1 SAMUEL 24:11 - Bibəl ta Sar̄

¹¹ Ḭ̄kɔ́ á̰a̰ā̰ kə kumií ɓōólaā kadə̄ Kɔ́ɔ̄ɓē əlaī jīḿ tə́ kem bəlo mbal̄ ń toō tə́. Deē yāḿ gə̄ mēr̄mə̄n̄ tɔ̄lī, banī kumḿ o̰o̰m̄ tām̄ yāí tə́ adə̄ m-ə́da na: M-ā m-ə́la jīḿ yā kɔdəń rɔ̄ kɔ́ɔ̄ḿ alé, tɔdɔ̄ ni i deē ń Kɔ́ɔ̄ɓē ur yibə̄ ngār dɔn tə́ ní.

Bible sar

¹¹ Ḭ̄kɔ́ á̰a̰ā̰ kə kumií ɓōólaā kadə̄ Kɔ́ɔ̄ɓē əlaī jīḿ tə́ kem bəlo mbal̄ ń toō tə́. Deē yāḿ gə̄ mēr̄mə̄n̄ tɔ̄lī, banī kumḿ o̰o̰m̄ tām̄ yāí tə́ adə̄ m-ə́da na: M-ā m-ə́la jīḿ yā kɔdəń rɔ̄ kɔ́ɔ̄ḿ alé, tɔdɔ̄ ni i deē ń Kɔ́ɔ̄ɓē ur yibə̄ ngār dɔn tə́ ní.

1 SAMUEL 24:11 Referans Kwoze

1 SAMUEL 26:20

Ba mā m̄-ndigə koy sa̰y rɔ̄ Kɔ́ɔ̄ɓē tə́ alé. Kɔ́ɔ̄ ɓē gə̄, i tām̄ rí tə́ á ī-rɔ̄ɔ̄m̄ mā ń i ngáɓer kə̄njá ní? I tām̄ rí tə́ á ā ī-ngɔ̄də̄m̄ tītə̄ loo ngɔ̄də̄ kerwḛy dɔ mbal̄ gə̄ tə́ ní?

1 SAMUEL 23:23

Āwī á̰a̰ī loo gə̄ ń a ɓɔ̄ɔ̄ rɔ̄n tū tə́ ní malang. Ré ī-gerī kə gōó majanī ī-tél ī-reē ɔ́jəmī. Loo ń noō tə́ m-ā m-āw̄ sesí. Ré ni i dɔ nang ń noō tə́ anī m-ā m̄-sāān dan gír kojə yā Juda gə̄ tə́ malang yā teē dɔn tə́.

1 SAMUEL 23:14

Dabid aw̄ ndi kem dəla loo kə́ Jip tə́, mbo̰ō̰ mbal̄ gə̄ kə́ loo kaw̄ tū tə́ tōr̄ ngá̰ý tə́, gō nang kə́ mbalá tə́. Saul ndəlen i kə dɔ ndɔ̄ gə̄, banī Nə́ɓā əya̰ Dabid adə̄ əsō jīn tə́ alé.

JA̰A̰ 15:25

Banī i tām̄ kadə̄ najə̄ ń ndangən̄ kem ndū najə̄ yādə́ tə́ na: Nin̄-imə̄mə̄n̄ i kanjə̄ kumən ní, reē udəń gírí.

2 MBAN̄G 5:13

Banī ngé kəla yān gə̄ aw̄n̄ rɔ̄n tə́ ɔrə̄n̄ najə̄ seneé ədam̄ na: Bɔbə̄jí, ré nge koō ta ədaī na kə ī-rāā yá̰á̰ kə́ ngan̄g ngá̰ý anī, ā ī-rāā aĺ a? Á ī-ndogə̄ man̄ ngóy kadə̄ rɔ̄í unjə̄ń tá ī-mbātə́ ní.

1 SAMUEL 26:18

Gō tə́ anī əda na: Kɔ́ɔ̄ ɓē gə̄, ā ī-ndəlem̄ i tām̄ rí tə́? m̄-rāā i rí yāí? I rí kə́ majaĺ n m̄-rāā ní.

MISE 7:2

Ngé ra dɔ ndūdə́ tə́ gə̄ kə Nə́ɓāá gətóon̄ kɔ̄ɔ́ kem ɓēé, deē kógə̄ḿ kə́ rɔ̄kum gətóo. Nin̄ malang a sāān̄ i ta róbə tɔ̄l̄ deē. Nin̄ kógə̄ḿ kógə̄ḿ ní, a əyān̄ gūmbə̄ i yā kəhɔń madə̄də́ gə̄.

EJEKIEL 13:18

Ə́dádə́ na najə̄ ń Kɔ́ɔ̄ɓē Nə́ɓā əda ní n toó: Yá̰á̰ kə́ to kum kaȳ aĺ a teē dɔsí tə́. Tɔdɔ̄ sḭḭ̄ ūrī ta kūbə̄ kə́ dɔ kur jī de gə̄ tə́ malang ō, ī-rāāī mandíl gə̄ kə́ ɓāl̄də́ gə̄ i tayā tayā tə́ ō, yā kadə̄ sḭḭ̄ ə́ngeīneé tɔ́gə dɔ ndi kə kumuú yādə́ tə́. Sḭḭ̄ ī-sāāī taā ndi kə kumuú yā de gə̄ kə́ dan gír deē yāḿ gə̄ tə́, banī ī-ngɔ̄mī ndi kə kumuú yāsí sḭḭ̄ kɔ́ gə̄.

