1 SAMUEL 3:17 - Bibəl ta Sar̄

¹⁷ Anī Eli dəjen najə̄ əda na: Ədaī na i rí? Ɓɔ́, najə̄ ń ədaī ní ī-lōō mundə̄m̄. Ré ī-mundə̄m̄ najə̄ kógə̄ḿ kə́ dan najə̄ gə̄ ń ɔr̄ seí tə́ ní anī, ādə̄ Nə́ɓā rāāī yá̰á̰ kə́ tōr̄ ń toō ō, nge kə́ tōr̄ ń toō ō.

Bible sar

¹⁷ Anī Eli dəjen najə̄ əda na: Ədaī na i rí? Ɓɔ́, najə̄ ń ədaī ní ī-lōō mundə̄m̄. Ré ī-mundə̄m̄ najə̄ kógə̄ḿ kə́ dan najə̄ gə̄ ń ɔr̄ seí tə́ ní anī, ādə̄ Nə́ɓā rāāī yá̰á̰ kə́ tōr̄ ń toō ō, nge kə́ tōr̄ ń toō ō.

1 SAMUEL 3:17 Referans Kwoze

2 SAMUEL 3:35

Gō tə́ anī reē mērə̄n̄ Dabid kəsa yá̰á̰ pá tá kadə̄ mbang udə ɓáý, banī ni-ənī míndən əda na: Ré m-ə́sá mápa aláa yá̰á̰ kə́rēý kə́ rang kété no mbang kudə tə́ anī, ādə̄ Kɔ́ɔ̄ɓē rāām̄ yá̰á̰ kə́ tōr̄ ń toō ō, tél rāām̄ nge ń toō ō, tām̄ majaĺ yāḿ tə́!

RUTƏ 1:17

Loo ń ā óy tū tə́ ní m-ā m-óy tū tə́ ō, a dubə̄mə̄n̄ i loo ní tə́ ō. Ré i yo tá a kēgə̄jí naā tə́ seí, ba ré i yá̰á̰ kə́ rang anī ādə̄ Kɔ́ɔ̄ɓē rāām̄ yá̰á̰ kə́ tōr̄ ń toō ō, rāām̄ adə̄ tɔȳ dɔ ō!

MATIYE 26:63

Banī Jeju ndi kə tan kə́ mbóó. Anī ngol ngé tun̄ yá̰a̰ gə̄ ədan na: m̄-dəjeī kə rī Nə́ɓā kə́ ndi kə kumneé, ré i ḭ̄ n i Kərist, adə̄ ḭ̄ i Ngōn̄ Nə́ɓā, anī ə́dájí.

MISE 2:7

Ndɔ̄lə́n̄ kojə yā Jakob a? Kɔ́ɔ̄ɓē i de kə́ nge tə́gā tan alé a? Jī bēl̄ loo rāā yá̰a̰ yān i tītə̄ ń noō a? Mā m-ɔ̄r̄ najə̄ i yā kadə̄ rāā majə kə de kə́ súmūú gēé.

DANIEL 4:19

kɔ́ɔ̄ ɓē gə̄, kāgə̄ ní i ḭ̄! Tɔdɔ̄ ī-tél de kə́ bo ō tɔ́gí to ō, ī-tɔgə bátə́ ɔ́də no rā̰ ō, ó̰o̰ ɓē bátə́ ta ngóy dɔ nang tə́ ō.

PĀ GƏ̄ 141:5

Ādə̄ de kə́ súmūú əndam̄ ō, kɔ̄l̄ seḿ ō, najə̄ yā kem majə yāí tə́! Ādə̄ yibə̄ kə́ kotə majə yā ngé kem ndul gə̄ ɔdə dɔḿ alé, ba ādə̄ m̄-ndɔ̄ȳ ngá̰ý m̄-dumə̄ń ta yá̰a̰ gə̄ ń ngé kem ndul gə̄ a rāān̄ ní.

1 MBAN̄G GƏ̄ 22:16

Anī mban̄g tél əda Mise na: I nja kóndóńg n kə m̄-rā seí kadə̄ ə̄nī míndí ādə̄m̄ kadə̄ i najə̄ kə́ rɔ̄kum kə́ kə rī Kɔ́ɔ̄ɓēé ngóy n kə ə́dam̄ ní?

