1 SAMUEL 3:19 - Bibəl ta Sar̄

¹⁹ Samuel tɔgə. Kɔ́ɔ̄ɓē i naā tə́ seneé ō, əya̰ najə̄ yān kógə̄ḿ adə̄ əsō nang tə́ aĺ ō.

Bible sar

¹⁹ Samuel tɔgə. Kɔ́ɔ̄ɓē i naā tə́ seneé ō, əya̰ najə̄ yān kógə̄ḿ adə̄ əsō nang tə́ aĺ ō.

1 SAMUEL 3:19 Referans Kwoze

TA KƏLA 39:2

Kɔ́ɔ̄ɓē i naā tə́ kə Jəjepé adə̄ yá̰a̰ rāān gə̄ i kə́ majə malang. Ni-ndi i kem kújə yā kɔ́ɔ̄n tə́.

1 SAMUEL 9:6

Anī nge kəla ní tél ədan na: Ɓē ń ra kété nojí tə́ noō deē yā Nə́ɓā kógə̄ḿ kə́ rīn ɓār̄ ngá̰ý ndi kemeé noō. Yá̰a̰ malang ń a əda ní i yá̰á̰ kə́ a rāā yá̰á̰ gáŕ. Ní, j-aw̄ rɔ̄n tə́ na majanī a ədají najə̄ kə́ dɔ mbā ń j-a j-aw̄ tə́ toō.

1 MBAN̄G GƏ̄ 8:56

m̄-tɔ̄ȳ Kɔ́ɔ̄ɓē ń adə̄ Israel gə̄ ń i gír deē yān gə̄ ní loo kɔr̄ koō tītə̄ ń ədań kété ní. Kɔ́ɔ̄ɓē əda kété na najə̄ kə́ majə gə̄ malang ń n-əndā ta nge kəla yān Moijə tə́ adə̄ əda ní kə́ kógə̄ḿ kə́ əsō kɔ̄ɔ́ na gətóo.

Najə̄ kə́ Majə yā Jeju ń Luk ndang ní 2:52

Kum Jeju edə̄ kə̄ kété kété ō, ni-tɔgə kə̄ dɔɔ́ dɔɔ́ ō, nel̄ de gə̄ gə̄gē Nə́ɓā gə̄gē ngá̰ý ō.

2 TIMOTE 4:22

Ādə̄ Kɔ́ɔ̄ɓē i naā tə́ kə ndílí. Ādə̄ Nə́ɓā rāā kem majə sesí.

1 SAMUEL 2:21

Kɔ́ɔ̄ɓē dḭḭ̄ Ana adə̄ ojə ngáń kə́ dəngam gə̄ mətá ō, kə́ dəyá̰ gə̄ jōó ō ɓáý to̰. Ba Samuel ń ni i ngōn̄ ní tɔgə kə̄ ta kum Kɔ́ɔ̄ɓē tə́.

2 KORḚNTƏ 13:11

Kə́ tām̄ yā gotə yá̰á̰ kə́ rang gə̄ tə́ ɓáa, ngákó̰ó̰ḿ gə̄, ī-ndiī kə rɔ̄nelēé ō, ī-rāāī tá kadə̄ ī-téliī de gə̄ kə́ majə ɔtə̄n̄ kə taá gə̄ ō, ə́laī go̰ kem naā tə́ ō, ādī míndə́sí asə naā ō, ī-ndiī lɔm kə naá ō. Loo ń noō tə́ Nə́ɓā kə́ nge tár ō, kə́ nge rāā kadə̄ lɔm to ō, a ndi sesí.

Najə̄ kə́ Majə yā Jeju ń Luk ndang ní 2:40

Jeju tɔgə ō, ngan̄g ō, kumən edə̄ ngá̰ý ō, Nə́ɓā rāā kem majə seneé ō.

Najə̄ kə́ Majə yā Jeju ń Luk ndang ní 1:80

Ngōn̄ ní tɔgə kum kə̄ kété kété ō, ngan̄g ō. Ni a ndi i loo gə̄ kə́ de gə̄ gətóon̄ tū tə́ tə́, bátə́ ndɔ̄ ń ni-rāań adə̄ ngán Israel gə̄ ger̄nən̄ tə́ ní.

