1 SAMUEL 24:19 - Bibəl ta Sar̄

¹⁹ Ɓōólaā ɔ́jəḿ kem majə yāí kə̄ ndágá, tɔdɔ̄ Kɔ́ɔ̄ɓē əlam̄ jīí tə́ ba ī-mbātə́ tɔ̄lə̄m̄.

Bible sar

¹⁹ Ɓōólaā ɔ́jəḿ kem majə yāí kə̄ ndágá, tɔdɔ̄ Kɔ́ɔ̄ɓē əlam̄ jīí tə́ ba ī-mbātə́ tɔ̄lə̄m̄.

1 SAMUEL 24:19 Referans Kwoze

PĀ GƏ̄ 18:20

Ni-taām̄ jīdə́ tə́ əya̰m̄ dɔɔ́ ō gān̄g dɔḿ ō, tɔdɔ̄ ni tárəm̄.

1 SAMUEL 26:25

Saul əda Dabid na: Ngōnə̄ḿ Dabid, ādə̄ Kɔ́ɔ̄ɓē rāā majə seí. Rɔ̄kum ā ī-rāā yá̰á̰ kə́ bo gə̄ ō ā ī-teē deē ō. Dabid aw̄ loo yān, ba Saul tél dɔ tə́ aw̄ gogə́ ɓēé.

1 SAMUEL 23:21

Saul ədadə́ na: Ādə̄ Kɔ́ɔ̄ɓē rāā majə sesí tām̄ ka̰a̰ ń á̰a̰ī kum tō ndoō yāḿ tə́ ní.

NGÉ SARYA 17:2

Ndɔ̄ kə́rēý tə́ anī deē ní əda kó̰o̰n na: Arjā̰a̰ yāí kə́ njáŕ sélē dūbú kə ɓú kógə̄ḿ ń deē ɓogə á ī-ndɔ̄ĺ ta kumḿ tə́ ní, to jīḿ tə́ laā, i mā n m-ɔ́y. Anī kó̰o̰n ədan na: Ngōnə̄ḿ, ādə̄ Kɔ́ɔ̄ɓē rāā majə seí.

RUTƏ 2:12

Ndə̄ngā yāḿ i kadə̄ Kɔ́ɔ̄ɓē əndā njaí tām̄ yā yá̰a̰ gə̄ ń noō tə́ malang. Kadə̄ Kɔ́ɔ̄ɓē Nə́ɓā yā Israel əndā njaí ngá̰ý kadə̄ tɔȳ dɔ. Tɔdɔ̄ ī-reē ī-ɓɔ̄ɔ̄ rɔ̄í i gír bɔ̄gə̄n tə́.

1 SAMUEL 23:17

Ni-əda Dabid na: Ī-lōō ɓōĺ tɔdɔ̄ bɔbə́ḿ Saul a əhɔī alé. I ḭ̄ n ā ó̰o̰ ɓē dɔ ngán Israel gə̄ tə́ ní, ba mā i pajā yāí. Adə̄ nge ń noō ní bɔbə́ḿ Saul nəkɔ́ ger̄ majə.

1 SAMUEL 26:23

Ādə̄ Kɔ́ɔ̄ɓē əndā njají kógə̄ḿ kógə̄ḿ tām̄ yá̰á̰ kə́ gōtə́ ń jə-rāāī tə́ ní ō tām̄ yá̰á̰ kə́ rɔ̄kum tə́ ō. Ɓōólaā Kɔ́ɔ̄ɓē əlaī jīḿ tə́ banī m-ɔ́də tɔ̄lī alé. Tɔdɔ̄ ḭ̄ i mban̄g ń Kɔ́ɔ̄ɓē ur yibə̄ ngār dɔí tə́ ní.