1 SAMUEL 29:6 - Bibəl ta Sar̄

⁶ Akis ɓāŕ Dabid ba ədan na: Tītə̄ ń Kɔ́ɔ̄ɓē ndiń kə kumneé noō, ḭ̄ i de kə́ sew, adə̄ nelə̄m̄ kadə̄ āw̄ seḿ rɔ̄ɔ̄ ń toō tə́. Tɔdɔ̄ əla gír ndɔ̄ ń ī-reēń rɔ̄ḿ tə́ bátə́ ɓōólaā ní, m-ōō najə̄ kógə̄ḿ kə́ majaĺ dɔí tə́ alé. Ba dan ń nel̄ ngār kə́ bo gə̄ seí aĺ ní,

Bible sar

⁶ Akis ɓāŕ Dabid ba ədan na: Tītə̄ ń Kɔ́ɔ̄ɓē ndiń kə kumneé noō, ḭ̄ i de kə́ sew, adə̄ nelə̄m̄ kadə̄ āw̄ seḿ rɔ̄ɔ̄ ń toō tə́. Tɔdɔ̄ əla gír ndɔ̄ ń ī-reēń rɔ̄ḿ tə́ bátə́ ɓōólaā ní, m-ōō najə̄ kógə̄ḿ kə́ majaĺ dɔí tə́ alé. Ba dan ń nel̄ ngār kə́ bo gə̄ seí aĺ ní,

1 SAMUEL 29:6 Referans Kwoze

2 MBAN̄G 19:27

Tá m̄-ger̄ yá̰a̰ rāāí gə̄ malang. Ré ā ī-ndi i kə̄ nang tə́ a m̄-ger̄ ō, ā ī-teē i kə̄ ndágá a m̄-ger̄ ō, ā údə i kə̄ kújú a m̄-ger̄ ō, Ā ī-rāā i wōn̄g seḿ a m̄-ger̄ ō.

2 SAMUEL 3:25

Īkɔ́ ī-ger̄ Abner kə́ ngōn̄ Ner majə. Ni-reē i gólī tə́ yā gerə̄ń loo kawí ō, loo télí ō, yā gerə̄ń yá̰a̰ malang ń ā ī-rāā ní ō.

PĀ GƏ̄ 121:8

Kɔ́ɔ̄ɓē a ngɔ̄mī ta kawīí ō, ta télí ō, a əla gír i ngɔr ń toō tə́ njɔ́ḿ kə̄ no tə́!

1 SAMUEL 20:3

Dabid túbə ba əda ɓáý to̰ na: Bɔbí ger̄ majə ngá̰ý kadə̄ ndílí aw̄ dɔ yāḿ tə́ adə̄ ni-əda kə̄ kemən tə́ na: Ādə̄ Jonatan ger̄ alé na wurən a ɔlən ngá̰ý. Ba tītə̄ ń Kɔ́ɔ̄ɓē ndiń kə kumneé noō ō, ḭ̄ ī-ndiń kə kumií toō ō ní, mā i de kə gír yāḿ gān̄g kɔ̄ɔ́.

1 PIYER 3:16

Banī ə̄nīī rɔ̄sí lɔm ɔ́jiīneédə́ gír ō, ī-ɓōlíī ndíĺdə́ ō. Ādī najə̄ gətóo dɔsí tə́, yā kadə̄ ré tetən̄ najə̄ dɔsí tə́ anī, ngé tə́da najə̄ kə́ majaĺ dɔ háĺ kə́ majə ń sḭḭ̄ ə́ngeī kə ta kūl̄ ɓoo naā yāsí kə Kərist ní, rɔ̄də́ sɔl̄də́ tām̄ najə̄ kɔr̄də́ tə́.

1 PIYER 2:12

Ādī háĺsí majə dɔ dán de kə́ ndágá gə̄ tə́. I beé tá, ká ré nin̄-tetən̄ najə̄ dɔsí tə́ na sḭḭ̄ na i ngé rāā yá̰a̰ majaĺ gə̄ gə̄gē anī, a a̰a̰n̄ yá̰á̰ kə́ majə gə̄ ń sḭḭ̄ ī-rāāī ní ō, a tɔ̄ȳn̄ Nə́ɓā ndɔ̄ ń ni-reē go̰ō̰ńdə́ tə́ ní ō.

MATIYE 5:16

Ādī loo kə́ unjə̄ kow yāsí unjə̄ ta kum de gə̄ tə́ tītə̄ ń toō ō, kadə̄ ré nin̄-a̰a̰n̄ kəla rāāsí kə́ majə gə̄ anī, ɔsən̄ gɔn Bɔbə̄sí ń ndi dɔ rā̰ tə́ ní.

