1 SAMUEL 22:4 - Bibəl ta Sar̄

⁴ Ni-aw̄ sedə́ rɔ̄ mban̄g kə́ Moab tə́ adə̄ ndin̄ seneé kem ndɔ̄ gə̄ ń ni ɓɔ̄ɔń rɔ̄n tə́ ní.

Bible sar

⁴ Ni-aw̄ sedə́ rɔ̄ mban̄g kə́ Moab tə́ adə̄ ndin̄ seneé kem ndɔ̄ gə̄ ń ni ɓɔ̄ɔń rɔ̄n tə́ ní.

1 SAMUEL 22:4 Referans Kwoze

PĀ GƏ̄ 11:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid. m̄-rāā Kɔ́ɔ̄ɓē i loo ɓɔ̄ɔ̄ rɔ̄ yāḿ tə́. Loo kadə̄ ə́damī na kə m-ā̰ȳ tītə̄ yel̄ beé, kə m-āw̄ dɔ mbalá ní i ba̰ý?

MATIYE 10:23

Ré a rāān̄sí ndoō tə́ kem ɓē kógə̄ḿ tə́ anī, ā̰yī kə̄ kem ɓē kə́ rang tə́. Ādə̄ m-ə́dásí najə̄ kə́ bo ngá̰ý, ā ā̰yī kə̄ gō ɓē gə̄ malang kə́ Israel tə́ aĺ ɓáý n Ngōn̄ Deē a reēń ní.

NEHEMI 6:11

m̄-téĺ m-ə́dan na: De kə́ dəngam kə́ tītə̄ḿ mā ń toō a a̰ȳ a? Tá de kə́ tītə̄ḿ mā ń toō ré udə kem kújə yā Kɔ́ɔ̄ɓē tə́ anī a ndi kə kumneé a? M-aā m-údə kemeé alé.

2 YÁ̰A̰ GƏ̄ 29:25

Gō tə́ anī mban̄g tə́nī ngán Lebi gə̄ kem kújə yā Kɔ́ɔ̄ɓē tə́ kə gində̄ kə́ laa gə̄ kə́ yā kənda naā tə́ kadə̄ ɓār̄ gēé ō, kə kənde gə̄ kə́ kəlādə́ i ngá̰ý gēé ō, kə ngé kə́ kəlādə́ i ngá̰ý aĺ gēé ō, jīdə́ tə́, kə gō ń Dabid ō, Gad nge ka̰a̰ yá̰a̰ yā mban̄g ō, Natan nge koō ta ō, ədan̄neé kadə̄ rāān̄ ní. Tɔdɔ̄ i Kɔ́ɔ̄ɓē n əda kadə̄ yā rāā ní. Ni-əndā najə̄ ní i ta ngé koō ta yān gə̄ tə́ kadə̄ ədan̄.

1 YÁ̰A̰ GƏ̄ 29:29

Kəla rāā mban̄g Dabid kə́ ta kəla gíŕ tə́ bátə́ ta tɔ̄l̄ ta tə́ ní, i kə́ ndang kem makətūbə̄ kəla rāā Samuel nge ka̰a̰ yá̰á̰ tə́ ō, makətūbə̄ kəla rāā Natan nge koō ta yā Nə́ɓā tə́ ō, makətūbə̄ kəla rāā Gad nge ka̰a̰ yá̰á̰ tə́ ō.

1 YÁ̰A̰ GƏ̄ 21:9

Kɔ́ɔ̄ɓē əda Gad nge ka̰a̰ yá̰a̰ yā Dabid na:

1 YÁ̰A̰ GƏ̄ 12:16

I nin̄ n teēn̄ bā Jurdḛ kem nāā kə́ ta kəga dɔ tə́ ń bā Jurdḛ a rə̄ɓań kem kārə̄n tə́ kə̄ ndágá ní ba tə̄ɓān̄ de gə̄ malang ń ndin̄ kum wól loo gə̄ tə́ dām̄ kə́ gír ɓē tə́ ō, no ɓē tə́ ō, ní.

2 SAMUEL 24:11

Loo ń noō tə́ Kɔ́ɔ̄ɓē ɔr̄ najə̄ kə nge ka̰a̰ yá̰a̰ yā Dabid ń i Gad kə́ nge koō ta yā Nə́ɓā ní ədan na:

1 SAMUEL 22:3

Dabid ḭḭ noó aw̄ Misəpe dɔ nang kə́ Moab tə́, ba əda mban̄g kə́ Moab na: Ādə̄ bɔbə́ḿ ō kó̰ḿ ō ndin̄ sesí bátə́ kadə̄ m̄-gerə̄ń yá̰á̰ ń Nə́ɓā a sāā rāā seḿ ní.

1 SAMUEL 22:5

Ndɔ̄ kə́rēý tə́ anī nge koō ta yā Nə́ɓā ń rīn na i Gad ní əda Dabid na: Ī-ndi loo ń ā ī-ɓɔ̄ɔ̄ rɔ̄í tū tə́ tə́ toō to̰ alé. ī-teē tū tə́ kɔ̄ɔ́ ba āw̄ dɔ nang kə́ Juda tə́. Adə̄ Dabid aw̄ ndi kem ku kāgə̄ gə̄ kə́ Heret tə́.

2 SAMUEL 8:2

Ni-tetə Moab gə̄ rɔ̄ɔ̄ ō, laadə́ nang tə́ ba tɔ̄l̄ kə́rēý gə̄ ō, əya̰ kə́rēý gə̄ ō. Ré nin̄ i mətá anī tɔ̄l̄ kə́ jōó gə̄ ba əya̰ kógə̄ḿ. Loo ń noō tə́ Moab gə̄ télən̄ ɓəlo yā Dabid gə̄ ō, nin̄ a tīrə̄n̄ dɔ yá̰a̰ gə̄ a adə̄nən̄ ō.

1 YÁ̰A̰ GƏ̄ 11:16

Dan ngeé ń noō tə́ ní Dabid ndi i loo ɓɔ̄ɔ̄ rɔ̄ yān tə́ ō, ɓūtə̄ ngé rɔ̄ɔ̄ yā Pilistin gə̄ ndin̄ i Betlehem ō.