1 SAMUEL 24:15 - Bibəl ta Sar̄

¹⁵ Mban̄g kə́ Israel tə́ ā ī-rɔ̄ɔ̄ i náā? Ā ī-ngɔ̄də̄ i náā? Ā ī-ngɔ̄də̄ i bísə́ kə́ nger əsan a? Ā ī-ndəle i ngáɓer kə̄njá a?

Bible sar

¹⁵ Mban̄g kə́ Israel tə́ ā ī-rɔ̄ɔ̄ i náā? Ā ī-ngɔ̄də̄ i náā? Ā ī-ngɔ̄də̄ i bísə́ kə́ nger əsan a? Ā ī-ndəle i ngáɓer kə̄njá a?

1 SAMUEL 24:15 Referans Kwoze

PĀ GƏ̄ 43:1

Nə́ɓā, ī-gān̄g sarya yāḿ, ī-rɔ̄ɔ̄ dɔḿ tə́ ta ngé ra dɔ ndūdə́ tə́ aĺ gə̄ tə́. Ī-taām̄ jī nge gól̄ loo tə́ ō, nge rāā yá̰a̰ majaĺ tə́ ō, ə́ya̰m̄ dɔɔ́!

PĀ GƏ̄ 119:154

Ī-nējə̄ najə̄ dɔḿ tə́ ō, ī-rɔ̄ɔ̄ dɔḿ tə́ ō. ī-rāām̄ ādə̄ m̄-ndi kə kumḿ gogə́ tītə̄ ń ə́dań ní.

PĀ GƏ̄ 35:1

Pā yā Dabid. Kɔ́ɔ̄ɓē, m̄-rāāī ɓɔ́, ə̄ndā najə̄ dɔ ngé sekə́m̄ gə̄ tə́ ō, ī-rɔ̄ɔ̄ ngé rɔ̄ɔ̄ḿ gə̄ ō!

1 SAMUEL 24:12

Bɔbə́ḿ, á̰a̰ā̰, ta kūbə̄ yāí n to jīḿ tə́ toō. Dan ń m̄-gān̄g ta kūbə̄ yāí ba m̄-tɔ̄lī aĺ ní, asə kadə̄ ī-ger̄ na m-ə́hɔī kemḿ tə́ aĺ ō, m̄-gír̄ kənī wúȳ jīí tə́ aĺ ō, m̄-rāā majaĺ seí aĺ ō. Ba i ḭ̄ n ā ī-ndəlem̄ patə patə yā tɔ̄lə̄m̄ ní.

MISE 7:9

Majə kadə̄ jə-tə́gā tají, dan ń Kɔ́ɔ̄ɓē a rāāń wōn̄g tə́ ní. Tɔdɔ̄ jə-mān̄ dɔ ndūn. Banī ndɔ̄ a reē noó, kadə̄ ni a rɔ̄ɔ̄ dɔjí tə́ ō, ni a gān̄g sarya kə́ gōtə́ yā kadə̄jí ō. Ni a ɔrjí ta róbə yā kaw̄ sejí kum loo kə́ unjə̄ kow tə́ ō, a rāā majə sejí yā kutə̄ń gidəjí ō.

MISE 1:2

Sḭḭ̄ gír de gə̄ malang, ōōī! Ḭ̄ dɔ nang ō, de kə́ dɔ nang tə́ gə̄ ō, ī-nēlī mbīsí! Kɔ́ɔ̄ɓē Nə́ɓā a ndi loo yān kə́ táĺ tə́ yā kəndāń najə̄ dɔsí tə́.

2 YÁ̰A̰ GƏ̄ 24:22

Kem majə ń Yoyada bɔbə̄ Jakari rāā kə mban̄g Joas ní, dɔ mban̄g Joas ndígə̄nal kɔ̄ɔ́, adə̄ tɔ̄l̄ ngōnən. Dan ń Jakari a rāā yā koy ní əda na: Ādə̄ Kɔ́ɔ̄ɓē a̰a̰ yá̰á̰ ń rāā yá̰á̰ ní ba rāāī yá̰á̰ kə́ tōr̄ kum gotə.

1 SAMUEL 26:4

tām̄ ni-əla de gə̄ kəndā ma̰ȳ looó, adə̄ ni ger̄ ká̰ý ká̰ý kadə̄ Saul ugə̄.

NGÉ SARYA 11:27

Mā tā anī m̄-rāā yá̰á̰ kógə̄ḿ kə́ majaĺ seí alé, ba i ḭ̄ n ī-rāā yá̰á̰ kə́ majaĺ seḿ tām̄ ī-rɔ̄ɔ̄m̄ ní. Ādə̄ Kɔ́ɔ̄ɓē ń i nge gān̄g sarya yā de gə̄ ní gān̄g sarya kə́ mbo̰ō̰ ngán Israel gə̄ tə́ kə ngán Amon ɓōólaā.

1 SAMUEL 25:39

Dan ń Dabid oō kadə̄ Nabal oy anī əda na: m̄-ndadə̄ m-ādə̄ Kɔ́ɔ̄ɓē ń rɔ̄ dɔḿ tə́ dan ń Nabal tájə̄m̄neé tə́ ní. m̄-ndadə̄ m-ādə̄n tām̄ kɔgə̄ ń ni ɔgə̄m̄ rāā majaĺ tə́ ní ō tām̄ rāā ń ni-rāā adə̄ kem ndul yā Nabal tél əsō i dɔn nəkɔ́ tə́ ní ō. Gō tə́ anī Dabid əla de gə̄ kəda Abigail tə́ na n-ndigə taān.

1 SAMUEL 17:43

Pilistin ní ədan na: Mā i bísə́ á ī-reē kə̄ rɔ̄ḿ tə́ kə sálang kāgāá a? Gō tə́ anī Pilistin ní ɓāŕ rī ɓesə̄ yān gə̄ ndɔ̄ĺəń Dabid,

1 SAMUEL 26:20

Ba mā m̄-ndigə koy sa̰y rɔ̄ Kɔ́ɔ̄ɓē tə́ alé. Kɔ́ɔ̄ ɓē gə̄, i tām̄ rí tə́ á ī-rɔ̄ɔ̄m̄ mā ń i ngáɓer kə̄njá ní? I tām̄ rí tə́ á ā ī-ngɔ̄də̄m̄ tītə̄ loo ngɔ̄də̄ kerwḛy dɔ mbal̄ gə̄ tə́ ní?