1 SAMUEL 26:6 - Bibəl ta Sar̄

⁶ Dabid əda Ahimelek ń i Het ní nin̄ kə Abisai kə́ ngōn̄ Seruya ō kə́ ngōkó̰o̰ Joab ō na: I náā n ndigə kaw̄ seḿ bátə́ rɔ̄ɔ̄ Saul tə́ kem gérgereé ní? Anī Abisai tél ədan na: M-ā m-āw̄ seí.

Bible sar

⁶ Dabid əda Ahimelek ń i Het ní nin̄ kə Abisai kə́ ngōn̄ Seruya ō kə́ ngōkó̰o̰ Joab ō na: I náā n ndigə kaw̄ seḿ bátə́ rɔ̄ɔ̄ Saul tə́ kem gérgereé ní? Anī Abisai tél ədan na: M-ā m-āw̄ seí.

1 SAMUEL 26:6 Referans Kwoze

2 SAMUEL 2:18

Ngán Seruya kə́ mətá gə̄ ń rīdə́ na i Joab ō, Abisai ō, Asael ō ní nin̄ i kum tə́. Asael i de kə́ ngɔ̄də̄ ngá̰ý tītə̄ kāl̄ kə́ bembeé beé.

2 SAMUEL 23:39

Uri ń i Het ní ō. Malang ɓáa nin̄ i deē kutə mətá gidə i sīrí.

2 SAMUEL 23:18

Abisai kə́ ngōkó̰o̰ Joab i ngōn̄ Seruya. Ni i ngol ngé rɔ̄ɔ̄ gə̄ kə́ nin̄ i kutə mətá kem ɓūtə̄ yādə́ tə́. Ndɔ̄ kógə̄ḿ tə́ anī, ni tɔ̄l̄ madə̄ ba̰ā̰ gə̄ ɓú mətá kə nənga yānneé, adə̄ rīn ɓār̄ dan ngé rɔ̄ɔ̄ kə́ kutə mətá gə̄ tə́.

2 SAMUEL 18:5

Mban̄g əda Joab ō, Abisai ō, Itai ō, na ré ɓōlə́n̄ ndílən anī kə lōōn̄ rāā ngōnən Absalom yá̰á̰ kə́ tōr̄ gə̄. Najə̄ ń mban̄g əda ngol áskar gə̄ tām̄ yā Absalom tə́ ní ngé rɔ̄ɔ̄ gə̄ malang oōn̄.

2 SAMUEL 12:9

I tām̄ rí tə́ á ídə taí gír najə̄ yā Kɔ́ɔ̄ɓē tə́ ba ī-rāā yá̰á̰ kə́ nelə̄n aĺ ní? I ḭ̄ n ī-tɔ̄l̄ Uri kə́ Het kə kaskaraá ní. Ī-rāā yá̰a̰ adə̄ Amon gə̄ tɔ̄l̄nən̄ kə kaskaraá ba gō tə́ anī ī-taā nə̄yá̰n.

2 SAMUEL 11:24

I loo ń noō tə́ n ngé kur gərā gə̄ ran̄ dɔ ndogə̄ mbal̄ tə́ dɔɔ́ túrə̄n̄ ngé kəla yāí gə̄ ní. Ngé kəla yā mban̄g kə́rēý gə̄ oyn̄ ō, nge kəla yāí Uri ń ni i Het ní oy ō.

2 SAMUEL 11:21

Ké i náā n tɔ̄l̄ Abimelek kə́ ngōn̄ Yerbesetə ní wa? Ké i de kə́ dəyá̰ n ra dɔ ndogə̄ mbal̄ tə́ ənīn kə mbal̄ riī yá̰á̰ ní aĺ wa? ké Abimelek oy kem ɓē kə Tebes tə́ i tītə̄ n noō aĺ wa? Ké āwī ngɔr rɔ̄ ɓē tə́ i tām̄ rí tə́ wa? Anī ī-téĺ ə́dan na: Nge kəla yāí Uri ń i Het ní oy ō.

