1 SAMUEL 26:16 - Bibəl ta Sar̄

¹⁶ Yá̰á̰ ń ī-rāāī ní majə alé. Tītə̄ ń Kɔ́ɔ̄ɓē ndiń kə kumneé noō ní, majə kadə̄ óyiī malang, tɔdɔ̄ kɔ́ɔ̄sí ń i mban̄g ń Kɔ́ɔ̄ɓē ur yibə̄ ngār dɔn tə́ ní sḭḭ̄ ī-ngɔ̄m̄niī alé. Á̰a̰ loo kum kə̄ dɔn tə́ ké nənga yān ō gaĺ man̄ yān ō ton̄ noó wa.

Bible sar

¹⁶ Yá̰á̰ ń ī-rāāī ní majə alé. Tītə̄ ń Kɔ́ɔ̄ɓē ndiń kə kumneé noō ní, majə kadə̄ óyiī malang, tɔdɔ̄ kɔ́ɔ̄sí ń i mban̄g ń Kɔ́ɔ̄ɓē ur yibə̄ ngār dɔn tə́ ní sḭḭ̄ ī-ngɔ̄m̄niī alé. Á̰a̰ loo kum kə̄ dɔn tə́ ké nənga yān ō gaĺ man̄ yān ō ton̄ noó wa.

1 SAMUEL 26:16 Referans Kwoze

EPEJƏ 2:3

Kété ní, jḭḭ̄ malang i dan de gə̄ ń noō tə́ ō. Tām̄ kété ní j-a jə-rāāī i háĺ kə́ majaĺ gə̄, adə̄ i yá̰a̰ gə̄ ń dā̰ rɔ̄jí gḛy ní ō, yá̰a̰ kə́ majaĺ gə̄ ń jə-gírī ní ō, jḭḭ̄ i ngáń ngé wōn̄g gə̄ tītə̄ yā gotə gə̄ ō.

PĀ GƏ̄ 102:20

Kɔ́ɔ̄ɓē ndi dɔɔ́ kem kújə́ kə́ táĺ yān tə́ ba əga kumən kə̄ nang tə́ a̰a̰ń loo. Kɔ́ɔ̄ɓē ndi dɔ rā̰ tə́ a̰a̰ń loo kə̄ dɔ nang tə́,

PĀ GƏ̄ 79:11

Ādə̄ nōō rɔ̄ yā dəngáy gə̄ aw̄ bátə́ ugə̄ rɔ̄í tə́. De gə̄ ń gān̄gə̄n̄ sarya yo dɔdə́ tə́ ní, ḭ̄ ń tɔ́gí i ngá̰ý ní, ī-ngɔ̄m̄də́ ādə̄ ndin̄ kə kumdə́.

2 SAMUEL 19:28

Anī ni-aw̄ tetə najə̄ dɔḿ tə́ rɔ̄í tə́. Banī Kɔ́ɔ̄ ɓē gə̄, ḭ̄ i de kə́ ī-to tītə̄ de kə́ dɔ rā̰ tə́ yā Nə́ɓā beé, adə̄ yá̰á̰ ń á̰a̰ā̰ ta kumií tə́ kadə̄ i yá̰á̰ kə́ majə ní ī-rāā.

2 SAMUEL 12:5

Wōn̄g rāā Dabid ngá̰ý dɔ deē ní tə́ adə̄ ni-əda Natan na. Tītə̄ ń Kɔ́ɔ̄ɓē ndiń kə kumneé noō deē ń rāā yá̰á̰ kə́ tītə̄ ń noō ní majə kadə̄ ni-oy.

1 SAMUEL 26:11

Ré m̄-tɔ̄l̄ mban̄g ń Kɔ́ɔ̄ɓē ur yibə̄ ngār dɔn tə́ ní anī, ādə̄ mā i yá̰á̰ kə́ to yḛr kum tām̄ yā Kɔ́ɔ̄ɓē tə́. Ní ɔ̄r̄ nənga ń ra kum kə̄ dɔn tə́ noō ō, ún gaĺ man̄ yān ō, ba ādə̄ j-aw̄.

1 SAMUEL 26:9

Dabid əda Abisai na: Ī-lōō tɔ̄lən. Ɔ́jəń na deē a tɔ̄l̄ mban̄g kə́ Kɔ́ɔ̄ɓē ur yibə̄ ngār dɔn tə́ kanjə̄ kənge najə̄ a?

1 SAMUEL 20:31

Banī ōō najə̄ ń toō majə, ré ngōn̄ Jese ń noō ndi kə kumneé ta kaw̄ jóo anī, ngəraī ḭ̄ a əhɔ nang aĺ ō, ngəra ko̰o̰ ɓē yāí a əhɔ nang aĺ ō. Adə̄ ī-mēr̄ kəhɔn ngɔr ń toō tə́ ādə̄ reēn̄ seneé adə̄mə̄n̄, tɔdɔ̄ ni-rāā yá̰á̰ kə́ asə yon.

1 SAMUEL 24:6

Dan ń Dabid rāā yá̰á̰ ń noō oy anī kemən əgan biting tām̄ kūbə̄ yā Saul ń ni-əja ta ní tə́.

1 SAMUEL 26:15

Dabid əda Abner na: Abner, ḭ̄ i de kə́ dəngam aĺ a? Tá de kə́ tītīí gətóo dɔ nang kə́ Israel tə́ ɓáý to̰. Ba i ba̰ý á ī-ngɔ̄m̄ mban̄g ń i kɔ́ɔ̄í ní alé ní? Deē kə́rēý reē tɔ̄lən tə́.

1 MBAN̄G GƏ̄ 2:26

Gō tə́ anī mban̄g əda Abiatar nge tun̄ yá̰a̰ na: Āw̄ ī-ndi dɔ nang yāí tə́ Anatot, tām̄ ḭ̄ i de kə́ majə kadə̄ óy tā ba m-ā m̄-tɔ̄lī ɓōólaā alé, tɔdɔ̄ ə̄tō sandúkə yā Kɔ́ɔ̄ɓē Nə́ɓā ɓāl̄ yā bɔbə́ḿ Dabid tə́ ō, ī-tápī naā tə́ ō.