1 SAMUEL 26:19 - Bibəl ta Sar̄

¹⁹ Kɔ́ɔ̄ ɓē gə̄, m̄-rāāī ɓɔ́, ōō najə̄ ń mā nge kəla yāí m-ā m-ə́daī ní: Ré i Kɔ́ɔ̄ɓē n ra seí ta rāām̄ yá̰á̰ kə́ beē anī, ādə̄ un usə yá̰a̰ ndējə̄ kə́ kotə majə. Ba ré i de gə̄ anī, ādə̄ Kɔ́ɔ̄ɓē ndɔ̄ĺdə́. Tɔdɔ̄ ɓōólaā tə̄ɓāmə̄n̄ kɔ̄ɔ́, ɔgə̄mə̄n̄ ndi dɔ nang ń Kɔ́ɔ̄ɓē adə̄ deē yān gə̄ tə́ ní. Adə̄ to i tītə̄ kə́ ədamə̄n̄ na kə m-āw̄ kə m̄-rāā ɓesə̄ gə̄ beé.

Bible sar

¹⁹ Kɔ́ɔ̄ ɓē gə̄, m̄-rāāī ɓɔ́, ōō najə̄ ń mā nge kəla yāí m-ā m-ə́daī ní: Ré i Kɔ́ɔ̄ɓē n ra seí ta rāām̄ yá̰á̰ kə́ beē anī, ādə̄ un usə *yá̰a̰ ndējə̄ kə́ kotə majə. Ba ré i de gə̄ anī, ādə̄ Kɔ́ɔ̄ɓē ndɔ̄ĺdə́. Tɔdɔ̄ ɓōólaā tə̄ɓāmə̄n̄ kɔ̄ɔ́, ɔgə̄mə̄n̄ ndi dɔ nang ń Kɔ́ɔ̄ɓē adə̄ deē yān gə̄ tə́ ní. Adə̄ to i tītə̄ kə́ ədamə̄n̄ na kə m-āw̄ kə m̄-rāā ɓesə̄ gə̄ beé.

1 SAMUEL 26:19 Referans Kwoze

2 SAMUEL 20:19

Dɔ nang kə́ Israel tə́ ní yá̰á̰ kə́ reē kə lápə́yaá tɔȳ gotə yá̰a̰ gə̄ malang i ɓē yājí ō, yá̰á̰ kə́ kadə̄ deē ənī kemən adə̄n tɔȳ gotə yá̰a̰ gə̄ malang i ɓē yājí ō. Banī ḭ̄ ī-sāā nujə ɓē kə́ bo kə́ dan madə̄ gə̄ tə́ dɔ nang kə́ Israel tə́. Yá̰á̰ ń i yá̰a̰ yā Kɔ́ɔ̄ɓē ní ī-sāā nujəń i tām̄ rí tə́?

2 SAMUEL 16:11

Dabid əda Abisai ō, ngé kəla yān gə̄ malang ō na: Ngōn̄ kemḿ mə̄kɔ́ ba sāā tɔ̄lə̄m̄ anī, i ngōn̄ Benjamḛ ń toō tá a. Ə́ya̰n̄! Ré i Kɔ́ɔ̄ɓē n ədan anī ādə̄ ndɔ̄lə́m̄.

2 SAMUEL 14:16

Adə̄ deē ń sāā tə̄ɓājí kə ngōnə̄ḿ kɔ̄ɔ́ kem ɓē ń Nə́ɓā adə̄ gír deē yān gə̄ tə́ ní, ḭ̄ ā ī-ndigə taājí kə ngōnə̄ḿ kem jī kɔ́ɔ̄ tə́ yā kəya̰jí dɔɔ́.

PĀ GƏ̄ 120:5

Yá̰á̰ kə́ to kum kaȳ aĺ kə́ ba̰ý beē! Tɔdɔ̄ m̄-ndi ɓē dan tə̄rā gə̄ tə́, m̄-ndi dan de kə́ kumdə́ o̰o̰də́ aĺ gə̄ tə́.

1 YÁ̰A̰ GƏ̄ 21:1

Ndɔ̄ kógə̄ḿ tə́ Sətan gḛy nujə kə Israel gēé, adə̄ sə̄lā Dabid ta tə́da kutədə́.

