1 SAMUEL 22:17 - Bibəl ta Sar̄

¹⁷ Gō tə́ anī mban̄g əda pajā yān gə̄ kə́ ngé ngɔ̄mə̄n gə̄ ń ran̄ kadən tə́ ní na: Ɔ́tə ī-tɔ̄lī ngé tun̄ yá̰a̰ yā Kɔ́ɔ̄ɓē gə̄, tɔdɔ̄ nin̄ i ngé kənī najə̄ gír Dabid tə́ ō. Nin̄ gerə̄n̄ kadə̄ Dabid a̰ȳ i mbée ba ədamə̄n̄ alé. Banī ngé kəla yā mban̄g gə̄ ndigən̄ kun jīdə́ tɔ̄ləń ngé tun̄ yá̰a̰ yā Kɔ́ɔ̄ɓē gə̄ alé.

Bible sar

¹⁷ Gō tə́ anī mban̄g əda pajā yān gə̄ kə́ ngé ngɔ̄mə̄n gə̄ ń ran̄ kadən tə́ ní na: Ɔ́tə ī-tɔ̄lī *ngé tun̄ yá̰a̰ yā Kɔ́ɔ̄ɓē gə̄, tɔdɔ̄ nin̄ i ngé kənī najə̄ gír Dabid tə́ ō. Nin̄ gerə̄n̄ kadə̄ Dabid a̰ȳ i mbée ba ədamə̄n̄ alé. Banī ngé kəla yā mban̄g gə̄ ndigən̄ kun jīdə́ tɔ̄ləń ngé tun̄ yá̰a̰ yā Kɔ́ɔ̄ɓē gə̄ alé.

1 SAMUEL 22:17 Referans Kwoze

Teē Ngán Israel gə̄ 1:17

Ɓá tā ba dəyá̰ kə́ ngé taā ngán gə̄ ní ɓōlə́n̄ ndíĺ Nə́ɓā, adə̄ rāān̄ tītə̄ ń mban̄g kə́ Ejiptə ədańdə́ ní alé. Əya̰n̄ ngáń kə́ dəngam gə̄ adə̄ ndin̄ kə kumdə́.

1 SAMUEL 14:45

Banī de gə̄ ədan̄ Saul na: Jonatan ń tetə rɔ̄ɔ̄ kə́ bo ngá̰ý ń toō adə̄ ngán Israel gə̄ ní kə oy a? Nge ń noō i yá̰á̰ kə́ majaĺ bátə́. Tītə̄ ń Kɔ́ɔ̄ɓē ndiń kə kumneé noō, nənga dɔn kógə̄ḿ gə̄gē a əsō nang tə́ alé. Tām̄ yá̰á̰ ń ni-rāā kem ndɔ̄ kə́ ɓōólaā tə́ ní nin̄ rāān̄ i naā tə́ kə Nə́ɓāá. I beé n ngán Israel gə̄ taān̄neé Jonatan ta yo tə́ ní.

KƏLA RĀĀ 4:19

Banī Piyer nin̄ kə Ja̰a̰ ədan̄də́ na: Sḭḭ̄ kɔ́ gə̄ ī-gāngī sarya ń toō: I koō tasí sḭḭ̄ n i yá̰á̰ kə́ gōtə́ ta kum Nə́ɓā tə́ aké i koō ta Nə́ɓā ḿ?

2 MBAN̄G 10:25

Dan ń Yehu tun̄ yá̰a̰ oy anī əda áskar gə̄ ō, ngol áskar gə̄ ō na: Údiī, ī-tɔ̄līdə́! Ādə̄ deē kógə̄ḿ dandə́ tə́ teē alé! Adə̄ nin̄ tɔ̄lə̄n̄də́ ba ɓōkə́n̄ nīńdə́ gidə ɓē tə́ ndágá. Gō tə́ anī udən̄ kem loo kə́ táĺ ngá̰ý kə́ kem kújə yā Baal tə́.

