1 SAMUEL 24:9 - Bibəl ta Sar̄

⁹ Gō tə́ anī Dabid ḭḭ dɔɔ́, teē bəlo mbalá kə̄ ndágá ba ɓāŕ gō Saul, əda na: Kɔ́ɔ̄ḿ, mban̄g. Anī Saul mbel a̰a̰ loo kumən kə̄ gogə́. Dabid tétə̄ kəjən nang tə́ ba ɔsə non nang tə́ no mban̄g tə́.

Bible sar

⁹ Gō tə́ anī Dabid ḭḭ dɔɔ́, teē bəlo mbalá kə̄ ndágá ba ɓāŕ gō Saul, əda na: Kɔ́ɔ̄ḿ, mban̄g. Anī Saul mbel a̰a̰ loo kumən kə̄ gogə́. Dabid tétə̄ kəjən nang tə́ ba ɔsə non nang tə́ no mban̄g tə́.

1 SAMUEL 24:9 Referans Kwoze

Gōsə̄ najə̄ gə̄ 29:12

Dan ń ngār nēl̄ mbīn gír najə̄ kə́ sor̄ tə́ anī, pajā yān gə̄ télən̄ ngé kem ndul gə̄ malang.

JAKƏ 3:6

Ba ta ndo̰jí i hor ō, i loo kə́ yá̰á̰ kə́ majaĺ gə̄ malang i tū tə́ ō. Ni i ngōn̄ rɔ̄jí kógə̄ḿ kə́ dan madə̄ gə̄ tə́ kə́ nge tákə̄ gotə rɔ̄jí malang kə yá̰á̰ kə́ yḛreé. Ni i nge kunjə̄ hor Gehen kəla dɔjí tə́ ndɔ̄ kojəjí tə́ bátə́ ndɔ̄ koyjí tə́.

Gōsə̄ najə̄ gə̄ 26:28

Kadə̄ deē do kemən tə́ kə najə̄ kə́ soró i kim̄ deē ní ō, ta de kə́ a gól̄ loo a nujə loo sák sák ō.

Gōsə̄ najə̄ gə̄ 25:23

Néĺ kə́ dām̄ mbɔ́r ɓē kə́ ko̰ó̰ tə́ a reē i kə maná ō, wōn̄g kə́ ngá̰ý kə́ rāā deē adə̄ dɔ kumən síndə̄rī kɔ̄ɔ́ a reē i kə najə̄ yā góləń loo ō.

Gōsə̄ najə̄ gə̄ 18:8

Najə̄ kɔr̄ de kə́ nge tetə najə̄ to tītə̄ yá̰a̰ kəsa kə́ leḿ beē, najə̄ ní aw̄ bátə́ ugə̄ gə́le kem deē tə́.

Gōsə̄ najə̄ gə̄ 17:4

Nge rāā yá̰a̰ majaĺ nēl̄ mbīn a oōń najə̄ kə́ majə koō aĺ gə̄ ō, nge sor̄ nēl̄ mbīn a oōń najə̄ kə́ majaĺ gə̄ ō.

Gōsə̄ najə̄ gə̄ 16:28

De kə́ hálən nujə kɔ̄ɔ́ rāā yá̰a̰ adə̄ de gə̄ kɔ̄lə̄n̄ naā ō, de kə́ nge rāā mə́naā nujə madə̄ naā yā de gə̄ ō.

PĀ GƏ̄ 141:6

M-ə́da na tə̄ndān̄ kə̄ngājí gə̄ tḭ̄ḭ̄n̄ kə̄ loo gə̄ tə́ ta bāá ɓádə́ tə́, tītə̄ loo ndɔr̄ njárəń loo beé. Anī najə̄ ń noō nel̄ ngār yādə́ gə̄ ngá̰ý. Banī Nə́ɓā mbə́rē ngār gə̄ ní dɔ mbalá tə́nīdə́.

