1 SAMUEL 27:6 - Bibəl ta Sar̄

⁶ Ndɔ̄ nəkɔ́ ń noō tə́ Akis adə̄n ɓē kə́ Sikəlag. I tām̄ najə̄ ń noō tə́ n ɓē kə́ Sikəlag i ɓē yā mban̄g kə́ Juda tə́ gə̄ bátə́ ɓōólaā ní.

Bible sar

⁶ Ndɔ̄ nəkɔ́ ń noō tə́ Akis adə̄n ɓē kə́ Sikəlag. I tām̄ najə̄ ń noō tə́ n ɓē kə́ Sikəlag i ɓē yā mban̄g kə́ *Juda tə́ gə̄ bátə́ ɓōólaā ní.

1 SAMUEL 27:6 Referans Kwoze

NEHEMI 11:28

Sikəlag ō Mekona ō, kem ngán ɓē kə́ gidə tə́ gə̄ ō,

JOJUE 15:31

Sikəlag ō, Madəmana ō, Sansana ō,

1 YÁ̰A̰ GƏ̄ 12:20

Dan ń Dabid ɓɔ rɔ̄n tū yā Pilistin gə̄ tə́ yā kaw̄ rɔ̄ɔń Saul ní, de kə́ gír ɓē yā Manase tə́ gə̄ tetən̄ rɔ̄də́ gōn tə́. Kə́ rɔ̄kum tə́ tā anī Dabid nin̄ kə deē yān gēé rɔ̄ɔ̄n̄ naā tə́ kə Pilistin gēé alé, tām̄ ngol ngé rɔ̄ɔ̄ gə̄ yā Pilistin gə̄ tə̄ɓān̄də́ kɔ̄ɔ́, tām̄ ədan̄ naā dɔ dáńdə́ tə́ na: Dabid a tetə rɔ̄n gō Saul ń i kɔ́ɔ̄n kə́ kété ní tə́, adə̄ a əlají kem jīn tə́.

1 YÁ̰A̰ GƏ̄ 12:1

De gə̄ ń reēn̄ gō Dabid tə́ Sikəlag dan ń Dabid a̰ȳń Saul ngōn̄ Kis ní i go̰ rɔ̄ɔ̄ gə̄. Adə̄ ré rɔ̄ɔ̄ to anī nin̄ a aw̄n̄ i ta rɔ̄ɔ̄ tə́.

1 YÁ̰A̰ GƏ̄ 4:30

Betuel ō, Horma ō, Sikəlag ō,

2 SAMUEL 1:1

Dan ń Dabid tetə Amalek gə̄ rɔ̄ɔ̄ á tél reē ndi kem ɓē kə Sikəlag tə́ ní, Saul i kə́ oy kɔ̄ɔ́. Dabid ndi Sikəlag rāā ndɔ̄ jōó.

1 SAMUEL 30:14

Kété ní j-aw̄ jə-ɓogə yá̰a̰ gō nang kə́ Negeb yā Kəretə gə̄ tə́ ō yā Juda gə̄ tə́ ō gō nang kə́ Negeb yā Kaleb tə́ ō. J-əla hor dɔ ɓē kə́ Sikəlag tə́ ō.

1 SAMUEL 30:1

Dabid nin̄ kə deē yān gēé ugə̄n̄ kem ɓē kə́ Sikəlag tə́ i kə ndɔ̄ kə́ nge ko̰ mətá. Ba kété pá tá kadə̄ nin̄ ugə̄n̄ ní, Amalek gə̄ aw̄ ɓogən̄ de gə̄ kə́ dɔ nang kə́ Negeb tə́ ō de gə̄ kə́ kem ɓē kə́ Sikəlag tə́ ō. Nin̄ nujən̄ ɓē sák sák kɔ̄ɔ́ ō əlan̄ hor dɔ tə́ ō.

1 SAMUEL 19:5

Ni-un rɔ̄n adə̄ i yo n tɔ̄ləń Pilistin deē ní. Kɔ́ɔ̄ɓē tetə i rɔ̄ɔ̄ kə́ bo ngá̰ý n adə̄ ngán Israel gə̄ ndɔ̄ ń noō tə́ ní. Īkɔ́ á̰a̰ā̰ ō, rɔ̄í nelī ō. Ba i tām̄ rí tə́ á ī-sāā ɓōkə́ mósə de kə́ kanjə̄ najə̄ dɔn tə́ nang tə́ yā rāań yá̰á̰ kə́ majaĺ ní? I tām̄ rí tə́ á ī-sāā tɔ̄l̄ Dabid kanjə̄ kumən ní?

JOJUE 19:5

Sikəlag ō, Bet Markabot ō, Hasar Susa ō,

1 SAMUEL 27:5

Ndɔ̄ kə́rēý tə́ anī Dabid əda Akis na: Kɔ́ɔ̄ɓē gə̄, ré ī-ndigə rāā kem majə seḿ anī, ādə̄m̄ ta róbə ādə̄ m̄-ndi ngōn̄ ɓē kə́rēý kə́ kem muú tə́. Kə m̄-ndi seí kem ɓē bo yā mban̄g tə́ i tām̄ rí tə́?

1 SAMUEL 29:4

Wōn̄g rāā ngār gə̄ yā Pilistin gə̄ kə Akis adə̄ ədanən̄ na: Ī-tə̄ɓā deē ń noō ādə̄ tél aw̄ gogə́ loo ń ɔ́jən kadə̄ ndi tū tə́ ní tə́. Ādə̄ aw̄ sejí ta rɔ̄ɔ̄ tə́ aĺ na sōgə́ tél tūr̄ rɔ̄n rɔ̄jí. Yá̰á̰ ń kadə̄ rāā tá kɔ́ɔ̄n a tél yā ndigənneé gogə́ ní i kəla de gə̄ yājí gə̄ ń toō jīn tə́ ngóy aĺ a?