JEREMI 12:16

Ba ré nin̄ ndóōn̄ kun háĺ kə́ majə tītə̄ yā gír deē yāḿ gə̄ ō, ré túbə̄n̄ kə rīḿ ədan̄ na: Tītə̄ ń Kɔ́ɔ̄ɓē ndiń kə kumneé noō, tītə̄ ń ɔjən̄neé gír deē yāḿ gə̄ loo túbə̄ kə rī Baal ō ní anī, a əngen̄ loo yā ndiń dan gír deē yāḿ gə̄ tə́.

IJAI 65:16

Kem ɓēé ní, ré deē ndigə ndə̄ngā ndi majə yā deē kógə̄ḿ anī, a un i rī Nə́ɓā kə́ nge ra dɔ ndūn tə́ n a tɔ́rəń tan dɔ deē ní tə́ ní. Nge kənī ndūn kə ngangá a un i rī Nə́ɓā kə́ nge ra dɔ ndūn tə́ n a túbəń yā kənīń ndūn ní. Kɔ́ɔ̄ɓē əda na: Wur kɔl kə́ mān̄ kɔ̄ɔ́ gə̄ ní, dɔ de gə̄ a ndígə̄nal kɔ̄ɔ́, nin̄ a hində̄n̄ lim kɔ̄ɔ́ sa̰y ta kumḿ tə́.

IJAI 37:28

m̄-ger̄ najə̄ yāí malang: Dan ń ā ḭ́ḭ kə̄ dɔɔ́, aláa dan ń ā ī-ndi kə̄ nang tə́ ní, dan ń ā ī-teē kə̄ ndágá aláa dan ń ā údə kə̄ kújú ní, dan ń wōn̄g a rāāī dɔḿ tə́ ní.

1 SAMUEL 29:3

Ngār yā Pilistin gə̄ dəjen̄ na ké Hebəro gə̄ ń toō i náā gə̄ wa. Anī Akis tél ədadə́ na: I Dabid kə́ nge kəla yā Saul mban̄g kə́ Israel tə́ ní ī-gern̄iī aĺ a? Ni-ndi seḿ asə ɓāl̄ kógə̄ḿ aláa jōó kɔ̄ɔ́ ɓá. Ba əla gír ndɔ̄ ń ni reēń rɔ̄ḿ tə́ bátə́ ɓōólaā ní m-ōō najə̄ kógə̄ḿ dɔn tə́ alé.

1 SAMUEL 28:10

Saul túbə kə rī Kɔ́ɔ̄ɓēé əda na: Tītə̄ ń Kɔ́ɔ̄ɓē ndiń kə kumneé noō ní, yá̰a̰ a rāāī dan najə̄ ń toō tə́ alé.

JOJUE 22:30

Dan ń nge tun̄ yá̰á̰ ń rīn na i Pinas ní ō, ngé gə̄ ń i seneé ō, i ngāgəra dɔ ngán Israel gə̄ ō, nin̄ i ngār gə̄ yā kósə́ ngé rɔ̄ɔ̄ gə̄ ō, ní oōn̄ najə̄ kɔr̄ ngán Ruben gə̄ ō, ngán Gad gə̄ ō, ngán Manase gə̄ ō anī, ndigən̄ najə̄ ní.

NDŪ NAJƏ̄ 10:20

I Kɔ́ɔ̄ɓē Nə́ɓā yāsí n ā ī-ɓōlíī ndílən ō, ā ī-rāāī kəla yān ō, ā ə́hɔī gōn ō, ā ə̄nīī ndūsí i kə rīneé ō ní.

TƏ́DA 27:17

kadə̄ ɔr nodə́ ta kaw̄də́ tə́ ō, ta téldə́ ō, ɓáa anī de gə̄ a ton̄ tītə̄ batə̄ gə̄ kə́ nge kul̄də́ gətóo alé.

TA KƏLA 16:6

Abəram tél əda Sarai na: Ɓəlo yāí i jīí tə́. Ī-rāā yá̰á̰ ń kemií ndigə ní seneé. Anī Sarai rāā Agar majaĺ ngá̰ý adə̄ ni a̰ȳ aw̄ kem dəla loo tə́.

1 SAMUEL 5:8

Əlan̄ gɔ̄ ngār gə̄ yā Pilistin gə̄ tə́ malang adə̄ reēn̄ ba dəjen̄də́ na ké kə n-rāān̄ i ba̰ý kə sandúkə yā Nə́ɓā yā ngán Israel gēé wa. Anī ngār gə̄ tél ədan̄də́ na kə aw̄n̄neé kem ɓē kə́ Gat tə́. Loo ń noō tə́ nin̄ ndɔ́tə̄n̄ kə sandúkə́ ní aw̄n̄neé Gat.

1 SAMUEL 29:7

ī-tél āw̄ kə kem kə́ sɔl̄ lɔmɔɔ́. I beé n ā ī-rāań yá̰á̰ kə́ nel̄ ngār kə́ bo gə̄ yā Pilistin gə̄ aĺ alé ní.