1 SAMUEL 28:3 - Bibəl ta Sar̄

³ Samuel oy kɔ̄ɔ́ adə̄ ngán Israel gə̄ malang rāān̄ yon ō dubə̄nən̄ kem ɓē yān tə́ Rama ō Saul ɔgə̄ kadə̄ deē oō ta kɔdə̄ sāā gə̄ dɔ nang yān tə́ ō.

Bible sar

³ Samuel oy kɔ̄ɔ́ adə̄ ngán Israel gə̄ malang rāān̄ yon ō dubə̄nən̄ kem ɓē yān tə́ Rama ō Saul ɔgə̄ kadə̄ deē oō ta kɔdə̄ sāā gə̄ dɔ nang yān tə́ ō.

1 SAMUEL 28:3 Referans Kwoze

1 SAMUEL 25:1

Samuel oy. Ngán Israel gə̄ malang kánə̄n̄ naā ba nōōnən̄ ō rāān̄ yon ō. Dubə̄nən̄ i ɓē yān tə́ Rama. Gō tə́ anī Dabid aw̄ kem dəla loo kə́ Paran tə́.

LEBI GƏ̄ 20:27

Ré dəngam aké dəyá̰, nin̄ i kɔdə̄ sāā gə̄ aláa nge koō ta gə̄ anī, a tɔ̄lə̄n̄də́ kɔ̄ɔ́. A tə́nīn̄də́ kə mbalá yā tɔ̄l̄də́. Mósə́də́ a na̰y i dɔdə́ nin̄ kɔ́ gə̄ tə́.

LEBI GƏ̄ 19:31

Ōōī ta kɔdə̄ sāā gə̄ aĺ ō, ī-sāāī tēē aĺ ō, na sōgə́ ndíldə́ rāā adə̄ ī-téliī de kə́ yḛr gə̄. Mā i Kɔ́ɔ̄ɓē Nə́ɓā yāsí.

Teē Ngán Israel gə̄ 22:18

Deē ń ɓīī kə dā̰á̰ ní, a tɔ̄l̄nən̄ kɔ̄ɔ́.

1 SAMUEL 28:9

Dəyá̰ ní tél ədan na: Yá̰á̰ ń Saul rāā ní īkɔ́ ī-ger̄ majə. De kə́ kem ɓēé gə̄ ń a ɓārə́n̄ de kə́ koy gə̄ kadə̄ teē reēn̄ adə̄ de gə̄ oōn̄ tadə́ ní, Saul tɔ̄l̄də́ kɔ̄ɔ́ malang. Gūmbə̄ kə́ a tɔ̄l̄ deē ń noō ə̄yā kadə̄ əhɔm̄ i tām̄ rí tə́?

1 SAMUEL 15:23

Tɔdɔ̄ mbātə́ ndū Kɔ́ɔ̄ɓē i yá̰á̰ kə́ majaĺ ngá̰ý tītə̄ rāā kɔdə̄ sāā ō, rāā dɔ ngan̄g i yá̰á̰ kə́ majaĺ ngá̰ý tītə̄ rāā ɓesə̄ ō. Adə̄ dan ń ḭ̄ ī-mbātə́ najə̄ ta Kɔ́ɔ̄ɓē tə́ ɓá ní Kɔ́ɔ̄ɓē mbātíī kɔ̄ɔ́ ō. Adə̄ ḭ̄ i mban̄g to̰ alé.

1 SAMUEL 7:17

Pá tá a tél a aw̄ gogə́ ɓēé Rama ɓáý. Tɔdɔ̄ kújə yān i noó ō, a gān̄g sarya yā Israel gə̄ i noó ō, rāā loo tun̄ yá̰a̰ yā Kɔ́ɔ̄ɓē i noó ō.

LEBI GƏ̄ 20:6

M-ā m̄-tūr̄ rɔ̄ḿ yā rɔ̄ɔ̄ deē ń a oō ta kɔdə̄ sāā gə̄ ní. M-ā m-ɔ̄rən kɔ̄ɔ́ dan gír deē yān gə̄ tə́.

Teē Ngán Israel gə̄ 22:17

Ā ə́ya̰ī dəyá̰ kə́ nge rāā kəga kadə̄ ndi kə kumneé alé.