1 SAMUEL 24:8 - Bibəl ta Sar̄

⁸ Dabid ɔgə̄ deē yān gə̄ rɔ̄ Saul i kə najə̄ gə̄ ń noō. Saul ḭḭ dɔɔ́, ni teē kɔ̄ɔ́ kem bəlo mbalá ba un ta róbə yān.

Bible sar

⁸ Dabid ɔgə̄ deē yān gə̄ rɔ̄ Saul i kə najə̄ gə̄ ń noō. Saul ḭḭ dɔɔ́, ni teē kɔ̄ɔ́ kem bəlo mbalá ba un ta róbə yān.

1 SAMUEL 24:8 Referans Kwoze

Makətūbə̄ ń Pol ndang adə̄ Rom gə̄ ní 13:7

Nin̄ kógə̄ḿ kógə̄ḿ malang ní, ādīdə́ yá̰á̰ ń sɔɔ̄ kadə̄ ādīdə́ ní, nge lambóo a ādīin̄ lambóo ō, nge taā tīr̄ a ādīin̄ yá̰a̰ tīr̄ ō, ré i de kə́ kadə̄ ī-ɓōlíī ndílən a, ī-ɓōlíī ndílən ō, ré i de kə́ kadə̄ ī-rɔȳnīī a, ī-rɔȳnīī ō.

1 SAMUEL 26:17

Saul ger̄ ndū Dabid adə̄ ni-əda na: Ngōnə̄ḿ Dabid, i īkɔ́ n m-ōō ndūí toō a? Dabid ndigən əda na: Kɔ́ɔ̄ ɓē gə̄, i mā nəkɔ́.

1 SAMUEL 20:41

Dan ń balsáá ní aw̄ kɔ̄ɔ́ anī, Dabid teē loo ń ɓɔ̄ɔ̄ rɔ̄n tū tə́ ní tə́ dām̄ mbɔ́r ɓē kə́ geleé tə́. Ni-ɔsə non nang tə́ nja mətá kə̄ no Jonatan tə́. Gō tə́ anī ɓirə̄n̄ naā dagə ba nōōn̄ mbak bátə́ kadə̄ asəń Dabid.

Teē Ngán Israel gə̄ 20:12

Ī-rɔȳ bɔbí nin̄ kə kó̰ó̰í, kadə̄ ī-ndiń kə kumií ta kaw̄ jóo dɔ nang ń Kɔ́ɔ̄ɓē Nə́ɓā yāí adī tə́ ní.

TA KƏLA 17:3

Abəram ɔsə non nang tə́, anī Nə́ɓā ɔr̄ najə̄ seneé ɓáý to̰, əda na:

1 PIYER 2:17

Ī-rɔyī de gə̄ malang ō, ī-táriī ngákó̰ó̰sí gə̄ ō, ī-ɓōlíī Nə́ɓā ō, ī-ɓōlíī ndíl mban̄g ō.

1 SAMUEL 24:7

Ni-əda deē yān gə̄ na: Ré m̄-rāā yá̰á̰ kə́ tītə̄ ń noō kə kɔ́ɔ̄ḿ ń Kɔ́ɔ̄ɓē ur yibə̄ ngār dɔn tə́ ní anī, ādə̄ mā i yá̰á̰ kə́ to yḛr kum tām̄ yā Kɔ́ɔ̄ɓē tə́. M-ā m-ə́la jīḿ yā kɔdənneé alé, tɔdɔ̄ ni i deē ń Kɔ́ɔ̄ɓē ur yibə̄ ngār dɔn tə́ ní.

1 SAMUEL 24:9

Gō tə́ anī Dabid ḭḭ dɔɔ́, teē bəlo mbalá kə̄ ndágá ba ɓāŕ gō Saul, əda na: Kɔ́ɔ̄ḿ, mban̄g. Anī Saul mbel a̰a̰ loo kumən kə̄ gogə́. Dabid tétə̄ kəjən nang tə́ ba ɔsə non nang tə́ no mban̄g tə́.

1 SAMUEL 28:14

Saul dəje dəyá̰ ní na ké deē ní ké to i ba̰ý wa. Anī dəyá̰ ní tél ədan na i de kə́ tɔgə ɓə́ga n teē gíŕ nángāá a reē ní. Ba rɔ̄n i kə́ ɓír̄ kə kūbūú. Loo ń noō tə́ Saul ger̄ kadə̄ i Samuel. Adə̄ ni-ɔsə non nang tə́ non tə́ rɔȳnneé.

1 MBAN̄G GƏ̄ 1:31

Batəseba ɔsə non nang tə́ ō no mban̄g tə́ ō, ba əda na: Ādə̄ dɔ kɔ́ɔ̄ ɓē gə̄, mban̄g Dabid, ngan̄g májə́ májə́!