1 SAMUEL 18:10

Teē kə kōŕneé anī ndíĺ kə́ majaĺ kógə̄ḿ ḭḭ rɔ̄ Nə́ɓā tə́ reē udə kem Saul tə́ ba rāān adə̄ a̰a̰ oy oy kem kújə yān tə́. Dabid ugə kənde adə̄ Saul tītə̄ ń a ugəń kété gə̄ ní, ba Saul ndi i kə nəngaá jīn tə́.

TA KƏLA 8:21

Sēēn nel̄ Kɔ́ɔ̄ɓē, anī Kɔ́ɔ̄ɓē əda kə̄ kemən tə́ na n-a n-ndɔ̄ĺ dɔ nang tām̄ yā deē tə́ to̰ alé, tɔdɔ̄ gír̄ kə́ kem deē tə́ majaĺ i kə dūúneé. Adə̄ yá̰a̰ malang ń ndi kə kumuú ní, n-a n-tɔ̄l̄ kɔ̄ɔ́ tītə̄ ń na n-tɔ̄ləń noō i kə́ bátə́ gə̄ tə́.

2 TIMOTE 4:14

Alekjandər ń i kɔdə̄ kə́ nge koo yá̰á̰ ní, rāā yá̰á̰ kə́ majaĺ ngá̰ý seḿ. Ba Kɔ́ɔ̄ɓē a əgān kə̄rān.

GALATƏ 5:12

Ādə̄ ngé tə́la najə̄ kemsí tə́ gə̄ ɔrə̄n̄ gum̄də́ nin̄ kɔ́ gə̄ kɔ̄ɔ́ ɗer.

Makətūbə̄ ń Pol ndang adə̄ Rom gə̄ ní 14:15

Ré yá̰á̰ ń ə́sá ní rāā adə̄ rɔ̄ ngōkó̰ó̰í nelə̄n aĺ anī, yá̰á̰ ń ī-rāā noó i kə tárá to̰ alé. I beé ní, ī-lōō kadə̄ ngōkó̰ó̰í ń Kərist oy tām̄ yān tə́ ní udə kɔ̄ɔ́ najə̄ yá̰a̰ kəsa tə́ ngóy.

IJAI 60:5

Dan ń á̰á̰ yá̰á̰ ń noō anī, rɔ̄nel̄ a rāā kadə̄ ta kumií a ndə́lē ō, dan wurií a ndām̄ ndām̄ rɔ̄nel̄ ō. Tām̄ yá̰a̰ kənge gə̄ kə́ kum bā bo tə́ a reēn̄ yā kugə̄ ɓēé looí, yá̰a̰ kənge kə́ to loo ɓɔ̄ɔ̄ tə́ gə̄ yā nápar de gə̄ a reēn̄ bátə́ yā kugə̄ looí, ḭ̄ Jerusalem.

Gōsə̄ najə̄ gə̄ 30:10

Ī-lōō tetə najə̄ dɔ nge kəla tə́ rɔ̄ kɔ́ɔ̄n tə́, na sōgə́ ni ndɔ̄líī ō, najə̄ i dɔí tə́ ō.

1 MBAN̄G GƏ̄ 22:22

Anī ndíĺ ní əda na n-a n-aw̄, ba n-a n-tél ndíĺ kə́ nge sor̄ kə́ a ndi ta ngé koō ta gə̄ malang yā mban̄g tə́. Anī Kɔ́ɔ̄ɓē tél əda ndíĺ ní na: Ā ī-gólən, ta róbə i yāí. Āw̄ ī-rāā tītə̄ ń noō.

2 SAMUEL 24:1

Wōn̄g rāā Kɔ́ɔ̄ɓē kə ngán Israel gēé ɓáý to̰. Ni sə̄lā Dabid dɔdə́ tə́. Mērən tə́da kutə Israel gə̄ ō, Juda gə̄ ō,

1 SAMUEL 25:24

Gō tə́ anī əsō kə̄ nja Dabid tə́, ba əda na: Kɔ́ɔ̄ḿ, i mā n m̄-rāā gōtə́ aĺ ní. Ɓá tā ba ādə̄m̄ ta róbə ādə̄ m-ɔ̄r̄ najə̄ seí ō ōō yá̰á̰ ń m-ā m-ə́daī ní ō.

