1 SAMUEL 23:18 - Bibəl ta Sar̄

¹⁸ Jonatan ō Dabid ō ənīn̄ ndūdə́ jōó mbak ta kum Kɔ́ɔ̄ɓē tə́ rāānəń madə̄ naā. Gō tə́ anī Jonatan tél aw̄ gogə́ ɓēé, ba Dabid ndi Horsa.

Bible sar

¹⁸ Jonatan ō Dabid ō ənīn̄ ndūdə́ jōó mbak ta kum Kɔ́ɔ̄ɓē tə́ rāānəń madə̄ naā. Gō tə́ anī Jonatan tél aw̄ gogə́ ɓēé, ba Dabid ndi Horsa.

1 SAMUEL 23:18 Referans Kwoze

2 SAMUEL 21:7

Banī mban̄g əya̰ Mepiboset ngōn̄ Jonatan kə́ ngōn̄ Saul adə̄ ndi kə kumneé sɔɔ̄ń madə̄ naā ń to dɔ dáńdə́ tə́ ní. Tɔdɔ̄ kété ní Dabid nin̄ kə Jonatan kə́ ngōn̄ Saul əhɔn̄ madə̄ naā kə rī Kɔ́ɔ̄ɓēé.

1 SAMUEL 20:42

Jonatan əda Dabid na: Āw̄ kə kem sɔlɔ́. Ba ādə̄ əga kemií dɔ madə̄ naā ń jə-túbə j-adə̄ naā j-əhɔń kə rī Kɔ́ɔ̄ɓēé ní tə́. Ādə̄ Kɔ́ɔ̄ɓē ra dɔ dáńjí tə́ ō, dɔ dáń ngáńjí gə̄ tə́ ō, ngán kaají gə̄ tə́ ō, bátə́ ta kaw̄ jóo.

1 SAMUEL 18:3

Jonatan əhɔ madə̄ naā kə Dabidí tɔdɔ̄ tárən tītə̄ rɔ̄n nəkɔ́ beē.

2 SAMUEL 9:1

Ndɔ̄ kə́rēý tə́ anī Dabid dəje na ké de kə́rēý kə́ gír kojə yā Saul tə́ kə́ ndi kə kumneé i noó wa, na n-ndigə rāā majə kə kɔ́ɔ̄ɔ́ tām̄ yā Jonatan tə́.

1 SAMUEL 20:8

Ɓá anī ī-rāā yá̰á̰ kə́ rɔ̄kum ādə̄ m-á̰a̰ā̰, tɔdɔ̄ madə̄ naā ń jə-rāā kə rī Kɔ́ɔ̄ɓēé ní do̰ō̰jí naā tə́ seí. Adə̄ ká ré m̄-rāań i yá̰á̰ kə́ majaĺ gə̄gē anī īkɔ́ ī-tɔ̄lə̄m̄ ba ī-lōō kəlam̄ jī bɔbí tə́.

1 SAMUEL 18:1

Dan ń Dabid a tɔ̄l̄ ta najə̄ ń ɔr̄ kə Saulú ní anī nel̄ Jonatan ngōn̄ Saul seneé ngá̰ý, adə̄ tárən tītə̄ rɔ̄n nəkɔ́ beē.

1 SAMUEL 21:1

Tā anī Dabid əsō róbó ō, Jonatan tél ta kaw̄ gogə́ ɓēé ō.