kə́ Sikəlag tə́ ō. Nin̄ nujən̄ ɓē sák sák kɔ̄ɔ́ ō əlan̄ hor dɔ tə́ ō.

JOJUE 15:13

Gāngə̄n̄ dɔ nang adə̄n Kaleb ngōn̄ Yepune dan Juda gə̄ tə́, tītə̄ ń Kɔ́ɔ̄ɓē ədań Jojue ní. I ɓē ń rīn na i Kiryat Arba á i ɓē yā Arba ní n adə̄n̄ Kaleb ní. Arba i rī bɔbə̄ Anak.

JOJUE 14:13

Jojue tɔ́r̄ tan dɔ Kaleb ngōn̄ Yepune tə́ ba adə̄n ɓē kə́ Hebron.

1 YÁ̰A̰ GƏ̄ 18:17

Benaya ngōn̄ Yoyada i ngol Kereti gə̄ ō, Peleti gə̄ ō ń nin̄ i ngé ngɔ̄m̄ dɔ mban̄g Dabid gə̄ ní ō, ngán Dabid gə̄ i de kə́ bo kə́ ngɔr ngá̰ý gə̄ kə́ rɔ̄ Dabid tə́ gə̄ ō.

JOJUE 21:12

Ba ndɔr̄ gə̄ kə ngán ɓē gə̄ ń kə gō gidií ní, adə̄n̄ Kaleb kə́ ngōn̄ Yepune.

1 SAMUEL 25:3

Rī deē ní na i Nabal, ba rī nə̄yá̰n na i Abigail. Dəyá̰ ní kumən edə̄ ngá̰ý ō mandə ngá̰ý ō ba dəngam ní tá hálən ngan̄g ngá̰ý ō kemən ndul ngá̰ý ō. Dəngam ní i de kə́ gír yā Kaleb tə́.

1 SAMUEL 30:13

Dabid dəjen najə̄ əda na: Ḭ̄ i deē yā náā? Ḭ́ḭ i rá? Anī deē ní əda na: Mā i de kə́ Ejiptə, ɓəlo yā Amalek kógə̄ḿ. Ba asə ndɔ̄ mətá ɓōólaā n kɔ́ɔ̄ḿ əya̰m̄neé kɔ̄ɔ́ ní, tɔdɔ̄ mo̰y rāām̄.

1 SAMUEL 30:15

Dabid dəjen na ké ndigə kɔrən ta róbə yā kaw̄ seneé gō ɓūtə̄ ngé ɓogə gə̄ ní tə́ wa. Anī deē ní tél ədan na: Ré ə̄nī míndí kə rī Nə́ɓāá ādə̄m̄ kadə̄ ā ī-tɔ̄lə̄m̄ aĺ ō ā ī-tél yā kəlam̄ jī kɔ́ɔ̄ḿ tə́ gogə́ to̰ aĺ ō anī, m-ā m-ɔ́riī ta róbə yā kaw̄ seí gōdə́ tə́.