1 MBAN̄G GƏ̄ 18:4

adə̄ dan ń Jesabel adə̄ tɔ̄lə̄n̄ ngé koō ta yā Kɔ́ɔ̄ɓē gə̄ ní, ni ɔy ngé koō ta yā Kɔ́ɔ̄ɓē gə̄ ɓú ɓɔ̄ɔ̄də́ kutə mí kutə mí kem bəlo mbal̄ gə̄ tə́ gír loo jōó, ba a̰a̰ gōdə́ kə yá̰a̰ kəsaá ō, kə man̄ ka̰yá̰ ō.

1 MBAN̄G GƏ̄ 1:5

Dan ngeé n noō tə́ ní Adonia kə́ ngōn̄ Dabid ń ojən kə Hagit ní, ɔsə rɔ̄n kə̄ dɔɔ́ əda na i ni n n-a n-o̰o̰ ɓē ní. Ni sāā púsə́ sə́nda ō, sə́nda gə̄ ō, ɔy de gə̄ kutə mí adə̄ a ngɔ̄də̄n̄ kété non tə́ ō.

2 SAMUEL 15:1

Gō tə́ anī Absalom sāā púsə́ kógə̄ḿ ō, sāā sə́nda gə̄ ō, ɔy de gə̄ kutə mí kadə̄ a̰ȳn̄ ngɔ̄də̄ kété non tə́ ō.

1 SAMUEL 25:17

Adə̄ ngɔlaā ní ə̄ndā ma̰ȳ yá̰á̰ ń kadə̄ ī-rāā ní majə. Tɔdɔ̄ yá̰á̰ kə́ tōr̄ a əsō dɔ kɔ́ɔ̄jí tə́ ō dɔ de kə́ ta kújə yān tə́ gə̄ ō. Hálən nəkɔ́ majaĺ ngá̰ý, adə̄ deē asə kədan yá̰a̰ alé.

1 SAMUEL 22:13

Anī Saul əda Ahimelek na: I tām̄ rí tə́ á sḭḭ̄ kə ngōn̄ Jese ōōī naā dɔḿ tə́ ní? Ḭ̄ ādə̄n mápá ō kaskar ō ī-sāā dɔn tə́ rɔ̄ Nə́ɓā tə́ ō kadə̄ tūrəń gidən taḿ tə́ ō əyāń gūmbə̄ yā kəhɔmneé ō tītə̄ ń ni rāań ɓōólaā toó i najə̄ rí tə́?

1 SAMUEL 20:33

Saul un nənga yān kə̄ dɔɔ́ yā kɔsəń Jonatan. Loo ń noō tə́ Jonatan ger̄ kadə̄ bɔbə̄n əndā kemən dɔ tɔ̄l̄ Dabid tə́.

1 SAMUEL 8:11

Ədadə́ na: Mban̄g ń a o̰o̰ ɓē dɔsí tə́ ní, yá̰á̰ ń a rāā ní n toó: a əhɔ ngáńsí kə́ dəngam gə̄ kadə̄ nin̄ i áskar gə̄ kə́ ngé kal̄ púsə rɔ̄ɔ̄ yān gə̄ ō, kə́ ngé kal̄ sə́nda rɔ̄ɔ̄ yān gə̄ ō, kadə̄ a̰ȳn̄ ngɔ̄də́ kété no púsə́ sə́nda yān tə́ ō.

1 SAMUEL 2:31

Ndɔ̄ gə̄ a reēn̄ noó kadə̄ de kə́ ngáā ngáā gə̄ kə́ gír kojə yāí tə́ ō, kə́ gír kaa yāí tə́ ō ní, m-ā m-ɔ̄r̄də́ kɔ̄ɔ́ kadə̄ deē a a̰a̰ de kə́ tɔgə ɓə́ga ta kújí tə́ to̰ alé.

1 SAMUEL 22:16

Banī mban̄g əda na: Ahimelek, ā óy naā tə́ kə ngééí gə̄ malang.

1 MBAN̄G GƏ̄ 14:27

Mban̄g Roboam rāā der kə́ rang gə̄ kum gotə kə gində̄ nə̄ngá kasaá, ba adə̄ ngol gə̄ kə́ dɔ ngé ngɔ̄m̄ loo gə̄ ń ran̄ ta kújə yā mban̄g tə́ ní kadə̄ ngɔ̄mə̄n̄.