1 SAMUEL 3:11 - Bibəl ta Sar̄

¹¹ Kɔ́ɔ̄ɓē əda Samuel na: M-ā m̄-rāā yá̰á̰ kógə̄ḿ dan Israel gə̄ tə́ kə́ kadə̄ náā nəkɔ́ ń a oō anī ndílən a a̰ȳ.

Bible sar

¹¹ Kɔ́ɔ̄ɓē əda Samuel na: M-ā m̄-rāā yá̰á̰ kógə̄ḿ dan *Israel gə̄ tə́ kə́ kadə̄ náā nəkɔ́ ń a oō anī ndílən a a̰ȳ.

1 SAMUEL 3:11 Referans Kwoze

HABAKUK 1:5

Kɔ́ɔ̄ɓē əda na: Yá̰á̰ ń a rāā yá̰a̰ dan nápar de gə̄ tə́ ní, ə̄ndāī ma̰ȳ á̰a̰ī majə, ba ādī ɔr kumsí ō, ādī yáāsí ngá̰ý ō! A̰á̰ā̰, yá̰á̰ kógə̄ḿ kə́ to jákə́ ngá̰ý a rāā yá̰a̰ dan ń ī-ndiīń kə kumsí ní. Ré deē ənīsí i gotə anī, ā ī-taāī kem alé!

KƏLA RĀĀ 13:41

Sḭḭ̄ ngé kídə̄ loo gə̄, á̰a̰ī ō, ādī ɔr kumsí ō, ba ī-gətóoī kɔ̄ɔ́! Tɔdɔ̄ m-ā m̄-rāā yá̰á̰ kógə̄ḿ dan ń sḭḭ̄ ā ī-ndiīneé kə kumsí ɓáý ní tə́, tām̄ ré deē ənīsí i gotə anī ā ī-taāī kem alé.

JEREMI 19:3

Ā ə́da na: Mban̄g kə́ Juda tə́ gə̄ ō, sḭḭ̄ de gə̄ ń ī-ndiī Jerusalem tə́ ní ō, ōōī najə̄ yā Kɔ́ɔ̄ɓē. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: M-ā m̄-rāā kadə̄ yá̰á̰ kə́ to kum kaȳ aĺ əsō dɔ loo ń toō tə́. Adə̄ deē nəkɔ́ ń oō najə̄n anī a jənga.

2 MBAN̄G 21:12

Tām̄ najə̄ ń noō tə́ ní, yá̰á̰ ń Kɔ́ɔ̄ɓē Nə́ɓā yā Israel əda ní n toó: M-ā m̄-reē kə yá̰á̰ kə́ to kum kaȳ aĺ kógə̄ḿ kə́ kadə̄ deē oō anī, ɓār̄ mbīn tə́ majə alé dɔ ɓē kə́ Jerusalem tə́ ō, dɔ de kə́ Juda gə̄ tə́ malang ō.

Najə̄ kə́ Majə yā Jeju ń Luk ndang ní 21:26

Ɓōĺ rāā de gə̄ ngá̰ý loo ngóō yá̰a̰ gə̄ ń a teēn̄ yā tə́sō dɔ loo kə́ dɔ nang tə́ ní, tɔdɔ̄ ngé tɔ́gə́ kə́ dɔ rā̰ tə́ gə̄ a ndewn̄ ō.

IJAI 29:14

I tām̄ ń najə̄ ń toō tə́ n m-ā m̄-na̰y kə̄ loo rāā yá̰a̰ gə̄ kə́ kadə̄ ɔr kum gír de gə̄ ń toō tə́ ní. Kumdə́ edə̄ ɓá tā, banī ngé kum kedə̄ gə̄ a gerə̄n̄ yá̰á̰ kógə̄ḿ tū tə́ alé. Kur̄ dɔdə́ i nuú ɓá tā, banī ngé ger̄ yá̰á̰ ngá̰ý yādə́ gə̄ a asən̄ kɔjə kum yá̰á̰ kógə̄ḿ alé.

IJAI 28:19

Ni a mān̄ dəloí kə ndɔ̄ gə̄ malang, a mān̄ kadaá ō ndɔ̄ɔ́ ō. Kə dɔ mānən gə̄ malang ń noō ní, ni a ɔysí yā kaw̄ sesí. Dan ń de gə̄ a gerə̄n̄ kum najə̄ yān anī, ɓōĺ a tɔ̄l̄də́ kɔ̄ɔ́.

1 SAMUEL 3:10

Kɔ́ɔ̄ɓē reē ra ba ɓārə́n tītə̄ kə́ kété gə̄ na: Samuel, Samuel. Anī Samuel tél ədan na: Ɔ̄r̄ najə̄ na nge kəla yāí nēl̄ mbīn yā koōń.

1 SAMUEL 4:10

Pilistin gə̄ əlan̄ gír rɔ̄ɔ̄ ngán Israel gə̄. Nin̄ tetən̄də́ rɔ̄ɔ̄, adə̄ ngán Israel gə̄ a̰ȳn̄ naā kógə̄ḿ kógə̄ḿ kə̄ ɓē yādə́ gə̄ tə́. Rɔ̄ɔ̄ ní rāādə́ ngá̰ý. Dan deē yādə́ gə̄ tə́ ní, ngé kə́ kə njadə́ gə̄ ń tɔ̄lə̄n̄də́ ní asən̄ dūbú kutə mətá.

Makətūbə̄ yā Job 41:9

Mambā gidən gə̄ ní tə́ya̰n̄ naā kógə̄ḿ kógə̄ḿ ō, yá̰a̰ gə̄ kə́ kɔsə̄də́ ta naā tə́ beē ní yá̰á̰ kə́ asə kɔr̄də́ ta naā tə́ gətóo ō.