1 SAMUEL 27:8 - Bibəl ta Sar̄

⁸ Dabid nin̄ kə deē yān gēé a ḭḭn̄ i Sikəlag n a aw̄ a rɔ̄ɔ̄n̄neé Gesur gə̄ ō Girji gə̄ ō Amalek gə̄ ō ní. Gesur gə̄ kə Girji gə̄ kə Amalek gə̄ i de gə̄ kə́ ndin̄ gō nang ń noō tə́ i jóo. Nin̄ ndin̄ ta kaw̄ kə̄ Sur ō ndin̄ bátə́ kum kə̄ dɔ nin̄ dɔ nang kə́ Ejiptə tə́ ō.

Bible sar

⁸ Dabid nin̄ kə deē yān gēé a ḭḭn̄ i Sikəlag n a aw̄ a rɔ̄ɔ̄n̄neé Gesur gə̄ ō Girji gə̄ ō Amalek gə̄ ō ní. Gesur gə̄ kə Girji gə̄ kə Amalek gə̄ i de gə̄ kə́ ndin̄ gō nang ń noō tə́ i jóo. Nin̄ ndin̄ ta kaw̄ kə̄ Sur ō ndin̄ bátə́ kum kə̄ dɔ nin̄ dɔ nang kə́ Ejiptə tə́ ō.

1 SAMUEL 27:8 Referans Kwoze

JOJUE 13:2

Dɔ nang gə̄ ń na̰y ní i dɔ nang yā Pilistin gə̄ ō, yā Gesur gə̄ ō,

JOJUE 13:13

Banī ngán Israel gə̄ tə̄ɓān̄ Gesur gə̄ ō, Maaka gə̄ ō, kɔ̄ɔ́ alé, ndin̄ dɔ dáńdə́ tə́ noō bátə́ ɓōólaā.

NGÉ SARYA 1:29

Epəraim gə̄ tə̄ɓān̄ Kanaan gə̄ ń ndin̄ Gejer ní kɔ̄ɔ́ alé, adə̄ Kanaan gə̄ ndin̄ Gejer dandə́ tə́.

JOJUE 16:10

Epəraim gə̄ tə̄ɓān̄ Kanaan gə̄ ń ndin̄ Bejer ní alé. Adə̄ Kanaan gə̄ ndin̄ dandə́ tə́ bátə́ ɓōólaā. Banī Epəraim gə̄ əndān̄ kəla ɓəlo dɔdə́ tə́.

1 YÁ̰A̰ GƏ̄ 2:23

Banī Gesur gə̄ ō, Aram gə̄ ō, taān̄ ɓē gə̄ yā Yair kɔ̄ɔ́. Nin̄ taān̄ ɓē kə́ Kenat ō, ngán ɓē gə̄ ń ɓē kə́ Kenat o̰o̰ ɓē dɔ tə́ ní ō. Ɓē gə̄ malang ń nin̄ taān̄ ní i kutə mehḛ́. De kə́ kemeé gə̄ malang i de gə̄ kə́ gír kojə yā Makir bɔbə̄ Galaad tə́.

2 SAMUEL 15:8

Tɔdɔ̄ dan ń m̄-ndi Gesur dɔ nang kə́ Aram tə́ ní, m-ə̄nī ndūḿ m-ādə̄ Kɔ́ɔ̄ɓē m-ə́da na ré Kɔ́ɔ̄ɓē tél reē seḿ gogə́ Jerusalem anī, m-ā m̄-tun̄ yá̰a̰ yā kadə̄n kem ɓē kə́ Hebron tə́.

2 SAMUEL 14:32

Anī Absalom tél ədan na: I tām̄ kəla ń m-ə́la gōí tə́ kadə̄ ī-reē anī ī-mbātə́ reē ní. m̄-sāā i kəlaī rɔ̄ mban̄g tə́ kadə̄ ī-dəjen na ké m-ā̰ȳ m-āw̄ Gesur ba m̄-tél dɔ tə́ m̄-reē i tām̄ yā rí tə́ wa? Ndiḿ gogə́ Gesur i só tə́. Ngɔlaā m̄-gḛy kaw̄ rɔ̄ mban̄g tə́. Ba ré najə̄ i dɔḿ tə́ anī ādə̄ mban̄g tɔ̄lə̄m̄.

2 SAMUEL 14:23

Joab ḭḭ dɔɔ́ aw̄ Gesur, aw̄ reē kə Absalomoó gogə́ kem ɓē kə́ Jerusalem tə́.

