1 SAMUEL 28:8 - Bibəl ta Sar̄

⁸ Saul ɔr̄ kūbə̄ kə́ rɔ̄n tə́ kɔ̄ɔ́ ba tə́lá kə́ rang gə̄ rɔ̄n tə́ adə̄ deē gerə̄n alé, ba adə̄ de gə̄ jōó dānə̄nən̄. Nin̄ aw̄ ugə̄n̄ rɔ̄ dəyá̰ ní tə́ ndɔ̄ɔ́. Saul əda dəyá̰ ní na: m̄-sāā kadə̄ ī-dəje de kə́ koy kógə̄ḿ najə̄ ādə̄m̄. Deē ń m-ā m-ə́daī rīn ní ī-ɓārə́n ādə̄ teē reē.

Bible sar

⁸ Saul ɔr̄ kūbə̄ kə́ rɔ̄n tə́ kɔ̄ɔ́ ba tə́lá kə́ rang gə̄ rɔ̄n tə́ adə̄ deē gerə̄n alé, ba adə̄ de gə̄ jōó dānə̄nən̄. Nin̄ aw̄ ugə̄n̄ rɔ̄ dəyá̰ ní tə́ ndɔ̄ɔ́. Saul əda dəyá̰ ní na: m̄-sāā kadə̄ ī-dəje de kə́ koy kógə̄ḿ najə̄ ādə̄m̄. Deē ń m-ā m-ə́daī rīn ní ī-ɓārə́n ādə̄ teē reē.

1 SAMUEL 28:8 Referans Kwoze

IJAI 8:19

Ngé kə́rēý gə̄ ədan̄ na: Āw̄ ōōī najə̄ kə́ ta ngé ɓāŕ de kə́ koy gə̄ tə́, kɔdə̄ sāā gə̄ ń i ngé kəda yá̰á̰ kə́ a reē ɓáý gə̄ ní. Nin̄ i ngé tél kə ndūdə́ kə̄ nang tə́ ngá̰ý kɔrə̄ń najə̄ gə̄, deē asə ger̄ kum najə̄ kɔr̄də́ alé. I gōtə́ ngá̰ý kadə̄ gír de gə̄ aw̄ oōn̄ najə̄ kə́ ta nə́ɓā yādə́ gə̄ tə́, kadə̄ ɓārə́n̄ de kə́ koy kɔ̄ɔ́ gə̄ kadə̄ rāān̄ majə kə de gə̄ kə́ ndin̄ kə kumdə́. Ré deē ədasí tītə̄ ń noō anī,

1 YÁ̰A̰ GƏ̄ 10:13

Saul oy i najə̄ hál kə́ sew aĺ kə́ ni-rāā kə Kɔ́ɔ̄ɓēé tə́. Tɔdɔ̄ ni rāā yá̰á̰ ń Kɔ́ɔ̄ɓē əda ní aĺ ō, aw̄ sāā tə́ rɔ̄ Kɔ́ɔ̄ɓē tə́ alé ba aw̄ sāā tə́ rɔ̄ kɔdə̄ sāā gə̄ tə́ ō. Adə̄ Kɔ́ɔ̄ɓē rāā adə̄ Saul oy, ba ni tél kə ko̰o̰ ɓēé adə̄ Dabid ngōn̄ Jese.

2 YÁ̰A̰ GƏ̄ 35:22

Banī Josias lōō gír rɔ̄ɔ̄ Neko tə́ alé, tɔdɔ̄ kété gə̄gē ní a sāā i ta róbə́ kə́ yā rɔ̄ɔ̄n̄neé. Adə̄ ni oō najə̄ ń Neko ɔr̄ seneé ní alé. Tá i Nə́ɓā nəkɔ́ n əndā najə̄ ní ta Neko tə́. Josias əla kūbə̄ kə́ kadə deē a̰a̰n a gerə̄n alé rɔ̄n tə́ ba aw̄ rɔ̄ɔ̄ tə́ wól loo kə́ Megido tə́.

2 YÁ̰A̰ GƏ̄ 18:29

Mban̄g kə́ Israel əda Josapat na n-a n-əla kūbə̄ kə́ kadə̄ deē a̰a̰n a gerə̄n alé rɔ̄n tə́ yā kudəń dan rɔ̄ɔ́, banī ni Josapat kə əla kūbə̄ mban̄g yān rɔ̄n tə́. Adə̄ mban̄g kə́ Israel tə́ əla kūbə̄ kə́ yā kadə̄ deē a̰a̰n a gerə̄n alé rɔ̄n tə́ ba udə dan rɔ̄ɔ̄ tə́.

1 MBAN̄G GƏ̄ 22:30

Mban̄g kə́ Israel tə́ əda Josapat na: M-ā m-ə́la kūbə̄ kə́ kadə̄ deē a̰a̰m̄ a gerə̄m̄ alé rɔ̄ḿ tə́ yā kaw̄ń ta rɔ̄ɔ̄ tə́, ba ḭ̄ ə́la kūbə̄ mban̄g yāí rɔ̄í tə́. Adə̄ mban̄g kə́ Israel tə́ əla kūbə̄ kə́ yā kadə̄ deē a̰a̰n a gerə̄n aĺ rɔ̄n tə́ yā kaw̄ń ta rɔ̄ɔ̄ tə́.

JA̰A̰ 3:19

Sarya ní n toó: Loo kə́ unjə̄ kow reē dɔ nang tə́, ba de gə̄ ndigən̄ til tɔȳ loo kə́ unjə̄ kow, tɔdɔ̄ yá̰a̰ rāādə́ i kə́ majaĺ.

JEREMI 23:24

Deē a ɓɔ̄ɔ̄ rɔ̄n kɔgə̄ loo yān tə́ kanjə̄ kadə̄ mā m-á̰a̰n a? Najə̄ ń Kɔ́ɔ̄ɓē əda ní n noó. I mā n m̄-ndi m̄-taā kem loo kə́ dɔ rā̰ tə́ ō, kə́ dɔ nang tə́ ō ní aĺ a? Najə̄ ń Kɔ́ɔ̄ɓē əda ní n noó.

1 MBAN̄G GƏ̄ 22:34

Banī deē kógə̄ḿ ur gə̄rā yān kə̄ noó, anī gə̄ra ní əhɔ mban̄g kə́ Israel tə́ mbo̰ō̰ kūbə̄ gində̄ kə́ rɔ̄n tə́. Mban̄g əda nge púsə rɔ̄ɔ̄ yān na kə tūr̄ dɔ púsə ba kə teē seneé kɔ̄ɔ́ dan rɔ̄ɔ̄ tə́, tɔdɔ̄ n-ənge do.

EJEKIEL 12:6

Ā úń yá̰a̰ mbā yāí yā kəndā dɔ bɔ̄gīí tə́ i ta kumdə́ tə́ ō, ā āwń i ndɔ̄ɔ́ ō. Ā ūtə̄ ta kumií kɔ̄ɔ́ ō, ā ásə ka̰a̰ loo ń ā āw̄ kə̄ tū tə́ ní aĺ ō. I tītə̄ ń noō n m-ā m̄-rāāiń de kə́ nge tāā ngán Israel gə̄ tə́ ní.