1 SAMUEL 22:19 - Bibəl ta Sar̄

¹⁹ Saul adə̄ tɔ̄lə̄n̄ dəngam gə̄ ō, dəyá̰ gə̄ ō, ngáń kə́ dūú gə̄ ō, ngán kásə̄ gə̄ ō, man̄g gə̄ ō, kərō gə̄ ō, batə̄ gə̄ ō, bə̄yā̰ gə̄ ō malang kə́ Nob ń i ɓē yā ngé tun̄ yá̰a̰ gə̄ ń toō ní kə kaskaraá.

Bible sar

¹⁹ Saul adə̄ tɔ̄lə̄n̄ dəngam gə̄ ō, dəyá̰ gə̄ ō, ngáń kə́ dūú gə̄ ō, ngán kásə̄ gə̄ ō, man̄g gə̄ ō, kərō gə̄ ō, batə̄ gə̄ ō, bə̄yā̰ gə̄ ō malang kə́ Nob ń i ɓē yā *ngé tun̄ yá̰a̰ gə̄ ń toō ní kə kaskaraá.

1 SAMUEL 22:19 Referans Kwoze

1 SAMUEL 15:3

Ngɔlaā ní āw̄ ī-rɔ̄ɔ̄n. Ī-nujə yá̰a̰ yān gə̄ sák sák kɔ̄ɔ́ malang kanjə̄ kəya̰ yá̰á̰ kógə̄ḿ. Ī-tɔ̄l̄ yá̰a̰ malang ń ndi kə kumuú ní kɔ̄ɔ́, ī-tɔ̄l̄ dəngam gə̄ ō, dəyá̰ gə̄ ō, ngán gə̄ ō, ngán kə́ ta mba tə́ gə̄ ō, man̄g gə̄ ō, batə̄ gə̄ ō, jámbal gə̄ ō, kərō gə̄ ō.

JAKƏ 2:13

Tɔdɔ̄ deē ń a̰a̰ kum tō ndoō yā madə̄n gə̄ aĺ ní, Nə́ɓā a a̰a̰ kum tō ndoō yān loo sarya tə́ aĺ ō, banī ka̰a̰ kum tō ndoō i yá̰á̰ kə́ tetə sarya rɔ̄ɔ̄.

OJEE 10:14

I tām̄ najə̄ ń noō tə́ n rɔ̄ɔ̄ a təngā dan gír deē yāí gə̄ tə́ ō, a nujən̄ ɓē yāí kə́ ngan̄g gə̄ malang kɔ̄ɔ́ ō ní. Nin̄ a ton̄ tītə̄ Bet Arbel. Dan ń mban̄g Salman ənī ɓē ń toō rɔ̄ɔ̄ ní, ni rējə̄ kó̰ó̰ ngán gə̄ ō, ngáńdə́ gə̄ ō.

IJAI 10:32

Ndɔ̄ ngeé noō tə́ ní madə̄ ba̰ā̰ gə̄ dəban̄ Nob. Nin̄-unən̄ jīdə́ kə́ ɓir̄ əlan̄ kə̄ dɔɔ́, yā kəlań ɓōĺ kem mbal̄ bo kə́ Siyo̰ tə́, kem ngōn̄ mbal̄ kə́ Jerusalem tə́.

NEHEMI 11:32

Anatot ō Nob ō Anania ō

1 SAMUEL 22:11

Tā anī mban̄g əla gō Ahimelek nge tun̄ yá̰á̰ kə́ ngōn̄ Ahitub tə́ ō, gō ngéén gə̄ ń i ngé tun̄ yá̰á̰ kə́ Nob tə́ gə̄ ní ō adə̄ reēn̄ malang rɔ̄ mban̄g tə́.

1 SAMUEL 22:9

Anī Doeg kə́ Edom ń ra kadə ngé kəla yā Saul gə̄ tə́ ní əda Saul na: Ndɔ̄ kógə̄ḿ tə́ m-á̰a̰ ngōn̄ Jese aw̄ Nob rɔ̄ Ahimelek ngōn̄ Ahitub tə́.

1 SAMUEL 21:1

Tā anī Dabid əsō róbó ō, Jonatan tél ta kaw̄ gogə́ ɓēé ō.

1 SAMUEL 15:9

Saul nin̄ kə ngán Israel gēé əya̰n̄ Agag ō, yá̰a̰ kul̄ kə́ majə majə gə̄ ō. Nin̄ əya̰n̄ man̄g gə̄ ō, batə̄ gə̄ ō, bə̄yā̰ gə̄ ō, yá̰a̰ kul̄ kə́ bo majə gə̄ ō, ngán batə̄ gə̄ ō. I yá̰a̰ kul̄ kə́ majə ngá̰ý gə̄ n nin̄ əya̰n̄də́ kə kumuú ní. Ba i ngé kə́ to yá̰a̰ aĺ gə̄ ō, majən̄ aĺ ō n tɔ̄lə̄n̄də́ kɔ̄ɔ́ malang tām̄ yā Kɔ́ɔ̄ɓē tə́ ní.

JOJUE 6:21

Nin̄ bāān̄ dɔ de kə́ kemeé gə̄ malang tɔ̄ləndə́ kə kaskaraá dəngam gə̄, kə dəyá̰ gə̄, kə ngán gə̄, kə de kə́ tɔgə gə̄, tɔ̄lə̄n̄ man̄g kə́ bəra gə̄ ō, batə̄ gə̄ ō, kərō gə̄ ō.

JOJUE 6:17

Ɓē ní kə yá̰a̰ malang kə́ kemeé i kə́ bāā dɔ tām̄ yā Kɔ́ɔ̄ɓē tə́ Ba i Rahab ń i dəyá̰ ájə́ba ní ngóy n ā ə́ya̰in̄ kadə̄ ndi kə kumuú ō, de gə̄ malang ń a ndin̄ kújú gon tə́ ní ō, tɔdɔ̄ ni ɓɔ̄ɔ̄ ngé kum̄ loo gə̄ ń j-əlaīdə́ ní.

MATIYE 21:16

ba dəjen̄ Jeju na ké oō najə̄ ń a ədan̄ noó wa. Anī ni-tél ədadə́ na: A̰á̰ā̰ m-ōō, ba najə̄ ń ndangən̄ na ḭ̄ ī-rāā ādə̄ ngáń kə́ dūú gə̄ ō, ngáń kásə̄ gə̄ ō, ɓōkə́nī tɔ̄ȳ ní, sḭḭ̄ ī-tə́daī nja kógə̄ḿ aĺ a?

1 SAMUEL 15:8

Ni-tɔ̄l̄ Amalek gə̄ malang kɔ̄ɔ́ kə kəyā kaskaraá, ba i mban̄g yādə́ Agag ngóy n əhɔn kə kumneé ní.