2 SAMUEL 11:6

Anī Dabid əla kəla əda Joab n i ngol áskar gə̄ ní na kə əla kə Het ń rīn na i Uri ní kə adə̄n. Adə̄ Joab əla seneé adə̄n.

TA KƏLA 15:20

yā Het gə̄ yā Periji gə̄ yā Repay gə̄

TA KƏLA 10:15

Kanaan ojə Sidon ń i ngōn̄ hágən ní ō, Het ō,

TA KƏLA 23:3

Ni-ḭḭ dɔ nīń nə̄yá̰n tə́ aw̄ ɔr̄ najə̄ kə Het gēé, ədadə́ na:

TA KƏLA 26:34

Esau rāā ɓāl̄ kutə sɔ́ anī taā Judit ngōn̄ Beri ń i Het ní ō, Basmat ngōn̄ Elon ń i Het ní ō.

JOJUE 3:10

Ā ī-gerī kadə̄ Nə́ɓā kə́ kə kumuúi dɔ dáńsí tə́ ō, kadə̄ ni a tə̄ɓā Kanaan gə̄ ō, Het gə̄ ō, Hibi gə̄ ō, Periji gə̄ ō, Girgas gə̄ ō, Amor gə̄ ō, Yebus gə̄ kɔ̄ɔ́ nosí tə́ i kə ta kūl̄ yá̰á̰ ń toō:

1 SAMUEL 26:7

Ndɔ̄ɔ́ anī Dabid nin̄ kə Abisai udən̄ kem gérger yā ngé rɔ̄ɔ̄ gə̄ tə́. Saul to kem gérgereé danaá to a ɓīī ō. Nənga yān i kə́ kudə kum kə̄ dɔ tə́, ba Abner nin̄ kə ɓūtə̄ ngé rɔ̄ɔ̄ gēé ton̄ kə gō gidəneé a ɓīīn̄.

1 MBAN̄G GƏ̄ 10:29

Púsə́ kə́ kḭḭń Ejiptə tə́ ní, gātə̄n i njáŕ sə́lē arjā̰a̰ ɓú mehḛ́, ba sə́nda i njáŕ sə́lē arjā̰a̰ ɓú kə kutə mí. Ngé rāā gātə̄ kə́ kógə̄ḿ beē gə̄ nəkɔ́ ń toō a reēn̄neé tām̄ yā mban̄g yā Het gə̄ tə́ ō, mban̄g gə̄ kə́ Aram tə́ ō.

2 MBAN̄G 7:6

Tɔdɔ̄ Kɔ́ɔ̄ɓē rāā adə̄ Aram gə̄ oōn̄ ká̰ púsə gə̄ ō, ká̰ sə́nda gə̄ ō, ká̰ ngé rɔ̄ɔ̄ kə́ ngá̰ý gə̄ ō, kem gérger yādə́ tə́, ba ədan̄ naā na mban̄g kə́ Israel tə́ na adə̄ mban̄g gə̄ yā Het gə̄ ō, mban̄g gə̄ kə́ Ejiptə tə́, ō nar kadə̄ rɔ̄ɔn̄neédə́ dɔn tə́.

2 SAMUEL 2:13

Joab kə́ ngōn̄ Seruya nin̄ kə ngé rɔ̄ɔ̄ yā Dabid gə̄ teēn̄ ō. Nin̄ əngen̄ naā kadə dang kə́ Gabaon tə́. Deē yā Abner gə̄ ran̄ gidə dang ní tə́ dām̄ kə́rēý tə́ ō, deē yā Joab gə̄ ran̄ gidə dang ní tə́ dāmə̄n kə́ noō tə́ ō.

2 SAMUEL 23:34

Elipelet ngōn̄ Ahasəbai kə́ ngōn̄ deē kógə̄ḿ kə́ Maaka ō, Eliam ngōn̄ Ahitopel kə́ Gilo ō,