1 SAMUEL 26:24 - Bibəl ta Sar̄

²⁴ Tītə̄ ń ndií ḭ̄ kə kumií i yá̰á̰ kə́ gātə̄n i ngá̰ý ta kum mā tə́ ní, ādə̄ ndiḿ mā kə kumḿ i yá̰á̰ kə́ gātə̄n i ngá̰ý ta kum Kɔ́ɔ̄ɓē tə́ ō ba ādə̄ ɔrə̄m̄ kɔ̄ɔ́ kum yá̰á̰ kə́ to yo gə̄ tə́ malang.

Bible sar

²⁴ Tītə̄ ń ndií ḭ̄ kə kumií i yá̰á̰ kə́ gātə̄n i ngá̰ý ta kum mā tə́ ní, ādə̄ ndiḿ mā kə kumḿ i yá̰á̰ kə́ gātə̄n i ngá̰ý ta kum Kɔ́ɔ̄ɓē tə́ ō ba ādə̄ ɔrə̄m̄ kɔ̄ɔ́ kum yá̰á̰ kə́ to yo gə̄ tə́ malang.

1 SAMUEL 26:24 Referans Kwoze

MATIYE 5:7

Rɔ̄nel̄ i kə ngé gə̄ ń rāān̄ kem majə kə de gēé ní, tɔdɔ̄ Nə́ɓā a rāā kem majə sedə́.

JEJU TEĒ KUM JA̰A̰ 7:14

Anī m̄-téĺ m-ə́dan na: Kɔ́ɔ̄ḿ, īkɔ́ ī-ger̄ mbak aĺ a. Loo ń noō tə́ ni ədam̄ na: I de gə̄ ń teēn̄ kum yá̰a̰ nāā kə́ bo ngá̰ý tə́ ní. Nin̄-tə́gon̄ kūbə̄ ngāl̄ yādə́ gə̄ adə̄ unjə̄ i kum mósə Ngōn̄ batə̄ tə́.

2 TESALONIK 3:2

Ī-ndɔ̄yī tá kadə̄ Nə́ɓā ɔr̄jí jī ngé kem ndul gə̄ tə́ ō, jī de kə́ tōr̄ gə̄ tə́ ō, tɔdɔ̄ i de gə̄ malang n taān̄ kem ní alé.

KƏLA RĀĀ 14:22

Nin̄-mbūsə̄n̄ ngé taā kem gə̄ kə najá ō, əlan̄ go̰ kemdə́ tə́ kadə̄ ran̄ ngan̄g dɔ taā kem yādə́ tə́ ō. Nin̄-ədan̄də́ na: I gáŕ kadə̄ wur kɔl əsō dɔjí tə́ pá tá j-a j-udiī kem Ɓē ko̰o̰ yā Nə́ɓā tə́ ɓáý.

MATIYE 7:2

Tām̄ a gāngə̄n̄ sarya dɔsí tə́ i tītə̄ ń ī-gāngīneé dɔ madə̄sí gə̄ tə́ ní ō, a mbɔ̄jə́n̄ yá̰a̰ yā kadə̄sí i kem kār̄ tɔ̄jə̄ yá̰á̰ ń sḭḭ̄ ī-mbɔ̄jíīneé yá̰a̰ ādī tə́ ní ō.

PĀ GƏ̄ 144:2

I ni n i nge rāā kem majə seḿ ní ō, ni i loo ɓɔ̄ɔ̄ rɔ̄ yāḿ ō, i ni n i loo ndi kə́ ngan̄g ngá̰ý ō, nge kajəḿ ō ní. Ni i der yāḿ ō, m-ā m̄-ɓɔ̄ɔ̄ rɔ̄ḿ i rɔ̄n tə́ ō. Ni-əla dɔ gír deē yāḿ gə̄ gíŕ tɔ́gə yāḿ tə́ ō.

PĀ GƏ̄ 54:7

Ādə̄ ni-rāā adə̄ yá̰á̰ kə́ majaĺ tél əsō dɔ ngé rɔ̄ɔ̄ḿ gə̄ tə́! Ī-rāā ādə̄ nin̄ gətóon̄ kɔ̄ɔ́ malang, sɔɔ̄ń yá̰a̰ rāāí kə́ gōtə́.

PĀ GƏ̄ 18:48

Ni i Nə́ɓā ń rāā ba̰ā̰ adə̄m̄ ō, əla dɔ gír de gə̄ gíŕ tɔ́gə yāḿ tə́ ō ní.

PĀ GƏ̄ 18:25

Loo ń noō tə́ Kɔ́ɔ̄ɓē əndā njaḿ sɔɔ̄ń hálə́ḿ kə́ gōtə́ ō, jīḿ kə́ unjə̄ njáý njáý ń ni a̰ā̰ ní ō.

PĀ GƏ̄ 18:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid kə́ nge kəla yā Kɔ́ɔ̄ɓē. Ni-ɔr̄ najə̄ kə Kɔ́ɔ̄ɓēé kə pāá i gō gān̄g ń Kɔ́ɔ̄ɓē gān̄g dɔn jī Saul tə́ ō, jī madə̄ ba̰ā̰n gə̄ tə́ malang ní ō, əda na:

TA KƏLA 48:16

kadə̄ de kə́ dɔ rā̰ tə́ ń un yá̰á̰ kə́ majaĺ gə̄ kɔ̄ɔ́ dɔn tə́ ní, kə rāā majə kə ngán gə̄ ń toō. Kadə̄ ɓārə́n̄də́ kə rīneé ō, kə rī kaan Abərahamaá ō, kə rī bɔbə̄n Isaaká ō. Kadə̄ ojən̄ naā ngá̰ý kem ɓēé ō.

1 SAMUEL 18:30

Dan ngeé ń noō tə́ ní ngār gə̄ yā Pilistin gə̄ teē a rɔ̄ɔ̄n̄ ngán Israel gə̄. Ba kə dɔ kaw̄də́ rɔ̄ɔ̄ tə́ gə̄ malang ní Dabid rɔ̄ɔ̄ tɔȳ gotə ngol áskar gə̄ yā Saul malang adə̄ rīn ɓār̄ ngá̰ý.

1 SAMUEL 24:16

Kɔ́ɔ̄ɓē a tél nge gān̄g sarya. Ādə̄ ni-gān̄g sarya kə́ dɔjí jḭḭ seí jōó tə́. Ādə̄ əndā ma̰ȳ najə̄ yāḿ ō ī-rɔ̄ɔ̄ dɔḿ tə́ ō ba ɔrə̄m̄ kɔ̄ɔ́ jīí tə́.

2 SAMUEL 4:9

Dabid tél əda ngán Rimon kə́ Beerot ń i Rekab nin̄ kə ngōkó̰o̰n Baana ni na: Tītə̄ ń Kɔ́ɔ̄ɓē nge kɔrə̄m̄ kum yá̰á̰ kə́ tōr̄ gə̄ tə́ malang ndiń kə kumneé noō,

PĀ GƏ̄ 34:20

Yá̰á̰ kə́ to kum kaȳ aĺ gə̄ rāān̄ de kə́ súmūú ngá̰ý, ba Kɔ́ɔ̄ɓē ɔrə̄n kɔ̄ɔ́ kum tə́ malang.