1 SAMUEL 22:7 - Bibəl ta Sar̄

⁷ Ni-ədadə́ na: Sḭḭ̄ Benjamḛ gə̄, ī-nēlī mbīsí majə ōōīneé. Sḭḭ̄ malang ń ī-raī toó, ngōn̄ Jese a adə̄sí loo ndɔr̄ gə̄ kə kāgə̄ nduú gə̄ ō a? Aké a əndāsí ngol de kə́ dūbú gə̄ ō kə́ ɓú gə̄ ō á,

Bible sar

⁷ Ni-ədadə́ na: Sḭḭ̄ Benjamḛ gə̄, ī-nēlī mbīsí majə ōōīneé. Sḭḭ̄ malang ń ī-raī toó, ngōn̄ Jese a adə̄sí loo ndɔr̄ gə̄ kə *kāgə̄ nduú gə̄ ō a? Aké a əndāsí ngol de kə́ dūbú gə̄ ō kə́ ɓú gə̄ ō á,

1 SAMUEL 22:7 Referans Kwoze

1 MBAN̄G GƏ̄ 12:16

Dan ń ngán Israel gə̄ a̰a̰n̄ kadə̄ mban̄g oō yādə́ nin̄ aĺ anī, tél ədan̄ na: Usəjí i rí kə Dabid? Yá̰a̰ ndəbā yājí i dɔ naā tə́ yā ngōn̄ Jese ń noō alé! Israel gə̄, ī-tél āwī gɔgə́ kem kújə tandā yāsí gə̄ tə́! Ngɔlaā ní Dabid, īkɔ́ á̰a̰ gō kem kújə yāí! Loo ń noō tə́ ngán Israel gə̄ tḭ̄ḭ̄n̄ naā kə̄ ɓē yādə́ gə̄ tə́.

IJAI 11:10

Ndɔ̄ ngeé ń noō tə́ ní, ngōn̄ kaa Jese a to tītə̄ dərapóo rɔ̄ɔ̄ yā gír de gə̄ kə́ dɔ nang tə́, kə́ a ɔjə kadə̄ yá̰á̰ kógə̄ḿ a rāā yá̰a̰. Nápar de gə̄ a reēn̄ yā dəjen kadə̄ adə̄də́ kɔjə ō, loo ń ni a ndi tū tə́ ní, kɔsə gɔn yā Nə́ɓā a ndə́lē tū tə́ ō.

IJAI 11:1

Ngōn̄ kə́ dəngam kógə̄ḿ a teē dan de gə̄ kə́ kem kojə yā Jese tə́, tītə̄ ta jī kāgə̄ kə́ dūú kə́ əɓa kadə ɓōdə̄ kāgə̄ kə́ tɔgə kɔ̄ɔ́ tə́ beē. Ta jī kāgə̄ kə́ əɓa dɔ ngəran gə̄ tə́.

2 SAMUEL 20:1

Benjamḛ kə́rēý kə́ nge rāā hál ndi noó, rīn na i Seba, ngōn̄ Bikri. Ni kɔ̄ŕ tōw̄ ba əga kɔŕ ədań de gə̄ na: Yá̰a̰ yājí i dɔ naā tə́ kə Dabidí alé. Yá̰a̰ ndəbā yājí i dɔ naā tə́ kə ngōn̄ Jese alé! Sḭḭ̄ Israel gə̄ ī-téliī kógə̄ḿ kógə̄ḿ kə̄ ɓē yāsí gə̄ tə́!

1 SAMUEL 25:10

Anī Nabal tūr̄ ədadə́ na: Dabid ngōn̄ Jese i náā? Ngɔlaā ɓəlo gə̄ kə́ aȳn̄ ɓē kɔ́ɔ̄də́ gēé kɔ̄ɔ́ gə̄ i ngá̰ý,

1 SAMUEL 22:13

Anī Saul əda Ahimelek na: I tām̄ rí tə́ á sḭḭ̄ kə ngōn̄ Jese ōōī naā dɔḿ tə́ ní? Ḭ̄ ādə̄n mápá ō kaskar ō ī-sāā dɔn tə́ rɔ̄ Nə́ɓā tə́ ō kadə̄ tūrəń gidən taḿ tə́ ō əyāń gūmbə̄ yā kəhɔmneé ō tītə̄ ń ni rāań ɓōólaā toó i najə̄ rí tə́?

1 SAMUEL 22:9

Anī Doeg kə́ Edom ń ra kadə ngé kəla yā Saul gə̄ tə́ ní əda Saul na: Ndɔ̄ kógə̄ḿ tə́ m-á̰a̰ ngōn̄ Jese aw̄ Nob rɔ̄ Ahimelek ngōn̄ Ahitub tə́.

1 SAMUEL 20:30

Wōn̄g rāā Saul ngá̰ý kə Jonatan adə̄ ni ədan na: Ngōn̄ dəyá̰ kə́ kaya, m̄-ger̄ kadə̄ ī-ndigə i najə̄ yā ngōn̄ Jese kadə̄ ə́lań rɔ̄sɔl̄ dɔ rɔ̄í tə́ ō, dɔ kó̰ó̰í tə́ ō.

1 SAMUEL 20:27

Ba teē kə kōŕneé, kə ndɔ̄ kə́ nge ko̰ jōó yā nāā kə́ kijə anī, loo yā Dabid to i karī ɓáý to̰. Anī Saul dəje ngōnən Jonatan na: I tām̄ rí tə́ á ngōn̄ Jese reē loo kəsa yá̰á̰ tə́ tagə́bēé aĺ ō, ɓōólaā aĺ ō ní?

1 SAMUEL 18:14

Yá̰a̰ malang ń teē kə de gēé yā kaw̄ rāā ní rāān̄ majə ō, Kɔ́ɔ̄ɓē i naā tə́ seneé ō.

2 SAMUEL 18:1

Deē yā Dabid gə̄ ran̄ kə ta naá, adə̄ Dabid mān̄ a̰a̰də́. Ni tə́ndā ngoldə́ gə̄ kógə̄ḿ kógə̄ḿ dɔdə́ tə́. Ngol kə́rēý gə̄ aw̄n̄ kə de gə̄ dūbú ō, kə́rēý gə̄ aw̄n̄ kə de gə̄ ɓú ō,.

1 YÁ̰A̰ GƏ̄ 12:16

I nin̄ n teēn̄ bā Jurdḛ kem nāā kə́ ta kəga dɔ tə́ ń bā Jurdḛ a rə̄ɓań kem kārə̄n tə́ kə̄ ndágá ní ba tə̄ɓān̄ de gə̄ malang ń ndin̄ kum wól loo gə̄ tə́ dām̄ kə́ gír ɓē tə́ ō, no ɓē tə́ ō, ní.