1 SAMUEL 3:13 - Bibəl ta Sar̄

¹³ Ngɔlaā ní m̄-tāān adə̄ āw̄ ə́dan na m-ā m̄-gān̄g sarya kə́ ngándáńg dɔ de kə́ ta kújə yān tə́ gə̄ tə́, tām̄ yá̰á̰ kə́ majaĺ ń ni-rāā tə́ ní. Yá̰á̰ kə́ majaĺ ní i ngánən gə̄ ń a̰a̰mə̄n̄ adə̄ mā i yá̰a̰ aĺ ta kumdə́ tə́ ō, ni ger̄ ō, ba əya̰də́ dɔ háĺdə́ tə́ ní.

Bible sar

¹³ Ngɔlaā ní m̄-tāān adə̄ āw̄ ə́dan na m-ā m̄-gān̄g sarya kə́ ngándáńg dɔ de kə́ ta kújə yān tə́ gə̄ tə́, tām̄ yá̰á̰ kə́ majaĺ ń ni-rāā tə́ ní. Yá̰á̰ kə́ majaĺ ní i ngánən gə̄ ń a̰a̰mə̄n̄ adə̄ mā i yá̰a̰ aĺ ta kumdə́ tə́ ō, ni ger̄ ō, ba əya̰də́ dɔ háĺdə́ tə́ ní.

1 SAMUEL 3:13 Referans Kwoze

MATIYE 10:37

Deē ń tár bɔbə̄n aláa kó̰o̰n tɔȳm̄ ní, kɔ́ɔ̄ asə tél deē yāḿ alé. Deē ń tár ngōnən kə́ dəngam aláa kə́ dəyá̰ tɔȳm̄ ní, kɔ́ɔ̄ asə tél deē yāḿ alé.

Gōsə̄ najə̄ gə̄ 19:18

Ɔ̄jə̄ ngōnīí kə ndéyé tām̄ ə̄ndā kemií dɔn tə́ ɓáý, ba ī-lōō kəndan kə wōngōó kadə̄ oy.

1 SAMUEL 2:12

Ngán Eli gə̄ i ngé tun̄ yá̰á̰ kə́ háĺdə́ nujə kɔ̄ɔ́ gə̄. Nin̄ gerə̄n̄ Kɔ́ɔ̄ɓē alé.

1 SAMUEL 2:17

Majaĺ yā balsáa gə̄ ní i kə́ bo ngá̰ý ta kum Kɔ́ɔ̄ɓē tə́, tɔdɔ̄ nin̄ rāān̄ yá̰á̰ kə́ tun̄ yā Kɔ́ɔ̄ɓē i yá̰á̰ kə́ karī tə́.

EJEKIEL 18:30

I tām̄ najə̄ ń noō tə́ n mā Kɔ́ɔ̄ɓē Nə́ɓā m-ə́dásí sḭḭ̄ Israel gə̄ najə̄ ń toō ní: M-ā m̄-rāā sarya sesí kógə̄ḿ kógə̄ḿ i kə gō háĺsí. I beé ní, ī-tūrī háĺsí, ī-tūrī gidəsí kɔ̄ɔ́ ta yá̰a̰ rāāsí kə́ gōtə́ aĺ gə̄ tə́. I tītə̄ ń noō n ā ə̄sōīiń kum majaĺ tə́ to̰ aĺ ní.

EJEKIEL 7:3

Ngɔlaā ní gír yāsí gān̄g kɔ̄ɔ́. M-ā m̄-bə̄gā wōn̄g yāḿ dɔsí tə́ sɔɔ̄ń háĺsí ō, yá̰a̰ rāāsí kə́ majaĺ ngá̰ý gə̄ ní, m-ā m̄-rāāsí kadə̄n ā ə̄gāī kə̄rān ō.

1 MBAN̄G GƏ̄ 1:6

Nəkɔ́ ń kó̰o̰n ojən jóo noó bɔbə̄n gákə̄n aĺ ɓáý. Kadə̄ ədan na ī-rāā yá̰a̰ beé i tām̄ rí tə́ wa ní gətóo. Tá ni balsáá ngá̰ý ō, ojən̄ Absalom pá tá kó̰o̰n ojən ɓáý ō.

Gōsə̄ najə̄ gə̄ 29:15

Ndéy ō, ndán̄g loo ō, rāān̄ deē adə̄ ngáā, ba ngōn̄ kə́ balsáá kə́ kəya̰n halang tə́ i nge kəla rɔ̄sɔl̄ dɔ kó̰o̰n tə́.

1 JA̰A̰ 3:20

Tɔdɔ̄ ré kemjí əhɔjí kə najá anī, Nə́ɓā i kə bo tɔȳ kemjí ō, ni-ger̄ yá̰a̰ malang ō.

KOHELET 7:22

Tɔdɔ̄ īkɔ́ ī-ger̄ kadə̄ ī-ha madí gə̄ nja i ngá̰ý ō.

2 YÁ̰A̰ GƏ̄ 20:12

Kɔ́ɔ̄ɓē Nə́ɓā yājí, ā ī-gān̄g sarya dɔdə́ tə́ aĺ a? Jə-tūr̄ kumjí kə̄ rɔ̄í tə́ ba jə-rāāī ɓɔ́ tām̄ tɔ́gə́jí gətóo no kósə de kə́ ngá̰ý gə̄ ń a reēn̄ kə̄ rɔ̄jí tə́ toō ō, jə-ger̄ yá̰á̰ kə́ yā rāā aĺ ō.

1 MBAN̄G GƏ̄ 2:44

Gō tə́ anī mban̄g əda Simei na: Yá̰á̰ kə́ majaĺ gə̄ malang ń ī-rāā kə bɔbə́ḿ Dabid ní īkɔ́ ī-ger̄ majə. Kɔ́ɔ̄ɓē a rāā kadə̄ kem ndul yāí tél əsō dɔí īkɔ́ tə́,

NDŪ NAJƏ̄ 17:12

Deē ń i nge kɔjə rɔ̄n adə̄ a rāā yá̰a̰ i kə dɔneé kanjə̄ koō yā nge tun̄ yá̰á̰ ń ra loo ní tə́ á a rāā kəla yā Kɔ́ɔ̄ɓē Nə́ɓā yāí ní ō, kanjə̄ koō yā nge gān̄g sarya ō ní, a tɔ̄l̄nən̄ kɔ̄ɔ́. I beé n ā ɔ̄rəń yá̰á̰ kə́ majaĺ kɔ̄ɔ́ dan ngán Israel gə̄ tə́ ní.

NDŪ NAJƏ̄ 21:18

Ré deē kógə̄ḿ aw̄ kə ngōn̄ kə́ dəngam kə́ dɔn oō loo aĺ ō, kə́ dum̄ naā ō, oō ta bɔbə̄n aĺ ō, kó̰o̰n aĺ ō, adə̄ ká bɔbə̄n nin̄ kə kó̰o̰neé əndanən̄ i mbée gə̄gē a oō tadə́ aĺ ō anī,