PĀ GƏ̄ 101:5

De kə́ nge tetə najə̄ dɔ madə̄n gə̄ tə́ loo mundə̄ tə́ jəke ní, m-ā m̄-rāā kadə̄ ni a ɔr̄ najə̄ alé. Kum kə́ a̰a̰ loo i kə kídə̄ looó ō, kem kə́ gḛy rī ɓār̄ ngá̰ý ō ní, m-ā m̄-tə́gā taḿ dɔ tə́ alé.

1 SAMUEL 26:19

Kɔ́ɔ̄ ɓē gə̄, m̄-rāāī ɓɔ́, ōō najə̄ ń mā nge kəla yāí m-ā m-ə́daī ní: Ré i Kɔ́ɔ̄ɓē n ra seí ta rāām̄ yá̰á̰ kə́ beē anī, ādə̄ un usə yá̰a̰ ndējə̄ kə́ kotə majə. Ba ré i de gə̄ anī, ādə̄ Kɔ́ɔ̄ɓē ndɔ̄ĺdə́. Tɔdɔ̄ ɓōólaā tə̄ɓāmə̄n̄ kɔ̄ɔ́, ɔgə̄mə̄n̄ ndi dɔ nang ń Kɔ́ɔ̄ɓē adə̄ deē yān gə̄ tə́ ní. Adə̄ to i tītə̄ kə́ ədamə̄n̄ na kə m-āw̄ kə m̄-rāā ɓesə̄ gə̄ beé.

LEBI GƏ̄ 19:16

Ī-tétə̄ najə̄ dɔ ngééí gə̄ tə́ alé. Ə̄ndā najə̄ kə́ asə yo deē dɔ madí tə́ alé. Mā i Kɔ́ɔ̄ɓē.

1 SAMUEL 20:1

Dabid teē Nayot kə́ Rama tə́ a̰ȳ kɔ̄ɔ́. Ni-aw̄ ənge Jonatan ba dəjen na: m̄-rāā i rí yā bɔbí? I yá̰á̰ rí kə́ gōtə́ aĺ n m̄-rāā seneé ní? I majaĺ rí n m̄-rāā kə bɔbí á sāań tɔ̄lə̄m̄ ní?

1 SAMUEL 24:8

Dabid ɔgə̄ deē yān gə̄ rɔ̄ Saul i kə najə̄ gə̄ ń noō. Saul ḭḭ dɔɔ́, ni teē kɔ̄ɔ́ kem bəlo mbalá ba un ta róbə yān.

1 SAMUEL 24:10

Gō tə́ anī ni-əda Saul na: I tām̄ rí tə́ á ōō najə̄ kɔr̄ de gə̄ ń a ədan̄ na Dabid na sāā kadə̄ yá̰á̰ kə́ to kum kaȳ aĺ əsō dɔí tə́ ní?

1 SAMUEL 26:18

Gō tə́ anī əda na: Kɔ́ɔ̄ ɓē gə̄, ā ī-ndəlem̄ i tām̄ rí tə́? m̄-rāā i rí yāí? I rí kə́ majaĺ n m̄-rāā ní.

JEREMI 37:18

Ba Jeremi tél əda mban̄g Sedekias na: I rí kə́ majaĺ n m̄-rāā seí ḭ̄ḭ́ ō, kə ngé kəla yāí gēé ō, kə gír de gə̄ ń toō ō, á ə́lamī dəngáyá ní?

1 SAMUEL 20:41

Dan ń balsáá ní aw̄ kɔ̄ɔ́ anī, Dabid teē loo ń ɓɔ̄ɔ̄ rɔ̄n tū tə́ ní tə́ dām̄ mbɔ́r ɓē kə́ geleé tə́. Ni-ɔsə non nang tə́ nja mətá kə̄ no Jonatan tə́. Gō tə́ anī ɓirə̄n̄ naā dagə ba nōōn̄ mbak bátə́ kadə̄ asəń Dabid.