1 SAMUEL 26:23 - Bibəl ta Sar̄

²³ Ādə̄ Kɔ́ɔ̄ɓē əndā njají kógə̄ḿ kógə̄ḿ tām̄ yá̰á̰ kə́ gōtə́ ń jə-rāāī tə́ ní ō tām̄ yá̰á̰ kə́ rɔ̄kum tə́ ō. Ɓōólaā Kɔ́ɔ̄ɓē əlaī jīḿ tə́ banī m-ɔ́də tɔ̄lī alé. Tɔdɔ̄ ḭ̄ i mban̄g ń Kɔ́ɔ̄ɓē ur yibə̄ ngār dɔí tə́ ní.

Bible sar

²³ Ādə̄ Kɔ́ɔ̄ɓē əndā njají kógə̄ḿ kógə̄ḿ tām̄ yá̰á̰ kə́ gōtə́ ń jə-rāāī tə́ ní ō tām̄ yá̰á̰ kə́ rɔ̄kum tə́ ō. Ɓōólaā Kɔ́ɔ̄ɓē əlaī jīḿ tə́ banī m-ɔ́də tɔ̄lī alé. Tɔdɔ̄ ḭ̄ i mban̄g ń Kɔ́ɔ̄ɓē ur yibə̄ ngār dɔí tə́ ní.

1 SAMUEL 26:23 Referans Kwoze

PĀ GƏ̄ 62:12

Nə́ɓā əda najə̄ kógə̄ḿ, i kum najə̄ jōó n m-ōō ní, kə́ kógə̄ḿ na: Tɔ́gə i yā Nə́ɓā ō,

NEHEMI 13:14

Nə́ɓā yāḿ, ādə̄ əga kemií dɔḿ tə́ najə̄ yá̰á̰ ń noō tə́. Ī-lōō kadə̄ dɔí ndígə̄nal háĺ kə́ súmūú ń m̄-rāań kəla tām̄ yā kújə yā Nə́ɓā yāḿ tə́ ō, kəla yān tə́ ō ní.

1 MBAN̄G GƏ̄ 8:32

Kɔ́ɔ̄ɓē ḭ̄ ń ī-ndi dɔ rā̰ tə́ ní ōō najə̄ yā kɔ́ɔ̄. Ī-rāā yá̰á̰ kógə̄ḿ ī-gāngəń sarya kə́ dɔ dáń ngé kəla yāí gə̄ tə́. Deē ń najə̄ i dɔn tə́ ní ī-rāā ādə̄ háĺ kɔ́ɔ̄ tél əsō dɔ kɔ́ɔ̄ tə́ ō, deē ń najə̄ gətóo dɔn tə́ ní, ɔ́jə kə̄ ndágá kadə̄ najə̄ gətóo dɔn tə́ kə ta kūl̄ rāā seneé yá̰á̰ kə́ ɔjə kadə̄ hálən i kə́ súmūú ō.

1 SAMUEL 26:11

Ré m̄-tɔ̄l̄ mban̄g ń Kɔ́ɔ̄ɓē ur yibə̄ ngār dɔn tə́ ní anī, ādə̄ mā i yá̰á̰ kə́ to yḛr kum tām̄ yā Kɔ́ɔ̄ɓē tə́. Ní ɔ̄r̄ nənga ń ra kum kə̄ dɔn tə́ noō ō, ún gaĺ man̄ yān ō, ba ādə̄ j-aw̄.

1 SAMUEL 26:9

Dabid əda Abisai na: Ī-lōō tɔ̄lən. Ɔ́jəń na deē a tɔ̄l̄ mban̄g kə́ Kɔ́ɔ̄ɓē ur yibə̄ ngār dɔn tə́ kanjə̄ kənge najə̄ a?

1 SAMUEL 24:12

Bɔbə́ḿ, á̰a̰ā̰, ta kūbə̄ yāí n to jīḿ tə́ toō. Dan ń m̄-gān̄g ta kūbə̄ yāí ba m̄-tɔ̄lī aĺ ní, asə kadə̄ ī-ger̄ na m-ə́hɔī kemḿ tə́ aĺ ō, m̄-gír̄ kənī wúȳ jīí tə́ aĺ ō, m̄-rāā majaĺ seí aĺ ō. Ba i ḭ̄ n ā ī-ndəlem̄ patə patə yā tɔ̄lə̄m̄ ní.

1 SAMUEL 24:18

ba əda Dabid na: Ḭ̄ i de kə́ súmūú tɔȳm̄ mā, tām̄ ī-rāā majə seḿ ba mā m̄-rāāī majaĺ.

1 SAMUEL 24:19

Ɓōólaā ɔ́jəḿ kem majə yāí kə̄ ndágá, tɔdɔ̄ Kɔ́ɔ̄ɓē əlam̄ jīí tə́ ba ī-mbātə́ tɔ̄lə̄m̄.

1 SAMUEL 26:22

Dabid tél əda na: Kɔ́ɔ̄ ɓē gə̄, nənga yāí n toó. Ādə̄ balsáa yāí kógə̄ḿ reē un.

2 SAMUEL 22:21

I tām̄ háĺ kə́ gōtə́ kə́ m̄-rāā tə́, I tām̄ jīḿ kə́ unjə̄ njáý njáý tə́ n Kɔ́ɔ̄ɓē rāań yá̰á̰ kə́ beē seḿ ní.

1 SAMUEL 24:11

Ḭ̄kɔ́ á̰a̰ā̰ kə kumií ɓōólaā kadə̄ Kɔ́ɔ̄ɓē əlaī jīḿ tə́ kem bəlo mbal̄ ń toō tə́. Deē yāḿ gə̄ mēr̄mə̄n̄ tɔ̄lī, banī kumḿ o̰o̰m̄ tām̄ yāí tə́ adə̄ m-ə́da na: M-ā m-ə́la jīḿ yā kɔdəń rɔ̄ kɔ́ɔ̄ḿ alé, tɔdɔ̄ ni i deē ń Kɔ́ɔ̄ɓē ur yibə̄ ngār dɔn tə́ ní.

2 SAMUEL 22:25

Loo ń noō tə́ Kɔ́ɔ̄ɓē əndā njaḿ najə̄ háĺ kə́ gōtə́ kə́ m̄-rāā seneé tə́, najə̄ háĺ kə́ unjə̄ njáý njáý kə́ m̄-rāā adə̄ a̰a̰ kə kumneé tə́.

Makətūbə̄ yā Job 34:11

Tɔdɔ̄ ni a əndā nja deē i kə gō kəla rāān gēé ō, yá̰á̰ ń ni-rāā kə de gēé kógə̄ḿ kógə̄ḿ ní, i kə gō kəla rāādə́ gēé ō.