1 SAMUEL 26:21 - Bibəl ta Sar̄

²¹ Saul əda na: m̄-rāā majaĺ. Ngōnə̄ḿ Dabid, ī-tél ī-reē. M-ā m̄-rāāī majaĺ to̰ alé, tām̄ ndɔ̄ɔ́ laā ḭ̄ á̰a̰ā̰ kadə̄ ndi kə kumuú yāḿ mā i yá̰á̰ kə́ gātə̄n i ngá̰ý ta kumií tə́. Rɔ̄kum, yá̰á̰ ń m̄-rāā ní i tītə̄ kə́ i nge kɔ̄r̄ n rāā yá̰a̰ beé. m̄-rāā i yá̰á̰ kə́ gōtə́ aĺ ngá̰ý.

Bible sar

²¹ Saul əda na: m̄-rāā majaĺ. Ngōnə̄ḿ Dabid, ī-tél ī-reē. M-ā m̄-rāāī majaĺ to̰ alé, tām̄ ndɔ̄ɔ́ laā ḭ̄ á̰a̰ā̰ kadə̄ ndi kə kumuú yāḿ mā i yá̰á̰ kə́ gātə̄n i ngá̰ý ta kumií tə́. Rɔ̄kum, yá̰á̰ ń m̄-rāā ní i tītə̄ kə́ i nge kɔ̄r̄ n rāā yá̰a̰ beé. m̄-rāā i yá̰á̰ kə́ gōtə́ aĺ ngá̰ý.

1 SAMUEL 26:21 Referans Kwoze

1 SAMUEL 24:17

Dan ń Dabid ɔr̄ najə̄ oy anī, Saul dəjen na: Ngōnə̄ḿ Dabid, i īkɔ́ n ɔ̄r̄ najə̄ seḿ toō a? Gō tə́ anī Saul mbutə kə̄ nōō tə́,

1 SAMUEL 15:24

Saul əda Samuel na: m̄-rāā majaĺ, tām̄ m̄-rāā yá̰á̰ ń Kɔ́ɔ̄ɓē ədam̄ ní aĺ ō, m̄-mbātə́ najə̄ gə̄ ń ḭ̄ ɔ̄r̄ seḿ ní ō. Tɔdɔ̄ m̄-ɓōĺ i de gə̄, adə̄ m̄-rāā i yá̰á̰ ń kemdə́ ndigə ní.

Teē Ngán Israel gə̄ 9:27

Parao̰ ɓāŕ Moijə nin̄ kə Aaro̰ ədadə́ na: Kə́ ɓōó ń toō i mā n m̄-rāā majaĺ ní. Kɔ́ɔ̄ɓē i de kə́ súmūú, adə̄ najə̄ i dɔḿ mā tə́ ō, dɔ gír deē yāḿ gə̄ tə́ ō.

MATIYE 27:4

ba ədadə́ na: m̄-rāā majaĺ, tɔdɔ̄ m-ə́la de kə́ kanjə̄ najə̄ dɔn tə́ jī de gə̄ tə́ kadə̄ tɔ̄l̄nən̄. Banī nin̄-tél ədanən̄ na: Nge ń noō usəjí i rí? I najə̄ yāí īkɔ́!

1 SAMUEL 15:30

Saul tél əda ɓáý to̰ na: m̄-rāā majaĺ rɔ̄kum. Ba ń-toō ní m̄-rāāī ɓɔ́, ī-rɔȳm̄ ta kum kum kɔɔ̄ gə̄ yā deē yāḿ gə̄ tə́ ō, ta kum ngán Israel gə̄ tə́ ō. Ī-tél seḿ ādə̄ m-āw̄ m-ɔ́sə noḿ kə̄ nang tə́ no Kɔ́ɔ̄ɓē yāí tə́.

PĀ GƏ̄ 116:15

Ka̰a̰ deē yān gə̄ loo koy tə́ i yá̰á̰ kə́ tōr̄ rɔ̄ Kɔ́ɔ̄ɓē.

PĀ GƏ̄ 49:8

Deē asə gān̄g dɔ deē madə̄n aĺ ō, asə kadə̄ Nə́ɓā nar yā gāngəń dɔ rɔ̄n nəkɔ́ aĺ ō.

1 SAMUEL 27:4

Dan ń Saul oō kadə̄ Dabid a̰ȳ aw̄ ɓɔ̄ɔ̄ rɔ̄n kem ɓē kə́ Gat tə́ ní anī, ni-lōō gír ndəlen tə́.

