1 SAMUEL 28:6 - Bibəl ta Sar̄

⁶ Saul dəje Kɔ́ɔ̄ɓē najə̄, banī Kɔ́ɔ̄ɓē dalən alé. Kɔ́ɔ̄ɓē ɔr̄ najə̄ seneé kə nīí aĺ ō kə wə̄lā kə́ táĺ gə̄ yā nge tun̄ yá̰a̰ yā Nə́ɓāá aĺ ō kə nge koō ta kógə̄ḿ aĺ ō.

Bible sar

⁶ Saul dəje Kɔ́ɔ̄ɓē najə̄, banī Kɔ́ɔ̄ɓē dalən alé. Kɔ́ɔ̄ɓē ɔr̄ najə̄ seneé kə nīí aĺ ō kə wə̄lā kə́ táĺ gə̄ yā *nge tun̄ yá̰a̰ yā Nə́ɓāá aĺ ō kə *nge koō ta kógə̄ḿ aĺ ō.

1 SAMUEL 28:6 Referans Kwoze

1 SAMUEL 14:37

Tā anī Saul dəje Nə́ɓā na ké kə n-aw̄ ngɔ̄də̄ Pilistin gə̄ tə́ wa. Ké Nə́ɓā a əla Pilistin gə̄ kem jī ngán Israel gə̄ tə́ wa. Banī Nə́ɓā ədan najə̄ ndɔ̄ ń noō tə́ alé.

TƏ́DA 12:6

Kɔ́ɔ̄ɓē ədadə́ na: Najə̄ ń m-ā m-ə́dásí toō ōōī majə. Ré de kə́ nge koō ta yā Nə́ɓā i dansí tə́ anī, mā Kɔ́ɔ̄ɓē m-ā m-ɔ́jən rɔ̄ḿ kadə̄ gerə̄m̄ i kə ta kūl̄ ndɔ̄bə̄ kə́ m-ā m̄-ndɔ̄bə̄n ō, kə najə̄ kə́ m-ā m-ɔ̄r̄ seneé kem nī tə́ ō.

NŌŌ RƆ̄ 2:9

Bápə ta róbə ndogə̄ yān gə̄ dubə̄n̄ nángāá, Kɔ́ɔ̄ɓē tétə̄ gində̄ kutə̄ tadə́ gə̄ ō, nujən̄ ō. Mban̄g yān ō, ngār yān gə̄ ō, i dan nápar de gə̄ tə́, adə̄ ndū najə̄ gətóo kɔ̄ɔ́. Tá ngé koō ta yān gə̄gē a Kɔ́ɔ̄ɓē ɔjədə́ yá̰a̰ adə̄ a̰ā̰n̄ aĺ ō.

TƏ́DA 27:21

Jojue a aw̄ rɔ̄ Eleajar nge tun̄ yá̰á̰ tə́ kadə̄ túgə̄ wə̄lā urim tām̄ yān tə́ ta kum Kɔ́ɔ̄ɓē tə́. Ni ō, ngán Israel gə̄ malang ō ní a teēn̄ ō, tél a udən̄ gogə́ ō, i kə gō ndū ń wə̄lā a ɔjə ní.

JAKƏ 4:3

Ī-dəjeī yá̰a̰ ba ə́ngeī yá̰á̰ ní alé, tɔdɔ̄ ī-dəjeī i kə gír̄ kə́ majaá alé. Gír̄ yāsí ní, ī-sāāī i nujə yá̰á̰ ń ī-dəjeī ní tām̄ yā rɔ̄nel̄ yāsí kə́ karī tə́ ngóy.

JA̰A̰ 9:31

Jə-gerī kadə̄ Nə́ɓā oō najə̄ yā ngé rāā majaĺ gə̄ alé. Banī deē ń ɓōĺ ndílən ō, rāā yá̰á̰ ń kemən ni-ndigə ō ní, ni a oō najə̄ yān.

MATIYE 1:20

Dan ń ni a gír̄ najə̄ ń toō kemən tə́ ɓáý anī, de kə́ dɔ rā̰ tə́ yā Kɔ́ɔ̄ɓē rāān kə nīí, ədan na: Jəjep, ngōn̄ kaa Dabid, ī-lōō ɓōĺ kaw̄ kə nə̄yá̰í Mari kújú. Tɔdɔ̄ ngōn̄ ń ni-ndān̄ ní i kə ta kūl̄ Ndíĺ kə́ Táĺ.