2 SAMUEL 19:13

Nin̄ na i kojə yān gə̄, ba ké i ba̰ý á nin̄ i de kə́ gō gogə́ gə̄ loo tél reē kə mbangāá gogə́ ɓēé tə́ wa.

1 SAMUEL 20:13

ādə̄ Kɔ́ɔ̄ɓē rāām̄ yá̰á̰ kə́ tōr̄ ba tél rāām̄ ɓáý to̰. Ba ré bɔbə́ḿ gír̄ rāāī yá̰á̰ kə́ to kum kaȳ aĺ anī m-ā m̄-tāāī kadə̄ āw̄ kɔ̄ɔ́ kanjə̄ sōl̄ yá̰á̰ kógə̄ḿ. Ba ādə̄ Kɔ́ɔ̄ɓē i naā tə́ seí tītə̄ ń ni i naā tə́ kə bɔbə́ḿ kété ní.

1 SAMUEL 3:16

Banī Eli ɓārə́n na: Ngōnə̄ḿ Samuel. Anī Samuel ndigən na: Mā n toó.

1 SAMUEL 25:22

Beé ɓáa de gə̄ malang kə́ ta kújə yā Nabal tə́ ní, ká ré i dəngam kógə̄ḿ n m-ə́ya̰n adə̄ loo tīī dɔn tə́ gə̄gē anī ādə̄ Nə́ɓā rāām̄ yá̰á̰ kə́ tōr̄ ba tél rāām̄ ɓáý to̰.

JEREMI 38:14

Mban̄g Sedekias əla gō Jeremi nge koō ta tə́ kadə̄ aw̄n̄ seneé rɔ̄n tə́ ta róbə́ kújə́ kə́ nge ko̰ mətá yā Kɔ́ɔ̄ɓē tə́. Mban̄g əda Jeremi na: M-ā m̄-dəjeī najə̄ kógə̄ḿ, ba ī-mundə̄m̄ yá̰a̰ alé.

JEREMI 42:4

Anī Jeremi nge koō ta ədadə́ na: Majə, m-ā m̄-ɔ̄r̄ najə̄ kə Kɔ́ɔ̄ɓē Nə́ɓā yāsí tītə̄ ń ī-dəjemīnneé ní ō, m-ā m-ə́dásí najə̄ malang ń Kɔ́ɔ̄ɓē a tél yā kədasí ní ō, kanjə̄ ngɔ̄m̄ kumən kógə̄ḿ tām̄ yāḿ tə́.

TƏ́DA 23:17

Balam tél aw̄ anī ənge Balak ra i kə njan kə́ dɔɔ́ kadə dā̰ yān gə̄ ń a róō horoó tə́ ní ō, de kə́ bo gə̄ kə́ Moab ran̄ seneé ō. Balak dəjen najə̄ əda na: Kɔ́ɔ̄ɓē əda na i rí?

1 SAMUEL 14:44

Saul əda na: Ādə̄ Nə́ɓā rāā yá̰á̰ kə́ tōr̄ ń toō ba tél rāā ɓáý to̰. A̰á̰ā̰ Jonatan ā óy.

2 SAMUEL 3:9

Yá̰á̰ ń Kɔ́ɔ̄ɓē túbə ənīń ndūn yā rāā tām̄ yā Dabid tə́ ní, ré m̄-rāā m-ādə̄n aĺ anī, ādə̄ Kɔ́ɔ̄ɓē rāām̄ yá̰á̰ kə́ tōr̄ ń toō ō, tél rāām̄ ngé kə́ tōr̄ ń toō ō.

2 SAMUEL 14:18

Mban̄g tél əda dəyá̰ ní na: M-ā m̄-dəjeī najə̄ kógə̄ḿ laā, ba ī-lōō mundə̄m̄ yá̰á̰ kə́rēý. Anī dəyá̰ ní əda mban̄g na kə əda najə̄ ní.

2 MBAN̄G 6:31

Mban̄g əda na: Ré m-ə́ya̰ dɔm dɔ Elije ngōn̄ Sapat adə̄ ndi ta míndən tə́ ɓōólaā anī, ādə̄ Nə́ɓā rāām̄ yá̰á̰ kə́ tōr̄ ń toō ō, nge kə́ tōr̄ ń toō ɓáý to̰ ō.