1 SAMUEL 26:8 - Bibəl ta Sar̄

⁸ Abisai əda Dabid na: Ɓōólaā Nə́ɓā əla madə̄ ba̰ā̰í jīí tə́. Adə̄ ādə̄m̄ ta róbə ādə̄ m-āw̄ m-ɔ́sən kə nəngaá ta kógə̄ḿ ngóy m-ə́ren nang tə́. M-ā m-ɔ́sən i nja jōó alé.

Bible sar

⁸ Abisai əda Dabid na: Ɓōólaā Nə́ɓā əla madə̄ ba̰ā̰í jīí tə́. Adə̄ ādə̄m̄ ta róbə ādə̄ m-āw̄ m-ɔ́sən kə nəngaá ta kógə̄ḿ ngóy m-ə́ren nang tə́. M-ā m-ɔ́sən i nja jōó alé.

1 SAMUEL 26:8 Referans Kwoze

1 SAMUEL 24:4

Nin̄ ugə̄n̄ loo ń gong batə̄ gə̄ i tū tə́ kə gō kadə róbó ní tə́, anī Saul aw̄ ta wa tə́ kem bəlo mbal̄ kógə̄ḿ kə́ ra loo ní tə́ tə́. Ba Dabid nin̄ kə deē yān gēé ndin̄ gə́le bəlo mbal̄ ní tə́.

1 SAMUEL 26:23

Ādə̄ Kɔ́ɔ̄ɓē əndā njají kógə̄ḿ kógə̄ḿ tām̄ yá̰á̰ kə́ gōtə́ ń jə-rāāī tə́ ní ō tām̄ yá̰á̰ kə́ rɔ̄kum tə́ ō. Ɓōólaā Kɔ́ɔ̄ɓē əlaī jīḿ tə́ banī m-ɔ́də tɔ̄lī alé. Tɔdɔ̄ ḭ̄ i mban̄g ń Kɔ́ɔ̄ɓē ur yibə̄ ngār dɔí tə́ ní.

1 SAMUEL 23:14

Dabid aw̄ ndi kem dəla loo kə́ Jip tə́, mbo̰ō̰ mbal̄ gə̄ kə́ loo kaw̄ tū tə́ tōr̄ ngá̰ý tə́, gō nang kə́ mbalá tə́. Saul ndəlen i kə dɔ ndɔ̄ gə̄, banī Nə́ɓā əya̰ Dabid adə̄ əsō jīn tə́ alé.

NGÉ SARYA 1:4

Loo ń noō tə́ Simeo̰ gə̄ ɓoon̄ rɔ̄də́ tū yā Juda gə̄ tə́ aw̄nəń rɔ̄ɔ̄ tə́. Kɔ́ɔ̄ɓē əla Kanaan gə̄ ō, Periji gə̄ ō, kem jīdə́ tə́ adə̄ nin̄ tɔ̄lə̄n̄də́ dūbú kutə kem ɓē kə́ Bejek tə́.

JOJUE 21:44

Kɔ́ɔ̄ɓē adə̄ lápə́ya reē dɔ nang yādə́ tə́ malang tītə̄ ń ənīń ndūn adə̄ kaadə́ gə̄ ní. Ni-rāā adə̄ nin̄ tetən̄ madə̄ ba̰ā̰də́ gə̄ malang rɔ̄ɔ̄. Madə̄ ba̰ā̰də́ kógə̄ḿ kə́ asə ra ngan̄g nodə́ tə́ gətóo.

NDŪ NAJƏ̄ 32:30

Loo kadə̄ de kə́ kógə̄ḿ beē tə̄ɓā Israel gə̄ dūbú ō, kadə̄ de kə́ jōó beē gə̄ tə̄ɓān̄ Israel gə̄ dūbú kutə ō, kanjə̄ kadə̄ i mā Kɔ́ɔ̄ɓē ń i mbal̄ yādə́ ní n m-ə́ládə́ kem jī madə̄ ba̰ā̰də́ gə̄ tə́ ní i ba̰ý?

Makətūbə̄ ń Pol ndang adə̄ Rom gə̄ ní 11:32

Tɔdɔ̄ Nə́ɓā utə̄ de gə̄ malang i kem mbātə́ koō tan tə́ tə́, yā kadə̄ kumən o̰o̰nəń sedə́ malang.

NAHUM 1:9

Yá̰á̰ ń ī-gírī dɔ Kɔ́ɔ̄ɓē tə́ ní i rí? Ni i nge nujə madə̄ ba̰ā̰n gə̄. Nin̄ a nujən̄ sesí nja kə́ nge ko̰ jōó to̰ alé.

PĀ GƏ̄ 31:8

M-ā m̄-ndām̄ kə rɔ̄nelēé tām̄ yá̰a̰ rāāí kem majə yāí tə́, tɔdɔ̄ ḭ̄ á̰a̰ rɔ̄ tō ndoō yāḿ ō, ī-ger̄ wur kɔl yāḿ ō.

1 SAMUEL 26:7

Ndɔ̄ɔ́ anī Dabid nin̄ kə Abisai udən̄ kem gérger yā ngé rɔ̄ɔ̄ gə̄ tə́. Saul to kem gérgereé danaá to a ɓīī ō. Nənga yān i kə́ kudə kum kə̄ dɔ tə́, ba Abner nin̄ kə ɓūtə̄ ngé rɔ̄ɔ̄ gēé ton̄ kə gō gidəneé a ɓīīn̄.

1 SAMUEL 26:9

Dabid əda Abisai na: Ī-lōō tɔ̄lən. Ɔ́jəń na deē a tɔ̄l̄ mban̄g kə́ Kɔ́ɔ̄ɓē ur yibə̄ ngār dɔn tə́ kanjə̄ kənge najə̄ a?

2 SAMUEL 16:9

Abisai ngōn̄ Seruya əda mban̄g na: Bísə́ kə́ nger əsan ń toō a ndɔ̄ĺ mban̄g yāḿ beé i tām̄ rí tə́? Ādə̄m̄ ta róbə ādə̄ m-āw̄ m-ə́ja dɔn m̄-gān̄g.

JEREMI 40:15

Tā anī Yohanan, ngōn̄ Karea əda Gedalia loo mundə̄ tə́ jəke Misəpa na: Ādə̄m̄ ta róbə ādə̄ m-āw̄ m̄-tɔ̄l̄ Ismael kə́ ngōn̄ Netania kanjə̄ kadə̄ deē ger̄ gō. Ī-gḛy kadə̄ tɔ̄lī kə̄ non tə́ a? De kə́ Juda tə́ gə̄ malang ń ndi gīrə̄n̄ gidií ní a tə̄ndān̄ naā yā tḭ̄ḭ̄ kə̄ loo gə̄ tə́ ō, de gə̄ ń na̰yn̄ Juda tə́ ní a oyn̄ ō.

1 SAMUEL 24:5

Deē yā Dabid gə̄ ədanən̄ na: Ndɔ̄ ń Kɔ́ɔ̄ɓē ədaī najə̄n ní n toó. Ni-ədaī kété na ndɔ̄ kə́rēý tə́ anī n-a n-əla madə̄ ba̰ā̰í jīí tə́ kadə̄ ī-rāā yá̰á̰ ń kemií ndigə ní seneé. Anī Dabid ḭḭ dɔɔ́ ba gān̄g ta kūbə̄ yā Saul jəke.