IJAI 43:2

Dan ń ā ī-teē man̄ kə́ ɗúú ngá̰ý anī, mā i naā tə́ seí. Dan ń ā ī-teē bā gə̄ anī, man̄ a əhɔī alé. Dan ń ā ī-njə̄rā kum hor tə́ anī, hor a o̰o̰ī alé, ta ndo̰ hor gə̄ a ɔdən̄ rɔ̄í alé.

1 SAMUEL 18:14

Yá̰a̰ malang ń teē kə de gēé yā kaw̄ rāā ní rāān̄ majə ō, Kɔ́ɔ̄ɓē i naā tə́ seneé ō.

MATIYE 1:23

Á̰a̰ī, ngōmandə a ndān̄ ngōn̄, ba a ojə ngōn̄ kə́ dəngam, a əndān̄ rīn na i Emanuel. Kum Emanuel na i Nə́ɓā i sejí.

IJAI 44:26

Banī najə̄ kɔr̄ ngé kəla yāḿ gə̄ ní, m̄-rāā adə̄ reē udə gírí ō, najə̄ ń ngé kaw̄ kəla yāḿ gə̄ ədan̄ kété ní, m̄-rāā adə̄ ojə yá̰á̰ kə́ majə ō. m̄-ɔ̄r̄ najə̄ kə́ dɔ Jerusalem tə́ m-ə́da na: De gə̄ a télən̄ yā ndi kemeé gogə́ ɓáý, ndogə̄ mbal̄ yān gə̄ ń nujən̄neé kɔ̄ɔ́ ní, a télən̄ yā kun dɔɔ́ gogə́. M-ɔ̄r̄ najə̄ kə́ dɔ ɓē gə̄ yā Juda tə́ m-ə́da na: A télən̄ yā rāā ɓē ní gogə́.

TA KƏLA 21:22

Dan ń noō tə́ ní, Abimelek nin̄ kə Pikol ngol áskar yān gə̄ reēn̄ rɔ̄ Abəraham tə́, ədanən̄ na: Nə́ɓā i seí dɔ yá̰a̰ malang ń ī-rāā tə́ ní.

Najə̄ kə́ Majə yā Jeju ń Luk ndang ní 1:28

De kə́ dɔ rā̰ tə́ ní udə kújú gō ngōmandə ní tə́ ba rāān lápə́ya ədan na: Ī-rāā rɔ̄nel̄, ḭ̄ ń Nə́ɓā rāā kem majə seí ní, Kɔ́ɔ̄ɓē i naā tə́ seí.

NGÉ SARYA 13:24

Nə̄yá̰ Manoa ojə ngōn̄ kə́ dəngam ba ənda rīn na i Samso̰. Ngōn̄ ní tɔgə ō, Kɔ́ɔ̄ɓē rāā majə seneé ō.

TA KƏLA 28:15

Mā i naā tə́ seí. Loo malang ń ā āw̄ tū tə́ ní m-ā m̄-ngɔ̄mī ō, m-ā m̄-tél yā reē seí dɔ nang ń toō tə́ ō. M-ā m-ə́ya̰ī kɔ̄ɔ́ alé. M-ā m̄-rāā yá̰a̰ malang ń m-ə́daī ní.

1 SAMUEL 12:2

Adə̄ ngɔlaā ní i ni n a ɔr nosí tā. Tɔdɔ̄ mā m̄-tɔgə ɓə́ga kɔ̄ɔ́ ō, dɔḿ ndaa ō. Ba ngánə́ḿ gə̄ i dɔ dáńsí tə́. I mā n m-ɔ́r nosí kə balsááḿ bátə́ ɓōólaā ní.

1 SAMUEL 16:18

Anī nge kəla kógə̄ḿ əda na: J-ədaī kə̄ laā aĺ ní m̄-ger̄ deē kógə̄ḿ noō, deē ní i ngōn̄ Jese kə́ Betlehem. Ni i gōsə̄ kə́ ugə kənde majə ngá̰ý. I de kə́ nge wur kil ō, go̰ rɔ̄ɔ̄ ō. Najə̄ kɔrə̄n to ngáā ō, i de kə́ majə deē ō, Kɔ́ɔ̄ɓē i naā tə́ seneé ō.

