1 SAMUEL 23:2 - Bibəl ta Sar̄

² Anī Dabid dəje Kɔ́ɔ̄ɓē na ké kə n-aw̄ kə n-ənī Pilistin gə̄ ní rɔ̄ɔ̄ wa. Kɔ́ɔ̄ɓē ədan na kə aw̄ na a tetə Pilistin gə̄ rɔ̄ɔ̄ ō na a taā ɓē kə́ Keila jīdə́ tə́ yā kəya̰n dɔɔ́ ō.

Bible sar

² Anī Dabid dəje Kɔ́ɔ̄ɓē na ké kə n-aw̄ kə n-ənī Pilistin gə̄ ní rɔ̄ɔ̄ wa. Kɔ́ɔ̄ɓē ədan na kə aw̄ na a tetə Pilistin gə̄ rɔ̄ɔ̄ ō na a taā ɓē kə́ Keila jīdə́ tə́ yā kəya̰n dɔɔ́ ō.

1 SAMUEL 23:2 Referans Kwoze

1 SAMUEL 23:4

Dabid tél dəje Kɔ́ɔ̄ɓē najə̄ ɓáý to̰, anī Kɔ́ɔ̄ɓē ədan na kə ɔr̄ dɔɔ́ kə aw̄ Keila na n-a n-əla Pilistin gə̄ jīn tə́.

2 SAMUEL 5:23

Dabid tél aw̄ koō najə̄ kə́ ta Kɔ́ɔ̄ɓē tə́ ɓáý to̰. Anī Kɔ́ɔ̄ɓē ədan na: Ī-lōō kə tə́nī tadə́ yā rɔ̄ɔńdə́, ba ī-rə̄ngō rɔ̄í gidədə́ tə́, ī-teē dan ku kāgə̄ mikokuli gə̄ tə́ kum kə̄ rɔ̄də́ tə́.

2 SAMUEL 5:19

Anī Dabid aw̄ koō najə̄ kə́ ta Kɔ́ɔ̄ɓē tə́. Ni-dəje Kɔ́ɔ̄ɓē na ké kə n-aw̄ kə n-rɔ̄ɔ̄ Pilistin gə̄ wa. Ké Kɔ́ɔ̄ɓē a əladə́ kem jīn tə́ wa. Anī Kɔ́ɔ̄ɓē tél əda Dabid na kə aw̄ kə rɔ̄də́ na n-a n-əladə́ kem jīn tə́ kə́ rɔ̄kum tə́.

JEREMI 10:23

Kɔ́ɔ̄ɓē, m̄-ger̄ kadə̄ deē ndul i kɔ́ɔ̄ róbə yān aĺ ō, m̄-ger̄ kadə̄ nge njə̄rā mbā asə njə̄rā dɔ róbə́ tə́ kə gōó alé.

1 SAMUEL 30:8

Dabid dəje Kɔ́ɔ̄ɓē na: Ré m̄-sōn̄g gō ngé ɓogə gə̄ ń noō anī m-ā m-ə́ngédə́ a? Anī Kɔ́ɔ̄ɓē ədan na: Ī-sōn̄g gōdə́ na ā ə́hɔ́də́ ō ā ī-gān̄g dɔ deē yāí gə̄ ō.

1 SAMUEL 23:6

Dan ń Abiatar ngōn̄ Ahimelek a̰ȳ reē ɓɔ̄ɔ̄ rɔ̄n rɔ̄ Dabid tə́ ní, ni-aw̄ Keila kə yá̰a̰ ndḛḛ̄ sāá jīn tə́.

JOJUE 9:14

Ngán Israel gə̄ taān̄ núsə́ sádə̄ yādə́ sḛ́ý əsan̄ kanjə̄ koō yā Kɔ́ɔ̄ɓē.

PĀ GƏ̄ 32:8

Kɔ́ɔ̄ɓē əda na: M-ā m̄-ndóōī yá̰a̰ ō, m-ā m-ɔ́jiī róbə́ ń kadə̄ úń ní ō. M-ā m-ādī kɔjə̄ kógə̄ḿ. M-ā m-ə̄ndā kumḿ gírí tə́.

1 YÁ̰A̰ GƏ̄ 14:10

Dabid aw̄ koō ta Nə́ɓā tə́, dəje Nə́ɓā na ké kə n-aw̄ kə n-rɔ̄ɔ̄ Pilistin gə̄ wa, ké a əladə́ kem jīn tə́ wa. Anī Kɔ́ɔ̄ɓē tél ədan na: Kə aw̄ na n-ā n-ə́ládə́ kem jīn tə́.

NGÉ SARYA 1:1

Dan ń Jojue oy kɔ̄ɔ́ anī ngán Israel gə̄ aw̄n̄ koō najə̄ kə́ ta Kɔ́ɔ̄ɓē tə́ yā gerə̄ń ké i náā gə̄ dɔ dáńdə́ tə́ n a aw̄n̄ yā rɔ̄ɔ̄ Kanaan gə̄ kété ní wa.

TƏ́DA 27:21

Jojue a aw̄ rɔ̄ Eleajar nge tun̄ yá̰á̰ tə́ kadə̄ túgə̄ wə̄lā urim tām̄ yān tə́ ta kum Kɔ́ɔ̄ɓē tə́. Ni ō, ngán Israel gə̄ malang ō ní a teēn̄ ō, tél a udən̄ gogə́ ō, i kə gō ndū ń wə̄lā a ɔjə ní.

1 SAMUEL 10:22

Tél dəjen̄ Kɔ́ɔ̄ɓē ɓáý to̰ na ké de kə́ rang reē laā wa. Anī Kɔ́ɔ̄ɓē əda na: I ni n ɓɔ̄ɔ̄ rɔ̄n dan yá̰a̰ mbā gə̄ tə́ toō.

1 SAMUEL 23:3

Banī deē yā Dabid gə̄ ədanən̄ na: Jḭḭ̄ i dɔ nang kə́ Juda tə́ ba ɓōĺ rāājí kɔ̄ɔ́ ɓá. Ré j-awī Keila kənī ɓūtə̄ áskar gə̄ yā Pilistin gə̄ rɔ̄ɔ̄ tə́ to̰ anī ɓōĺ a rāājí kə́ tɔȳ dɔ nge ń toō.

2 SAMUEL 2:1

Gō yá̰a̰ gə̄ ń noō tə́ anī, Dabid dəje Kɔ́ɔ̄ɓē na ké kə n-aw̄ kem ɓē kógə̄ḿ kə́ dan ɓē gə̄ yā Juda tə́ wa. Anī Kɔ́ɔ̄ɓē ədan na kə aw̄. Dabid tél dəje Kɔ́ɔ̄ɓē ɓáý to̰ na ké kə n-aw̄ i kem nge kə́ rá tə́ wa. Anī Kɔ́ɔ̄ɓē tél ədan na kə aw̄ kem ɓē kə́ Hebron tə́.

1 SAMUEL 14:37

Tā anī Saul dəje Nə́ɓā na ké kə n-aw̄ ngɔ̄də̄ Pilistin gə̄ tə́ wa. Ké Nə́ɓā a əla Pilistin gə̄ kem jī ngán Israel gə̄ tə́ wa. Banī Nə́ɓā ədan najə̄ ndɔ̄ ń noō tə́ alé.