1 SAMUEL 28:19 - Bibəl ta Sar̄

¹⁹ Adə̄ ḭ̄ ō ngán Israel gə̄ ō ní, Kɔ́ɔ̄ɓē a əlasí jī Pilistin gə̄ tə́. Bírí ní ḭ̄ ō ngání kə́ dəngam gə̄ ō ā ī-reēī gōḿ tə́ ɓádá. Ba ngé rɔ̄ɔ̄ gə̄ yā ngán Israel gə̄ ní, Kɔ́ɔ̄ɓē a əladə́ jī Pilistin gə̄ tə́.

Bible sar

¹⁹ Adə̄ ḭ̄ ō ngán *Israel gə̄ ō ní, Kɔ́ɔ̄ɓē a əlasí jī Pilistin gə̄ tə́. Bírí ní ḭ̄ ō ngání kə́ dəngam gə̄ ō ā ī-reēī gōḿ tə́ ɓádá. Ba ngé rɔ̄ɔ̄ gə̄ yā ngán Israel gə̄ ní, Kɔ́ɔ̄ɓē a əladə́ jī Pilistin gə̄ tə́.

1 SAMUEL 28:19 Referans Kwoze

KƏLA RĀĀ 5:5

Dan ń Ananias oō najə̄ gə̄ ń noō ní anī, ni-teē əsō ba oy. De gə̄ malang ń oōn̄ ní ɓōĺ rāādə́.

MATIYE 26:24

Ngōn̄ Deē a oy yā kaw̄ tītə̄ ń ndangən̄neé dɔn tə́ kem makətūbə̄ tə́ ní. Banī deē ń a əlan jī de gə̄ tə́ ní, yá̰á̰ kə́ majaĺ ngá̰ý a teē dɔn tə́! Kojə deē ń noō aĺ i só tə́.

1 MBAN̄G GƏ̄ 22:28

Mise əda mban̄g na: Kə́ rɔ̄kum tə́, ré ī-tél kə lápə́ya anī, kumən na Kɔ́ɔ̄ɓē ɔr̄ najə̄ kə kūlə̄ḿ alé. Gō tə́ anī Mise əda ɓáý to̰ na: Sḭḭ̄ gír de gə̄ ōōī.

1 MBAN̄G GƏ̄ 22:20

Anī Kɔ́ɔ̄ɓē dəje na ké i náā n ndigə kaw̄ gól̄ Akab kadə̄ ənī ɓē kə́ Ramot kə́ Galaad rɔ̄ɔ̄ kadə̄ tɔ̄lə̄n̄ Akab tū tə́ ní wa. Anī deē kógə̄ḿ əda yān i beé, ba de kə́ rang əda yān i beé.

1 SAMUEL 12:25

Ba ré ī-rāāī yá̰á̰ kə́ majanī sḭḭ̄ gə̄gē, mban̄g yāsí gə̄gē, a nujən̄sí sák sák kɔ̄ɔ́.

Teē Ngán Israel gə̄ 9:18

bírí kə kum mbang ń noō, n-a na n-rāā kadə̄ man̄ edə kə kɔ̄sɔ̄ɔ́, kɔ̄sə̄ ní na a tə́sō na i kə tɔ́gɔ́ ngá̰ý, tá kɔ̄sə̄ kə́ tə́sō kə tɔ́gɔ́ tītə̄ ń noō, deē na a̰a̰ kem ɓē kə́ Ejiptə tə́ laā ndɔ̄ kógə̄ḿ aĺ ɓáý.

1 SAMUEL 28:20

Kə̄ ta jī tə́ noō Saul teē əsō nang tə́ kə ngālən gēé malang, tɔdɔ̄ najə̄ ń Samuel ədan ní rāān kə ɓōló. Tá tɔ́gən gətóó ɓáý to̰ tām̄ əsa yá̰a̰ kadaá aĺ ō ndɔ̄ɔ́ aĺ ō.

Makətūbə̄ yā Job 3:17

Ngé kem ndul gə̄ a rāān̄ deē yá̰á̰ kə́ tōr̄ ɓádá aĺ ō, de gə̄ ń kɔr rāādə́ ní a taān̄ koō loo ń noō tə́ ō.