TA KƏLA 39:3

Kɔ́ɔ̄n ger̄ kadə̄ Kɔ́ɔ̄ɓē i naā tə́ seneé. Ni a̰a̰ kadə̄ yá̰a̰ malang ń Jəjep rāā ní, Kɔ́ɔ̄ɓē rāā adə̄ majə.

NDŪ NAJƏ̄ 18:22

Ré yá̰á̰ ń nge koō ta əda kə rī Kɔ́ɔ̄ɓēé ní rāā yá̰a̰ aĺ anī, najə̄ ní i Kɔ́ɔ̄ɓē n əda ní alé. I kɔjə rɔ̄ n rāā nge koō ta á ədań najə̄ ní ba ī-lōō ɓōlə́n.

JOJUE 21:45

Najə̄ kə́ majə gə̄ malang ń Kɔ́ɔ̄ɓē əda ngán Israel gə̄ ní kógə̄ḿ ké to karī gətóo, rāān̄ yá̰a̰ malang.

1 SAMUEL 2:26

Ba Samuel ń ni i ngōn̄ ní na̰y kə̄ loo tɔgə tə́ ō, kə̄ loo majə tə́ ō, kum kə kété kété, ta kum Kɔ́ɔ̄ɓē tə́ ō, ta kum de gə̄ tə́ ō.

1 SAMUEL 10:7

Ré yá̰a̰ gə̄ ń noō rāān̄ yá̰a̰ malang anī, yá̰á̰ ń kadə̄ ī-rāā ní ī-rāā tɔdɔ̄ Nə́ɓā i naā tə́ seí.

1 SAMUEL 18:5

Loo malang ń Saul əla Dabid tū tə́ ní, kəla kə́ tū tə́ njə̄rā majə. Saul əndān dɔ ngé rɔ̄ɔ̄ gə̄ tə́. Nel̄ de gə̄ malang seneé ō, nel̄ ngé kəla gə̄ yā Saul seneé ō.

1 SAMUEL 18:12

Loo ń noō tə́ Saul ɓōĺ Dabid, tām̄ ni ger̄ kadə̄ Kɔ́ɔ̄ɓē i naā tə́ seneé ba əya̰n ni kɔ̄ɔ́.

2 MBAN̄G 10:10

I beé ní, ī-gerī kadə̄ najə̄ malang ń Kɔ́ɔ̄ɓē əda dɔ de kə́ gír kojə yā Akab tə́ gə̄ ní, kógə̄ḿ kə́ reē udə gírí aĺ ní gətóo! Kɔ́ɔ̄ɓē rāā yá̰a̰ malang ń əndā ta nge kəla yān Eli tə́ adə̄ əda ní.

2 MBAN̄G 15:12

Yá̰á̰ ń noō rāā adə̄ najə̄ ń Kɔ́ɔ̄ɓē əda Yehu kété ní reē udə gírí rɔ̄kum. Nī-ədan na ngōnən ō, ngōn̄ kaan ō, kaa gugūn ō, kaa dɔgən ō, na a ndin̄ dɔ kōr̄ kāgə̄ mban̄g kə́ Israel tə́.

2 MBAN̄G 22:16

M-ā m̄-reē kə yá̰á̰ kə́ to kum kaȳ aĺ dɔ ɓē kə́ Jerusalem tə́ ō, dɔ de kə́ kemeé gə̄ tə́ ō, tītə̄ ń ndangən̄neé kem makətūbə̄ ń mban̄g kə́ Juda tə́dá tə́ ní.

IJAI 55:11

To i tītə̄ ń noō tām̄ yā najə̄ kə́ teē taḿ tə́ ō, ni-tél reē gogə́ rɔ̄ḿ tə́ kanjə̄ rāā kadə̄ yá̰á̰ kógə̄ḿ to alé. Yá̰á̰ ń mā m̄-ndigə ní, ni-rāā adə̄ udə gírí, kəla ń m-ə̄ndā dɔn tə́ ní, ni-rāā tɔ̄l̄ ta.