NŌŌ RƆ̄ 4:18

De gə̄ unən̄ gō tóo njají ngɔ̄də̄n̄neéjí, adə̄ dum̄ kadə̄ j-ugə̄ loo ndijí gə̄ tə́. Gír yājí a gān̄g ngɔr, ndɔ̄jí asə kɔ̄ɔ́. Rɔ̄kum ta ngóy ndɔ̄jí ugə̄.

Gōsə̄ najə̄ gə̄ 15:1

Najə̄ kə́ tūr̄ kəda deē kə míndə́ kə́ sɔl̄ lɔmɔɔ́ rāā adə̄ wōn̄g tetə, banī najə̄ kə́ tōr̄ kə́ kəda deē i yá̰á̰ kə́ a adə̄ deē wōn̄g.

PĀ GƏ̄ 140:11

Ādə̄ bə̄gān̄ yā̰l̄ hor dɔdə́ tə́. Ādə̄ Nə́ɓā mbə́rē tə́nīdə́ kum hor tə́, kem bəlo kə́ lú ngá̰ý kə́ asən̄ teē tū tə́ aĺ tə́!

PĀ GƏ̄ 35:7

Nin̄ ɓɔ̄ɔ̄n̄ dɔ mbḛ̄ ō réng ō yā kəhɔm̄neé kanjə̄ kumən, ndērə̄n̄ bəlo kadə̄ m-ə̄sō kemeé.

Makətūbə̄ yā Job 10:16

Ba ré m-ɔ̄r̄ dɔḿ dɔɔ́ anī, ī-ndo̰o̰m̄ tītə̄ kagə kə́ a ndo̰o̰ dā̰ beé ō, yá̰a̰ rāāí kə́ to ɓōĺ ngá̰ý gə̄ ní, ī-rāādə́ kə̄ nja naā tə́ ī-rɔ̄ɔń seḿ ō,

1 SAMUEL 18:27

Dabid nin̄ kə deē yān gēé aw̄ tɔ̄lə̄n̄ Pilistin gə̄ ɓú jōó ba reē kə ndāŕ ta mɔtədə́ adə̄ tə́dan̄ ta kum Saul tə́ yā kadə̄ ni téləń umən. Loo ń noō tə́ Saul adə̄ ngōnən Mikal taā Dabid.

1 SAMUEL 25:28

Ba ī-mā̰ȳ rɔ̄í dɔ yá̰á̰ kə́ gōtə́ aĺ yāḿ tə́. m̄-ger̄ majə kadə̄ Kɔ́ɔ̄ɓē a rāā kadə̄ gír kojə yāí a o̰o̰ ɓē ngándáńg, tɔdɔ̄ ī-rɔ̄ɔ̄ rɔ̄ɔ̄ gə̄ yā Kɔ́ɔ̄ɓē ō kə dɔ ndɔ̄ gə̄ malang ń ī-ndiń kə kumií ní deē oō najə̄ kə́ majaĺ kógə̄ḿ dɔí tə́ aĺ ō.

PĀ GƏ̄ 59:3

Ī-gān̄g dɔḿ jī ngé rāā yá̰a̰ gōtə́ aĺ gə̄ tə́ ō, ájəm̄ jī ngé ɓōkə́ mósə de gə̄ nang tə́ gə̄ tə́ ō.

PĀ GƏ̄ 119:161

Ngār gə̄ rāān̄ kumḿ ndoō tə́ kanjə̄ kumən ɓá tā, ba mā m̄-ɓōĺ i najə̄ yāí ngóy.

1 SAMUEL 12:3

Mā n m̄-rā toó. Ré āwī kə najá seḿ kemsí tə́ anī, ə́daī kə̄ ta kum Kɔ́ɔ̄ɓē tə́ ō, ta kum mban̄g ń ni gə̄rā tə́ ní ō. I náā n m̄-taā man̄g yān aké kərō yān ní? I náā n m-ə́sa tətōn, aké m̄-rāā kumən ndoō tə́ ní? I náā n m̄-taā nar jīn tə́ yā kótəń kumḿ kɔ̄ɔ́ dɔ najə̄ yān tə́ ní? M-ā m̄-téləń yā kadə̄sí gogə́.

1 SAMUEL 26:23

Ādə̄ Kɔ́ɔ̄ɓē əndā njají kógə̄ḿ kógə̄ḿ tām̄ yá̰á̰ kə́ gōtə́ ń jə-rāāī tə́ ní ō tām̄ yá̰á̰ kə́ rɔ̄kum tə́ ō. Ɓōólaā Kɔ́ɔ̄ɓē əlaī jīḿ tə́ banī m-ɔ́də tɔ̄lī alé. Tɔdɔ̄ ḭ̄ i mban̄g ń Kɔ́ɔ̄ɓē ur yibə̄ ngār dɔí tə́ ní.

2 SAMUEL 1:14

Dabid əda balsáá ní na: I ba̰ý á ī-ɓōĺ aĺ ba ī-tɔ̄l̄ mban̄g ń Kɔ́ɔ̄ɓē gə̄rān ní ní.

PĀ GƏ̄ 7:5

ré deē ń rāām̄ kə́ majaĺ ní m̄-rāān kə́ majaĺ kum gotə, ré deē ń gír̄ kə́ majaĺ i kemən tə́ seḿ kanjə̄ kumən ní m̄-taā yá̰a̰ yān,