1 SAMUEL 30:1

Dabid nin̄ kə deē yān gēé ugə̄n̄ kem ɓē kə́ Sikəlag tə́ i kə ndɔ̄ kə́ nge ko̰ mətá. Ba kété pá tá kadə̄ nin̄ ugə̄n̄ ní, Amalek gə̄ aw̄ ɓogən̄ de gə̄ kə́ dɔ nang kə́ Negeb tə́ ō de gə̄ kə́ kem ɓē kə́ Sikəlag tə́ ō. Nin̄ nujən̄ ɓē sák sák kɔ̄ɔ́ ō əlan̄ hor dɔ tə́ ō.

Teē Ngán Israel gə̄ 17:8

Amalek gə̄ reē ənīn̄ ngán Israel gə̄ rɔ̄ɔ̄ Repidim.

Teē Ngán Israel gə̄ 15:22

Ngán Israel gə̄ ń Moijə ɔr nodə́ ní, ḭḭn̄ bā tə̄ɓā gə̄ tə́ aw̄n̄ kum kə̄ dəla loo kə́ Sur tə́. Nin̄-njə̄rān̄ ndɔ̄ mətá kem dəla loo tə́ kanjə̄ kənge man̄.

JOJUE 12:5

Ni-o̰o̰ ɓē dɔ mbal̄ Hermon tə́ ō, dɔ ɓē kə́ Salka tə́ ō, gō nang kə́ Basan malang bátə́ teēń dɔ nin̄ loo yā Gesur gə̄ tə́ ō, Maaka gə̄ tə́ ō ní ní o̰o̰ ɓē dɔ tə́ ō, núsə dɔ nang kə́ Galaad ń i dɔ nin̄ loo yā Sihon mban̄g kə́ Hesəbon ní, ni-o̰o̰ ɓē dɔ tə́ ō.

1 SAMUEL 29:6

Akis ɓāŕ Dabid ba ədan na: Tītə̄ ń Kɔ́ɔ̄ɓē ndiń kə kumneé noō, ḭ̄ i de kə́ sew, adə̄ nelə̄m̄ kadə̄ āw̄ seḿ rɔ̄ɔ̄ ń toō tə́. Tɔdɔ̄ əla gír ndɔ̄ ń ī-reēń rɔ̄ḿ tə́ bátə́ ɓōólaā ní, m-ōō najə̄ kógə̄ḿ kə́ majaĺ dɔí tə́ alé. Ba dan ń nel̄ ngār kə́ bo gə̄ seí aĺ ní,

2 SAMUEL 3:3

Ngōnən kə́ nge ko̰ jōó i Kilab, ojən i kə Abigail kə́ Karmel ń i nə̄yá̰ nge yo Nabal ní. Ngōnən kə́ dəngam kə́ nge ko̰ mətá i Absalom ojən i kə Maaka kə́ ngōn̄ Talmai ń i mban̄g kə́ Gesur ní.

2 SAMUEL 3:22

Gō tə́ sḛ́ý anī Joab nin̄ kə ngé rɔ̄ɔ̄ gə̄ yā Dabid télən̄ ta rɔ̄ɔ̄ tə́ kə yá̰a̰ kənge kə́ ngá̰ý gə̄ ń táān̄ jī madə̄ ba̰ā̰də́ gə̄ tə́ ní. Abner gətóo kɔ̄ɔ́ rɔ̄ Dabid tə́ Hebron, tɔdɔ̄ Dabid əya̰n adə̄ tél aw̄ gogə́ ɓēé kə lápə́yaá.

2 SAMUEL 8:12

Nápar de gə̄ ní i Aram gə̄ ō, Moab gə̄ ō, Amon gə̄ ō, Pilistin gə̄ ō, Amalek gə̄ ō. Yá̰a̰ kənge gə̄ ń Dabid taā jī mban̄g kə́ Soba tə́ ń i Hadadejer ngōn̄ Rehob ní, ni-ɔr̄ kam̄də́ tayā tām̄ yā Kɔ́ɔ̄ɓē tə́ ō.

TƏ́DA 13:29

Amalek gə̄ ndin̄ i gō nang kə́ Negeb tə́. Ba Het gə̄ ō, Yebus gə̄ ō, Amor gə̄ ō, ndin̄ i dām̄ kə́ mbalá tə́. Kanaan gə̄ ndin̄ i kadə bā bo tə́ ō, kə gō kadə bā Jurdḛ ō.

TƏ́DA 14:45

Tā anī Amalek gə̄ ō, Kanaan gə̄ ō ń ndin̄ dɔ mbalá ní risə reē rɔ̄ɔ̄n̄ ngán Israel gə̄ ō, tə̄ɓān̄də́ bátə́ ugə̄n̄ sedə́ Horma ō.