1 SAMUEL 29:4 - Bibəl ta Sar̄

⁴ Wōn̄g rāā ngār gə̄ yā Pilistin gə̄ kə Akis adə̄ ədanən̄ na: Ī-tə̄ɓā deē ń noō ādə̄ tél aw̄ gogə́ loo ń ɔ́jən kadə̄ ndi tū tə́ ní tə́. Ādə̄ aw̄ sejí ta rɔ̄ɔ̄ tə́ aĺ na sōgə́ tél tūr̄ rɔ̄n rɔ̄jí. Yá̰á̰ ń kadə̄ rāā tá kɔ́ɔ̄n a tél yā ndigənneé gogə́ ní i kəla de gə̄ yājí gə̄ ń toō jīn tə́ ngóy aĺ a?

Bible sar

⁴ Wōn̄g rāā ngār gə̄ yā Pilistin gə̄ kə Akis adə̄ ədanən̄ na: Ī-tə̄ɓā deē ń noō ādə̄ tél aw̄ gogə́ loo ń ɔ́jən kadə̄ ndi tū tə́ ní tə́. Ādə̄ aw̄ sejí ta rɔ̄ɔ̄ tə́ aĺ na sōgə́ tél tūr̄ rɔ̄n rɔ̄jí. Yá̰á̰ ń kadə̄ rāā tá kɔ́ɔ̄n a tél yā ndigənneé gogə́ ní i kəla de gə̄ yājí gə̄ ń toō jīn tə́ ngóy aĺ a?

1 SAMUEL 29:4 Referans Kwoze

1 SAMUEL 14:21

Hebəro gə̄ ń əlan̄ dɔdə́ gíŕ tɔ́gə yā Pilistin gə̄ tə́ aw̄n̄neé rɔ̄ɔ̄ tə́ sedə́ ní, tél ɓɔ̄ɔ̄n̄ rɔ̄də́ kə ngán Israel gə̄ ń nin̄ i kə Saul ō, Jonatan ō ní.

1 YÁ̰A̰ GƏ̄ 12:19

Loo ń noō tə́ Ndíl yā Nə́ɓā reē dɔ Amasai tə́, ni ń i ngol ngé kə́ kutə mətá gə̄ ní, adə̄ ni un ndūn kə̄ dɔɔ́ ədań na: Dabid, jḭḭ i deē yāí gə̄, ngōn̄ Jese, jḭḭ i naā tə́ seí! Ādə̄ kem sɔl lɔm i seí tə́ ō, ādə̄ kem sɔl i kə nge rāā seí ō! Tɔdɔ̄ i Nə́ɓā yāí n rāā seí ní! Loo ń noō tə́ Dabid əhɔdə́ kə̄ rɔ̄n tə́ ba əladə́ dan ngol ngé rɔ̄ɔ̄ yān gə̄ tə́.

Najə̄ kə́ Majə yā Jeju ń Luk ndang ní 16:8

Anī kɔ́ɔ̄ nge kəla kə́ sew aĺ ngeé ń toō tɔ̄yn, tɔdɔ̄ ni-rāā yá̰a̰ yān ní i kə kum kedēé ngá̰ý. Tām̄ ngáń kə́ dɔ nang tə́ laā gə̄ ní, kumdə́ edə̄ kə madə̄də́ gēé mān̄ yā ngán kə́ kum loo kə́ unjə̄ kow tə́ gə̄.

1 SAMUEL 27:6

Ndɔ̄ nəkɔ́ ń noō tə́ Akis adə̄n ɓē kə́ Sikəlag. I tām̄ najə̄ ń noō tə́ n ɓē kə́ Sikəlag i ɓē yā mban̄g kə́ Juda tə́ gə̄ bátə́ ɓōólaā ní.

1 SAMUEL 29:9

Akis tél əda Dabid na: m̄-ger̄ kadə̄ najə̄ gətóo dɔí tə́. Rɔ̄kum, nelə̄m̄ seí tītə̄ kə́ ḭ̄ i de kə́ dɔ rā̰ tə́ yā Nə́ɓā beé. Banī ngār gə̄ yā Pilistin gə̄ ədamə̄n̄ na kə āw̄ sejí ta rɔ̄ɔ̄ tə́ alé.

1 SAMUEL 30:1

Dabid nin̄ kə deē yān gēé ugə̄n̄ kem ɓē kə́ Sikəlag tə́ i kə ndɔ̄ kə́ nge ko̰ mətá. Ba kété pá tá kadə̄ nin̄ ugə̄n̄ ní, Amalek gə̄ aw̄ ɓogən̄ de gə̄ kə́ dɔ nang kə́ Negeb tə́ ō de gə̄ kə́ kem ɓē kə́ Sikəlag tə́ ō. Nin̄ nujən̄ ɓē sák sák kɔ̄ɔ́ ō əlan̄ hor dɔ tə́ ō.

Teē Ngán Israel gə̄ 1:10

ní kə n-sāān̄ kum kedə̄ kə́ yā kɔgə̄ńdə́ kojə naā kum kə̄ kété, na sōgə́ rɔ̄ɔ̄ əsō anī ɓoon̄ rɔ̄də́ tū yā madə̄ ba̰ā̰də́ nin̄ gə̄ tə́ yā rɔ̄ɔńdə́ ba teēń kɔ̄ɔ́ kem ɓēé.

1 YÁ̰A̰ GƏ̄ 12:20

Dan ń Dabid ɓɔ rɔ̄n tū yā Pilistin gə̄ tə́ yā kaw̄ rɔ̄ɔń Saul ní, de kə́ gír ɓē yā Manase tə́ gə̄ tetən̄ rɔ̄də́ gōn tə́. Kə́ rɔ̄kum tə́ tā anī Dabid nin̄ kə deē yān gēé rɔ̄ɔ̄n̄ naā tə́ kə Pilistin gēé alé, tām̄ ngol ngé rɔ̄ɔ̄ gə̄ yā Pilistin gə̄ tə̄ɓān̄də́ kɔ̄ɔ́, tām̄ ədan̄ naā dɔ dáńdə́ tə́ na: Dabid a tetə rɔ̄n gō Saul ń i kɔ́ɔ̄n kə́ kété ní tə́, adə̄ a əlají kem jīn tə́.