JEREMI 23:28

Ādə̄ nge koō ta ń nī rāān ní, ənī gotə nī yān ní, ba ādə̄ deē ń m-ə̄ndā najə̄ yāḿ tan tə́ ní, ənī mbēr̄ dɔ ngarā̰ kum najə̄ ní tə́ kə ndū boó. Kádə́ yá̰á̰ ō, kumən ō ton̄ tītə̄ naā a? Najə̄ ń Kɔ́ɔ̄ɓē əda ní n noó.

NDŪ NAJƏ̄ 33:8

Yá̰á̰ ń Moijə əda dɔ Lebi tə́ ní n toó: Kɔ́ɔ̄ɓē, ngé kəla yāí kə́ ran̄ dɔ ndūdə́ tə́ gə̄ ń ī-nāādə́ Masa ō, ī-gān̄g sarya dɔdə́ tə́ tām̄ yā najə̄ kə́ Meriba tə́ ō ní, ī-ɓɔ̄də́ tumim yāí ō, urim yāí ō.

Teē Ngán Israel gə̄ 28:30

Ā ī-ɓōkə́ urim ō, tumim ō, kem pekətoral gān̄g sarya yā Nə́ɓā tə́ kadə̄ ré Aaro̰ a aw̄ kə̄ ta kum Kɔ́ɔ̄ɓē tə́ anī, ton̄ dɔ nganjən tə́, adə̄ Aaro̰ a ətō sarya yā ngán Israel gə̄ dɔ nganjən tə́ ta kum Kɔ́ɔ̄ɓē tə́ ngándáńg.

Gōsə̄ najə̄ gə̄ 27:1

Ī-lōō tɔ̄ȳ rɔ̄í tām̄ yā ndɔ̄ kə́ bírí tə́, tɔdɔ̄ yá̰á̰ ń a rāā yā rāā yá̰á̰ ní ī-ger̄ alé.

PĀ GƏ̄ 74:9

Yá̰a̰ gə̄ ń ɔjən̄ kə̄ ndágá kadə̄ ḭ̄ i danjí tə́ ní, j-a̰a̰də́ ngɔlaā aĺ ō. Ngé koō ta gə̄ gətóon̄ ngɔlaā ō. De kə́ danjí tə́ kə́ ger̄ ndɔ̄ ń gír yá̰a̰ gə̄ ń noō malang a gāngə̄n̄neé ní gətóo ō.

Teē Ngán Israel gə̄ 28:20

Gírən kə́ nge ko̰ sɔ́ i mbal̄ kərijolitə ō, beril ō, onikəs ō. A tə́lan̄ ngán mbal̄ gə̄ ní kógə̄ḿ kógə̄ḿ i kem kār̄də́ gə̄ kə́ rāā kə lɔ́rɔ́ tə́.

LEBI GƏ̄ 8:8

Əla pekətoral gɔgərɔn tə́ ba tə́la urim ō, tumim ō, kemeé.

1 SAMUEL 28:5

Dan ń Saul a̰a̰ gérger yā Pilistin gə̄ anī kemən gān̄g man̄.

1 SAMUEL 28:15

Samuel dəje Saul na: Ī-njə́ɓām̄ i najə̄ rí tə́? Ī-ɓārə́m̄ i tām̄ rí tə́? Anī Saul ədan na: m̄-ndi i kə sōlōó kekəre. Pilistin gə̄ a sāān̄ i rɔ̄ɔ̄m̄ ō Nə́ɓā əya̰m̄ kɔ̄ɔ́ ō daləm̄ najə̄ to̰ aĺ ō. Ɔr̄ najə̄ seḿ kə ngé koō ta gēé aĺ ō kə nīí aĺ ō. Adə̄ m̄-ɓāríī i yā kadə̄ ī-reē ə́dam̄ yá̰á̰ ń sɔɔ̄ kadə̄ m̄-rāā ní.

2 SAMUEL 22:42

Nin̄ əgan̄ kɔŕ ba de kə́ dḭḭ̄də́ gətóo. Nin̄ əgan̄ kɔŕ kə̄ dɔ Kɔ́ɔ̄ɓē tə́, ba ni dal alé.

MISE 3:7

Rɔ̄ ngé ka̰a̰ yá̰a̰ gə̄ ō, rɔ̄ kɔdə̄ sāā gə̄ ō, a sɔl̄də́. Nin̄ malang a utə̄n̄ ta kumdə́ kɔ̄ɔ́, tɔdɔ̄ Nə́ɓā daldə́ to̰ alé.