LEBI GƏ̄ 26:31

M-ā m̄-rāā kadə̄ ɓē bo yāsí gə̄ télən̄ ndəba ɓē ō, m-ā m̄-nujə loo kə́ táĺ yāsí gə̄ kɔ̄ɔ́ ō, m-ā m̄-sír̄ sēē ndujə̄ yá̰á̰ kə́ kotə majə yāsí gə̄ ń a sɔlə̄n̄ kemḿ ní to̰ aĺ ō.

TA KƏLA 44:18

Anī Juda ndɔ́tə̄ kə̄ rɔ̄ Jəjep tə́ ngɔr, əda na: Ɓɔ́ kɔ́ɔ̄ ɓē gə̄, ādə̄ m-ə́daī najə̄ kógə̄ḿ laā, ba ādə̄ wōn̄g rāāī dɔḿ tə́ alé, tɔdɔ̄ ḭ̄ i nge kɔsə kum gotə Parao̰.

1 SAMUEL 24:9

Gō tə́ anī Dabid ḭḭ dɔɔ́, teē bəlo mbalá kə̄ ndágá ba ɓāŕ gō Saul, əda na: Kɔ́ɔ̄ḿ, mban̄g. Anī Saul mbel a̰a̰ loo kumən kə̄ gogə́. Dabid tétə̄ kəjən nang tə́ ba ɔsə non nang tə́ no mban̄g tə́.

1 SAMUEL 27:1

Dabid gír̄ najə̄ əda na: Ndɔ̄ kə́rēý tə́ anī Saul a ndi yā tɔ̄lə̄m̄ ɓáý. Yá̰á̰ kə́ só tə́ ń kadə̄ m̄-rāā ní i kadə̄ m-ā̰ȳ m-āw̄ dɔ nang yā Pilistin gə̄ tə́ kɔ̄ɔ́ ngóy. Loo ń noō tə́ Saul a lōō gír ndəlem̄ tə́ dɔ nang yā ngán Israel gə̄ tə́ malang ō m-ā m̄-teē jīn tə́ ō.

2 SAMUEL 21:3

Dabid dəje Gabaon gə̄ na ké i yá̰á̰ rí n kə n-rāā tām̄ yādə́ tə́ wa. Ké yá̰á̰ kə́ majaĺ ń rāādə́ ní ké n-a n-əgā kə̄rān i kə rí tá a tɔ́rə̄n̄neé tadə́ dɔ de gə̄ yā Kɔ́ɔ̄ɓē tə́ wa.

TƏ́DA 36:7

I beē tá ngán Israel gə̄ a dáyə̄n̄ kə dɔ nangaá dɔ dáń gír ɓē yādə́ gə̄ tə́ kə̄ yóō kə̄ laā alé. ngán Israel gə̄ kógə̄ḿ kógə̄ḿ malang a əhɔn̄ dɔ nang ń i yá̰a̰ ndəbā kə́ gír ɓē yā bɔbə̄də́ gə̄ tə́ ní jīdə́ jōó.

TƏ́DA 36:9

Ngán Israel gə̄ a dáyə̄n̄ kə dɔ nangaá dɔ dáń gír ɓē yādə́ gə̄ tə́ kə̄ yōó kə̄ laā alé. gír ɓē gə̄ yā ngán Israel gə̄ kógə̄ḿ kógə̄ḿ a əhɔn̄ dɔ nang yādə́ gə̄ ń əngen̄ yá̰a̰ ndəbā tə́ ní jīdə́ jōó.

NDŪ NAJƏ̄ 13:3

Ká ré yá̰á̰ ní reē rāā yá̰a̰ rɔ̄kum tītə̄ ń ədań ní gə̄gē, ba ni mēr̄sí rāā ɓesə̄ gə̄ ō, rāā kəla kadə̄ ɓesə̄ gə̄ ń i nə́ɓā kə́ rang gə̄ kə́ sḭḭ̄ ī-gerīdə́ aĺ ní ō anī,

2 SAMUEL 16:10

Mban̄g tél əda Abisai na: Sḭḭ̄ ngán Seruya, ā ə́laī tasí danaá i tām̄ rí tə́? Ré Kɔ́ɔ̄ɓē ədan na kə reē kə ndɔ̄ĺ Dabid anī, i náā n asə dəjen gír ní?

PĀ GƏ̄ 20:4

Ādə̄ əga kemən dɔ yá̰a̰ malang ń ī-ndējən ní tə́, ādə̄ ndigə yá̰a̰ gə̄ ń ī-róō horoó ādə̄n ní!