1 SAMUEL 26:24

Tītə̄ ń ndií ḭ̄ kə kumií i yá̰á̰ kə́ gātə̄n i ngá̰ý ta kum mā tə́ ní, ādə̄ ndiḿ mā kə kumḿ i yá̰á̰ kə́ gātə̄n i ngá̰ý ta kum Kɔ́ɔ̄ɓē tə́ ō ba ādə̄ ɔrə̄m̄ kɔ̄ɔ́ kum yá̰á̰ kə́ to yo gə̄ tə́ malang.

1 SAMUEL 18:30

Dan ngeé ń noō tə́ ní ngār gə̄ yā Pilistin gə̄ teē a rɔ̄ɔ̄n̄ ngán Israel gə̄. Ba kə dɔ kaw̄də́ rɔ̄ɔ̄ tə́ gə̄ malang ní Dabid rɔ̄ɔ̄ tɔȳ gotə ngol áskar gə̄ yā Saul malang adə̄ rīn ɓār̄ ngá̰ý.

TƏ́DA 22:34

Balam əda nge kaw̄ kəla yā Kɔ́ɔ̄ɓē na: m̄-rāā i yá̰á̰ kə́ gōtə́ alé, tɔdɔ̄ m̄-ger̄ kadə̄ i ḭ̄ n ī-ra noḿ tə́ kum róbó ní alé. Ba ń toō ní ré mbā ní nelī aĺ ɓáa m-ā m̄-tél yā kaw̄ gogə́ ɓēé.

1 SAMUEL 26:22

Dabid tél əda na: Kɔ́ɔ̄ ɓē gə̄, nənga yāí n toó. Ādə̄ balsáa yāí kógə̄ḿ reē un.

PĀ GƏ̄ 72:14

Ni a rɔ̄ɔ̄ dɔdə́ tə́ yā kadə̄ yá̰á̰ kə́ majaĺ rāādə́ aĺ ō, yá̰á̰ kə́ rāā kə dɔ́nɔ́ rāādə́ aĺ ō, tɔdɔ̄ ndi kə kumuú yādə́ gātə̄n i ngá̰ý ta kumən tə́.

1 SAMUEL 13:13

Samuel əda Saul na: Ī-rāā yá̰a̰ i tītə̄ de kə́ kur̄ dɔn gətóo beē. Yá̰á̰ ń Kɔ́ɔ̄ɓē Nə́ɓā yāí ədaī kadə̄ ī-rāā ní ī-rāā i yá̰á̰ kə́ karī tə́. Nə́ngētə́ gēé ī-rāā i gō míndə ń Kɔ́ɔ̄ɓē Nə́ɓā ə́daī ní anī, Kɔ́ɔ̄ɓē a rāā kadə̄ i gír kojə yāí ń a o̰o̰ ɓē dɔ Israel gə̄ tə́ i kə́ mbóńg gə̄ tə́ ní.

2 MBAN̄G 1:13

Mban̄g əla ngol áskar gə̄ kə́ nge ko̰ mətá kə áskar yān kə́ kutə mí gēé ɓáý to̰. Ngol áskar gə̄ kə́ nge ko̰ mətá ní al̄ aw̄ gō Eli tə́ kə deē yān gēé. Ba dan ń ugə̄n̄ anī, ɔsə kejən nang tə́ no Eli tə́ ba rāān ɓɔ́ əda na: Deē yā Nə́ɓā, m̄-rāāī ɓɔ́! Ādə̄ ndiḿ kə kumḿ ō, ndi ngé kəla yāí kə́ kutə mí gə̄ ń toō kə kumdə́ ō, i yá̰á̰ kə́ ngá̰ý ta kumií tə́, ba ī-lōō tɔ̄l̄jí.

2 MBAN̄G 1:14

m̄-ger̄ kadə̄ hor ḭḭ dɔ rā̰ tə́ o̰o̰ ngol áskar gə̄ kə́ jōó gə̄ kété kə deē yādə́ gēé. Banī kə ngɔr ń toō tə́ ní m̄-rāāī ɓɔ́, ādə̄ ndiḿ kə kumḿ i yá̰á̰ kə́ ngá̰ý ta kumií tə́ ba ī-lōō tɔ̄lə̄m̄!